قصة ( بحبك يا غرام )

الحلقه الاولى

طبعا ده موش اسم فيلم ولا حاجه دي مذكرات مراهقه عاشت فترة مراهقتها

بكل ما تحمل الكلمة من معنى في خيالها وفي الحقيقة

على فكرة فكرة الموضوع ده من الخيال بس قصصها من واقع قصص حقيقيه

وتجارب مراهقتنا البنوته اسمها غرام والاسم ده طبعا مستعار

بس الاسماء اللي ممكن تدخل في

تفاصيل المذكرات جايز تكون حقيقيه يا رب تعجبكوا المذكرات .

وعلى فكرة هى منقوله زى مصحبتنا بتحكيها عن نفسها بالظبط بدون اى تدخل منى ...

-------

ملحوظه: الكاتبه الاصليه للمذكرات اسمها فاطمه

وعجبتنى قصتها فنقلتها ليكم

وبحب اوجهلها تحيه كبيرة جدا لانها بجد انسانه مبدعه

هنبتدي المذكرات بأول موقف في حياة غرام

كمان شهر بالظبط هتم ال17 سنه انا برج الميزان طيبه قوي وبحب الناس قوووووي

نفسي ابقى مطرقعه لمرة واحده في حياتي وابطل خوفي وكسوفي اللي زيادة عن اللزوم ده

احس اننا زيهم محبوبة وبحب وبتحب بس انا ما ينفعش تقريبا لان ابويا راجل غلبان وعلى قد

حاله هيشتريلي هدوم زي اللي بتجيبها لينا كل يوم منيين وهعمل شعري كل يوم عند الكوافير

وعمري ما حبيت وعمري ما حسيت ان انا زي غيري عبير ولينا وشروق محبوبين نفسي

اعمل زي ما بتعمل شروق منين و ما اعرفش اخرج لوحدي زي ما بتعمل عبير

اي نعم البت عبير بتفطسنا ضحك كل يوم على حكاويها مع رائد لكن يا مصيبتها السودة لو

طنط قفشتها دي موش هيطلعلها نهار

ياااااااااه ايه القرف ده هستنى لحد امتى علشان احب زيهم

قلت لنفسي :

بطلي عبط يابت ايه اللي انتي بتقولي ده الحب ده حرام ايوه حرام لاااااااااء

الحب مش حرام انا نفسي احب بقى ماليش دعوة هفضل لأمتى استني اليوم ده

لاء مش مستنيا حاجه انا هدور بنفسي

انا بكرة هروح عند شروق اخليها تعملي شعري سشوار وهستلف طقم من لينا

وهروح لعبير نخرج على الله الاقي حد يحبني استأذنت من ماما

اننا هروح عند عبير النهارده وهنخرج وكده المهم وافقت

لبست بقى في خمس ثواني وجري عند عبير

وكنت قبل الخروجه بمنظر تاني غير اللي خرجت بيه شعر منكوش

وبنطلون قماش بسيط وقميص وفجأة

لقيت لينا جيبالي بنطلون جينز غالي قوووووي ليها وبتقولي قيسي ده

وشروق مجهزه السشوار وعبير هتخدني معاها و هنخرج نروح على سيتى ستارز

واو سيتى ستارز حلم عمري من زمان نفسي يتحقق عليا النعمة لو طلبت من بابا يخدني

لقلي اتلهي هوا احنا لقيين ناكل اما اخدك مكان زي ده

طبعا ايه ساعة وانا اصرخ وهما بيشدو في شعري وشمه ريحة شياط ايه ده

هي دي جيبا البنطلون ده ازاي وبتلبسه ازاي دي لالالالالا اللا ده مكياااااااج ده

اروح فيكو اللومان تؤتؤ انا موش لاعبه

يبت بطلي عقد تعالى بس هي دي الموضه وربنا هتقضي يوم زي العسل

و المكان هناك يجنن المهم الزن على الوادن امر من السحر المهم حسيت

وكأني زي العروسة شعري جميل واللبس حلو عليا قوووي

واقتنعت بعد اما قالولي ان حتى لينا وشروق جيين معانا وما فيش اي داعي للخوف

ووصلنا عمو والد لينا بالعربيه يبختك يا لينا موش بتتشعبطي كل يوم في الميكرو

علشان توصلي المدرسه

المهم وصلنا سيتى ستارز ونظرات الانبهار وخداني

ينهار زي بعضه ده انا مكنتش عايشه قبل النهارده الناس كتير التخين والرفيع والطويل

والقصير من كل شكل ولون وانا لو ما كنتش جيت كان زماني بتفرج على القناة الاولى

واللا بتخانق مع اختي الصغيره واللا قاعدة في القوضه وحواليا الف واحد

احسن حاجه ان انا خرجت

واكلت ايس كريم كان اطعم ايس كريم كلته في حياتي شوية كده

وقعدنا لقيت اتنين شبان جم بيسلموا على لينا اتخضيت قوي رحت قايمه

من مكاني قالتلي ده محمد ومصطفى ولاد طنط سميحه صاحبة ماما

انا سمعت طنط سميحه ارتحت قعدت تاني سلموا ومشيوا

ما فيش ثانية واحده وقالت لينا انا هاخد شروق ونتفرج على الفتريين بتاعت اللبس

موش هنتأخر طبعا عبير بتلعب في الموبايل وكل شويه نازله لرائد رن

ومسج وانا ببص وبس

وحياة ربنا لأمي تعلقلي المشنقه النهارده يلله نمشي

نمشي ده ايه دحنا ما بقلناش ساعه قاعدين بطلي بقى خنقتيني

طيب اوعديني اننا موش هنتأخر انا ورايا مزاكرة

اوك اوك بس والنبي بلاش زن

سكت وقعدت ابص على الناس وكأن الناس دي موش شبه الناس اللي عندنا

في الحتة خالص الجو كان جميل والمول كان مليان مرت ساعة

و لينا وشروق مجوش ولا حتى شفتهم

حصل ايه في المول هكمل في الحلقة الجايه ...............

الحلقة التانية ..

شوية ولقيت اتنيين قربوا مننا منهم رائد تقريبا لان البت عبير ما صدقت

ووقفت تسلم عليه

هااااااااي

دينا هاااااااي

عاملين ايه يا بنوتات

الحمد الله

عبير قالت اعرفك دي غرام صحبتي

رد رائد قال : اهلا غرام وده صاحبي بلال

اتفضلوا تشربوا ايه

رديت عبير انا هاخد بلاك فوريست وفرينش كوفي

بلمت قلت ليكون حاجه وحشه

انا موش هاخد حاجه متشكرة

سعتها قرفت من نفسي قوي وحسيت اننا مخنوقه اول مره

اعمل حاجه تضايقني كده

حسيت ان كل الناس بتبصلي وبتقول ايه قلة الادب ديه

وانا موش كده قلت يا رب خلص اليوم ده على خير بقى

طبعا عبير ورائد بيتكلموا وعارفيين بعض وانا ببص على الناس

وساكته موش عارفه حد وقلقانه وضربات قلبي بتدق وخمس ثواني كمان وهعيط

لقيت الولد صحبه اتكلم ونطق اخيرا بيقولي مساء الخير؟

رديت قلته : طيب !

قالي اسمك ايه ؟

بصيتله بصه غريبه وقلتله ما قالتلك عبير غرام

قلي عاشت الاسامي يا قمر وعندك كام سنه بقى

قلتله 16

قالي يا صغنن

قلتله نعم ياخويا (هههههههههههه والله كل ما افتكر اضحك)

قلتله ايه صغنن دي ما تشوف انت بتكلم مين

قالي طيب بشويش مالك قافشه

قلتله ولا قافشه ولا بتاع انا مروحه وقمت ( كنت بتلكك بقى )

وفجأه الطربيزه كلها قامت ايه رايحه فين ليه كده بس

ولقيت البت عبير لحقتني

قالتلي كنت عارفه انك هتقلبيها بغم

وريني بقى هتروحي ازاي

يادي النيله ربنا ينكد عليكي انا راجعه اكل البلاك فوريست بتاعي

حقدت عليها وقعدت ادعي عليها

ببص على شمالي كده موش عارفه لا اجي منين

ولا اروح فين زي التايهه في الزحام

لقيت لينا وشروق ماشيين مع محمد ومصطفى ولاد طنطها سميحه

تنحت

بقى كده تلبسوني العمه

فتاريين ايه اللي بقالكوا ساعتين بتلفوا فيها

انا عايزه اروووووووووووح ماليش دعوه بقى

سد سد يبنتي سد ايه خلاص مروحيين

رجعت بتنا وانا شيلا يوم نصه فرحانه ونصه مخنوقه قووووووي

وقلت لنفسي انت بتعملي كده ليه بطلي عبط بقى وشوفي مصلحتك

ولو ربنا عايزك تحبي هتحبي من غير ما تدوري انتي على الحب

نمت وانا بعيط وموش طيقه نفسي

استنوني راجع تانى .....

الحلقه الجايه بقي ........

ملحوظه : الكلام بين الاقواس بين غرام وبين نفسها

الحلقه التالتة

انهرده كلمتني عبير في التليفون طبعا كنت موش طيقاها وزعلانه منها جدا

علشان الحركة اياها وقلتلها انتي جبانه موش تكلميني تاني قلتلي بقى دي عمله تعمليها

هوا حصل ايه لده كله

قلتلها يا بنتي انا غلطانة اساسا اننا فكرت اجي معاكي انا ماليش في الجو ده

صدقيني قالتلي طيب خلاص صافي يا لبن

( هوا ما كنش علشان خاطر سواد عيوني بس علشان كان عيد ميلادي)

وانتهينا قلتلها طيب خلاص

عيد ميلادي ده قررت فيه ان خلاص كفايه كده ولازم احب بقى لان كده كتير.

نفسي احس الرومانسيه والرقه واتجرأ واتكلم وابوح بمشاعري لحد يستاهل

المهم

بعد يومين اتصلت لينا قلتلي تعالي انا عندي شروق وعبير

وقعدين مع بعض وماما عند جدتي ومعاها اخواتي الصغيرين يعني هنعد براحتنا

من غير قلق

قلتلها هسأل ماما قالتلي ماشي بس ما تتأخريش

رحت بقى عندها كان بيتهم كبير قوي وواسع وجميل والبلكونة واسعه يرمح فيها الخيل

سيبتهم وفضلت قاعده في البلكونة تايهه وسارحه في الجو الجميل

ونفسي ابص كده قدام عيني الاقي بحر وجمبي شط وانا لوحدي ولو كان معايا حد

يبقى واحد معين يملا عليا المكان ضحك وحب

ببص قدامي لقيت شاب واقف على البلكونه اللي قدام بيتها وبيبصلي قوووي

عدلت قعدتي طبعا بيني وبينكو اتاخدت ورحت قايمه فبسأل لينا بقولها

مين ده اللي واقف في بلكونتهم قالتلي ده جارنا عادل واخته دينا صحبتي جدا

بس ايه واد جامد بجد هوا في الجيش دلوقتي وجي اجازة وراجع بكرة او بعده بالكتير

بصراحه كده ومن الاخر حسيته بيبصلي

قالتلي لاء هوا مؤدب قوي ومش ليه في الحجات دي وبيحب واحده

نزلت لينا معانا علشان توصلنا لاول الشارع ببص كده لقيته واقف قدام بيتهم

وجمبه شلة بنات من اخواته وبنات اخواله وعمامه

رحت بصه بقرف كده ( عاملي فيها روميو حضرته)

مش عاجبني المهم سلمت عليهم من بعيد وروحنا

تمر الايام وتيجي دينا دي معانا في نفس الفصل اللي كنا في احنا الاربعه

والبنت دي حبتني قوووووي وبقينا صحاب وقالتلي احنا جران يعني تعالي

عندي في البيت نزاكر مع بعض قلتلها معلش انا موش بخرج ديما

بس كنت كل ما روح عند لينا افاجأ بأخو دينا واقف بيبصلي

وبيتعمد يبصلي قوي وسعات برضه الاقيه مشغل الكاسيت على العالي اغاني حب وغرام

اول ما يلمحني

وانا اقول للينا اخو دينا ده موش مظبوط هوا بيعمل كده ليه تقلي لاء عادي هوا ديما كده

المهم بقى في يوم كنت في بيتنا عادي يعني بمسح الشباك وقعت مني

الحاجة اللي بمسح بيها في الشارع ببص تحت الاقي المحروس اسم الله عليه

واقف تحت بيتنا جمب عربية كبيره قالولي بعدين ان اسمها جيب اصلي

ماليش في العربيات ومره بي ام سودة حسيت اننا واقعه في فيلم عربي قديم

يقف بعيد عن البيت شويه ويشغل الاغاني اياها وانا بصراحه كنت مضايقه

وحاسه ان الحركات دي متوجهه ليا موش لحد تاني

وفي يوم وافقه في شباك بيتنا كالعادة بصراحه لان ما فيش حاجه تانيه اعملها

واستريح من المزاكره والبيت اللا الشباك ببص لقيت اخينا بالله في بيت الجيران

قدمنا وقاعد مع علاء ابن الجيران واول ما وقفت جم ووقفوا هما كمان في الشباك

قلت اووووووووف بقى ورحت قافله الشباك ودخلت جوه البيت

بعد كده عزمتنا دينا اخته على البيت عندها علشان نزاكر سوا وكده كلهم قالوا

اه انا قلت لاء موش هقدر ماما موش هترضى انا عارفه موش بتحبني ازاكر

مع حد معلش قالتلي طيب بس علشان تفهمينا درس الفيزيا ما تطوليش

قوليلها موش هتتأخري قلتلها مامتي وانا عرفاها

فوجئت بلينا مكلماني في البيت وطلبت من ماما اننا اروح معاهم عند دينا

وان موش هنطول كلها ساعة بالكتير قالتلها ماما اصل خالها جي

وخارجين موش عاوزاها تتأخر قلتلها انا هوصلها ان شاء الله موش هنتأخر

قلتلها يبنتي انا ما قلتش لماما علشان موش عايزه اروح

قالتلي هيحصل ايه يعني انتي معانا اهو

قلتلها طيب بس اياك يحصل حاجه علشان هبهدل الدنيا انا مبحبش الحركات دي

انا بقولك اهو

قالتلي انتي بس كده ديما بطلي بقى شغل العيال ده

المهم رحت الاول عند لينا واتجمعنا عندها وبعد كده نزلنا عند دينا

ويا دوب اهو خلاص هنخش قعدنا في الصالون

انا طول الوقت قاعده عادي لقيت البت شروق بتقول اخوها اهو والنعمه الواد ده جامد

بصيتلها من فوق لتحت وانا عارفه انها بتغيظني قلتلها سيبتهولك يختي

شوية كده لقيت باب بيتهم بيدق ده اخو لينا بيقولي ان ماما كلمتني هناك

وعيزاني اروح علشان خالي هيودينا معاه السوق

حمدت ربنا ان انا موش اتأخرت اكتر من كده وجري على البيت

كنت ارجع البيت افكر يا ترى هوا بيبصلي كتير قوي كده ليه يا ربي

بيحبني ممكن يكون بيحبني لو فعلا كده انا هشوف هيعمل ايه ؟

ولا يمكن ولا يمكنش هو شاف ان مفيش فايدة بعد كدة وراح لحاله

والحمد الله رب العالميين......

الحلقه الرابعه من المذكرات خاص بفنان مشهور

دوخ البنات كلها .......

استنوني بقي .. الحلقه الجايه

الحلقه الرابعة

ولا زلت ابحث عن حب عمري الحقيقي في اي مكان

المهم اننا الاقيه اننا اتوهمت اننا لقيته في التلفزيون

وسرحت معاه في خيالي وبقيت جزء من احداث اللقاء معاه كنت بكلمة كل يوم

وبكتبله كل يوم اعيش في احلامي وخيالي قصة فيها بحر وشط وانا وهوا لوحدينا

وبس وافضل اكلمه كتير جداااااااا وبعد كده افوق على واقع فيه اوضتي وسريري في بيتنا

ولا في بحر ولا شط ولا اي حاجه الحلم ده فضل شاغلني ايااااااااااام كتير

يجيني وانا مستنيه اليوم اللي هيبقى حقيقي

انا كنت في حالي قوي ماليش في حد وكنت من فرط الخجل ابان مغروره

لا بكلم حد ولا لسه اعرف اعمل علاقات مع الناس بنت خام قووووي بس كنت مجتهده

بس ديما اقف عند موضوع الحب ده وابلم ما اعرفش اكدب

ولا اقول واخترع قصص لزميلي

كنت كل يوم ابص في وشوش الناس واحد واحد واقول ده لاء ده

رخم يمكن ده لاء ده مش عارفه ايه

فقررت اننا الاقيه بنفسي ابتديت اركب شخصيه قريبه لطريقتي انا وتفكيري

واقول اهم حاجه لازم يكون راجل ملو هدومه وطيب وحنون قوي وجدع

وابن بلد وروش برده مافيش مانع واهم حاجه رومانسي

بس تؤتؤتؤ لو

قالي نخرج طبعا لاء انا ماليش في الحجات دي

ايه يبت بسم الله الرحمن الرحيم مالك في ايه ؟

بتكلمي نفسك ولا ايه لا اله الا الله

ارجع كل يوم اشغل الكاسيت واسمع بقى في اغاني واتوه في رقة كلام عمرو

وتامر ومحمد فؤاد واي حد يقلقلني ولا ينادي ليلته زرقه

وفي مره اخواتي بيندهولي جامد الله اكيد في حاجه مهمه

خرجت لقيتهم كلهم ملمومين حولين التلفزيون القناة الاولى وعملين

لقاء مع تامر حسني

الله فناني المفضل يخبر على جماله لفت انتباهي بطريقته واسلوبه ولقاءاته

ورومانسيته وياويله اللي يشوفله صوره في جريده او مجلة

ولا يجبهاليش اصل انا حمشه ما يغركوش

يااااااااااه قد ايه رزين وروش في نفس الوقت ضحكته تجنن

واللا عنيه يالهووووووووووووي اموت انا

(محدش يتريق)

ويخلص اللقاء من هنا واروح في عالم تاني خالص كله رومنسيه ورقه وحب

حصل ايه لغرام مع تامر حسني ؟؟ هتشوفوا في الحلقه الجايه ان شاء الله

تابعوووووني .. عشان اكمل

الحلقة الخامسة

كل حياتي بقت مرتبطه بيه اصحى الصبح احط الكاسيت وعليه اروح اي حته وارجع

وبرده عليه وكل اغنيه ليه بقت بتمثلي حاجات وافكار واحلام رومانسيه

لو قال اما بتكون بعيد بحضر كلام اقوله اقعد افكر هقوله ايه لو شفته وهوا هيقولي ايه

وحلم البحر والشط وهوا جي من بعيد بقى مرتبط بيه قوووووووي نفسي اشوفه

واكلمه ونروح على شط ويجي من بعيد ونتكلم وبعد ما نتكلم نرقص مع بعض

مش عارفه اشمعنا نرقص ونقعد على الرمله بس هوا كده

بعد كده بفترة وانا في مره في المدرسة سمعت من البنات صحباتي ان تامر

منزل كليب جديد واغنية تحفة وتجنن وانا اسمع بقى اتجنن فلانه عندها

دش يبختها انا اخري القناة التانيه

دلوقتي وحالا لازم تصرفوني عايزه اسمع الاغنية دي وكأنه عملهالي او دي رساله منه

ليه وقررت اننا اروح مع البت صحبتي بيتهم ال ايه بقى هنذاكر وبتاع وفرصه

لو جابوه الاغنيه اشوفها وبلاش كدب بقى هي اساسا كانت منزلها على الكمبيوتر بتاعها

المهم ما اطولش عليكم قعدنا واتغدينا سندويتشات فول كنا جيبنهم معانا واحنا مروحين

من عند عم مصطفى اللي على اول الناصيه بيعمل اما فول تمام بجد وطعم ياما كان نفسي

يبقي سندوتش كفته المهم ومن غير تطويل

دخلنا بقى اوضتها وهي كالعادة متكركبه ولا تدل على اي معنى من معاني الرومانسيه

اللي كنت بحلم بيها وقدري طبعا اننا جيه معاها وظبطنا الاوضه وخليناها جنة بس

اتهد حيلي بصراحه ما اقلكوش

المهم جابت الشاي ومخمخنا وقعدتني قدام جهاز الكمبيوتر في انتظار مفاجأتي الموعوده

تامر حسني واغنية جديده وفيديو كليب حكاية زي ما بيقولوا هما

يخبر ايه ده مين دي كان نفسي اكلها بسناني بس البت حلوه قوي

يخببببببببببببببببر ده شط وبحر

لاء لاء لاء وبترقص معاه كمان

وكأني انا اللي اخرجت الفيديو كليب ده في خيالي ياه

واستوقفني في الاغنيه مقطعين

يعني ايه لما كلامي كله يبقى في سيرتك يعني ايه لما ابقى عايش

مش شايف غير صورتك لاء وصوتي يا حبيبي ما ينطقش اللا اسمك

يخبر ده انا مش ببطل اتكلم عنه ولا حته ثانيه واحده ده انا عايشه بيه

وبطلب من ربنا كل يوم في صلاتي انه يرزقني يا بيه يا بحد شبهه وبرقته وبرومانسيته

والحته التانيه اما بيقول يعني ايه كل اما اروح مكان اشوفك جمبي يعني ايه حبك

واخدلي قلبي روحي وعاقلي لاء وعمري ما الاقي نفسي الا انت في حضني

يالهووووووووووووووي ده انا اللي بتكلم مش هوا وانا اللي المفروض اجيبه

في الكليب ده معايا انا

المهم تهت بقى في دنيتي ونسيت انا كنت جيه ليه اساسا ولا سمعه اي حاجه في وداني

الا الكلمات دي وصوته وهوا بيرددها وانا في منتهى السعاده

وهوا بيغنيهالي انا مش اي حد تاني

وروحت بقى وعلى اوضتي فورا وقفلت الباب عليه وعلى سريري ببص لقيت دموعي

بتنزل كده لوحدها طيب في ايه مالك يابت !! فوقي ما اعرفش يخببببببببر

قد كده عشت جوه حلم ولبسني نسيت انا فين وهوا فين واتغظت بصراحه

وانا شيفاه بيحضن البت اللي في الكليب يمكن نزل من نظري ثانيه

وعيطت علشان خاطر كده بس قلت لنفسي فوقي يابت انتي صدقتي

واللا ايه انتي اخرك تحلمي بس مش ابعد من كده

وقررت اننا زعلانه منه (من تامر اقصد ) بقى ومخصماه وعشت الدور ده للنهايه

ورفضت اي حد يكلمني عن تامر حسني ولا حتى يديني صورته حتى الراديو

ما بقتش اسمعه خالص ويوم ما ازهق ادخل انام

والا اخرج امشي وزعلانه منه وواخده على خاطري

وفي مره بفتح الراديو وفعلا للصدف

لقيت تامر بيقول

وما دام انتي شيفه كده خساره ان اعشقك ضيعت سنين معاكي

كدابه ما اصدقك وخلاص امشي وسيبيني وربنا يوفقك

قعدت اعييييييييط بقى وبنهنهه وماما افتكرت بقى في حاجه

وانا اقلها ما فيش حاجه متخنقه مع لينا

واكمل الاغنيه وهوا بيقول :

طلعتي معاكي عيني وكمان بتهدديني ال يعني خلاص يا روحي من الجنة بتطرديني

دنتي لما تسيبيني يا حبيبتي هترحميني مخانقه ومن جروحي ده انتي هتريحيني

يخببببببببببر ده هوا كمان زعلان جدا مني بس انا اكتر ينفع

والنبي الفيديو كليب اللي انت عمله ده يا تامر والله هوا جميل ورقيق

بس مش كنت احب الصوره الورديه للشاب الرزين الدغري الحمش الرومانسي

يعمل كده وخصوصا ان كل لقاءاته كانت تدل انه محترم جدا وبيغير على حبيبته

وكده وانا بنظرة البنت المتخلفه زعلت منه لاء بقى انا مش زعلانه منك

وهوا فنان وده تمثيل اساسا بقيت اقنع روحي بقى حبه حبه ان تيمو ضحيه للبنت دي

وابتديت اكره البنت دي اساسا واسامح تامر

الصراحه انا اما سمعت الاغنيه دي قعدت افكر هقول للبنات اننا سامحته ازاي

وعايزه الكاسيت بتاعه ازاي المهم قلت ما فيش الا اننا عادي بقى وبتاع

واقول للينا اننا عايزه اسجل الشريط عندها في البيت علشان عندها دبل كاسيت

وينفع اسجله منه وارخص من ما اشتريه والله مش بخل بس مصروفي

وبيطير اول خمس ايام اساسا من الشهر

المهم روحت وسجلته وسمعته وحبيته جدا واما روحت البيت بقى وعلى روقاني المعتاد

شغلته صحيح الصوت كان واطي ومش قد كده لكن مش بطال

ويجي حظي يا محلا الدنيا وانا جمبك يا كل منايا محتاجلك حبيبي يا عمري

ما تسيبنيش وحياة اغلى حاجه عندك

[b]وحبيبي النهرده لازم تعرف حبك عاملي جنان

واكتشفت فعلا اننا بقيت مجنونة

بالشخص ده وعشت وعيشت روحي في حلم معاه وبين شغله واغانيه ولقاءاته

اي انترفيو لازم اسمعه واشوفه واي صور ليه اخدها قديم وجديد

وكأنه حبيبي اللي بدور عليه بكل رومانسيته ورقته واخلاقه

في الفتره دي اي حد كان يحاول يتقرب مني او حتى يكلمني ارفض

وكنت مركزه على حاجتين مذاكره واجتهاد وتامر مش يمكن بكره اتخرج

واشتغل مذيعه وتشاء الظروف اننا اقابله واعمل معاه برنامج واللا يودوني

شرم مع جروب اعمل تقارير فنيه واشوف تامر

والبحر والشط اياه اللي طول عمري بحلم بيهم

يخبر سيناريو متظبط وكله جوه عقلي لا ليه واقع ولا ليه حقيقه دنا لسه بدرس

امتى اتخرجت وامتى اشتغلت يادي خيالك اللي هيوديكي في ستين داهيه يا غرام
استنوني الحلقة الجاية

قصة ( بحبك يا غرام ) 710150

الحلقه السادسة

وبعد فتره حصلت الحادثة المشهوره لتامر وفي دي الحادثة تعرضت لأكتئاب شديد

افضى بي لكره كل ما هو حولي واسأل نفسي ياربي اشمعنى هوا في حد يكون طيب

وكويس قوي مع الناس ويحصله كده يااااااااه قد ايه زمان نفسيته وحشه

ياريتني مكانك يا قلبي ولا تتعرض لثانيه لأي عذاب او قلق

يااااااااه للدرجة دي كتير كانوا مستنين محنة تمر بيك علشان يطعنوك في ظهرك

للدرجة دي الناس بقت وحشه وكل همها توقع نجاح حد تعب قوي لما عمل النجاح ده لاء

عمرك ما هتقع ولا هتنهزم وقررت اننا هفضل مع تامر لحد النهاية اخفف عنه

واساعده وطبعا كله جوه في خيالي

وكأني رايحه ليه وكل قضبان السجن لونها بمبي والحيطان والمكان اللي قاعد فيه

وهوا بعيد قوي عني واقرب من القضبان والبيبان تفتح قدامي لحد ما اوصله

وبقله ما تقلقش احنا معاك وجمبك قام من على الأرض ووقف قدامي

وعيط على كتفي قعدت اعيط انا كمان وصعبان عليه جدا قام ضحك

وقالي الله بقى هيبقى انا وانتي خليكي قوية وقعدني جمبه وقعدت اقله نكت واخفف عنه

واهزر معاه واكلمه وهوا بيضحك وفي الأخر باس ايدي وراسي وانا من كتر الفرحة

كنت بعيط وكل املي اننا اخده ونخرج من المكان ده ومسكت ايده ووصلنا لحد الباب

واهو خلاص هنخرج وقفني وقالي لسه شويه قلتله طيب هستنى قالي ابقي تعالي

زوريني خلاص هانت اقله لاء مش هسيبك انا هفضل معاك لحد ما تخرج

وصحيت من حلم اليقظه اللي كنت بحلم بيه ودمعه على خدي روحت لأمي

واقلها هي الدموع في الحلم ايه تقولي فرج استبشرت خير ومن يومها ما بكتش

ولا عيطت وكان كل املي انه هيخرج وقريب زي ما قالي

وبعد كام يوم كانت الجلسه اللي هينطقوا فيها الحكم قلبي كان هيقع من كتر القلق عليه

ويومها اساسا راح النوم وراح كل حاجه لا اكل ولا شرب ولا نوم ولا هزار

يارب كون معاه يارب والنبي يارب ده غلبان يارب ما يتظلم يارب

يارب بقى يارب واقرا قرآن وادعي من كل قلبي وكان يوم بجد اصعب من كده مفيش

وينطق القاضي الحكم وشلالات من الدموع طالبه من ربنا الفرج وقال سنة

وكانت اصعب ثواني في حياتي لان قلبي سعتها كان على وشك يقف من الخضه

والناس بتصرخ ورافضه وزعلانه وبعد كده كمل القاضي مع وقف التنفيذ

قمت صرخت ينصر ديننننننننننننك هيييييييييييه الحمد لله رب العالمين ربنا كبير

وعمره ما هيرضى بالظلم وفجأة فوجئت بطنط والدة لينا دخلت الاوضه رحت

وجبت ميت لون وقعدت مكاني من سكات اصل صوتي كان عالي جدا من كتر الفرحه

وقعدت استنى تامر بقى حبيب قلبي يخرج وبعد الحادثة دي ايقنت ان انا بقيت قريبه قوي

من تامر وان تامر بقى في دمي خلاص

وابتديت قصة تانيه معاه بعد الخبر الجميل ده

الحمد لله يا قلبي شفت ربنا كريم اذاي

الحمد الله ( وهوا بيضحك)

يلا بقى اول ما تخرج نروح حتة ما فيهاش ناس ترتاح شويه من دوشة الناس

والعالم دي كلها

انا ورايا ارتباطات كتير يا غرامى

لاء ولا اي حاجه لحد ما ترتاح وتنسى الفتره دي من حياتك

طيب يا روحي

واخده من ايده وفي ثانيه نكون في جو تاني جميل بعيد عن الناس

والمصورين والصحافة انا وهوا بس ويغنيلي واسمعله واسقف مبسوطه

وافوق زي دايما على حقيقة اخرها اوضتي والشباك الموارب وصوت ماما

تعالي ساعديني واللا شوفي اختك بتعيط واللا شوفي الباب واللا ردي على التليفون

اوووووووف بقى ايه ده انا خلاص جيبت اخري معاكم

تيتن تيتن وجرس الباب بيضرب

وكالعاده بواب الشقه انا

مين

انا يبت افتحي (لينا )

انا : حبيبة قلبي

هي : وحشاني ازيك يا قمر اخبارك ايه واخبار تامر معاكي ايه

انا :فل الحمد الله

هي :شفتي الكليب الجديد

انا :كلييييييييييييب

اه كليب عملينه لتامر لحد ما يخرج

انا : بتهرجي

هي : لا والله خلاص اما تيجي عندي المره الجيه هوريهولك واجيبلك شوية صور

انا : نعم ده امتى وفي ثواني غيرت هدومي ونزلنا وكالعادة لا يمكن ان اتأخر

عن حاجه تخص تامر وكان عندها حجات منزلها ليه لقائات

وبرامج وصور وتصميمات

ياااااااااااااااه ياريتني عيشه معاكي يا لينا واللا اقلك ما تسلفيني الكمبيوتر بتاعك

وابقي شقري عليه كل يومين كده

لينا بتضحك

طبعا فدايا

فداكي يختي طبعا خدية بس اوعي تصدقي كالعاده بخيله طبعا

بقول للينا هوا مش هيخرج بقى

لينا : هوا مين

انتي يابت اللي واخد عقلك

وبتنهيده من القلب : هااااااااااا تامر يابتتتتتتتتتت

ربنا يسهل

ايييييييييييييييييييية

اوك هوا كل حاجه بامر الله بس هوا لحد دلوقتي مش خرج

انا تعبت بقى

هيخرج ان شاء الله وتستأنف لينا سؤالها ليه ؟

بتقولي وفرضنا خرج النهرده يعني هتعملي ايه

سرحت بقى

وكأن لينا ضربتني بالألم

فعلا لو خرج هعمل ايه

هوا هيعرفك اساسا

بصراحة زعلت قوي وصحيت من حلم كان شغلني بقالي ايام وسنين

اخره اننا مش عارفه اساسا لو خرج بأيدي ايه اعمله وبصراحه اكتر

هوا هيعرفني ازاي واللا هيشوفني من بين ملايين المعجبات ازاي

والكلام الكتير والهزار كله حلم

لاء اللي بيني وبينه اكبر بكتير من مجرد حلم

المهم ايقنت اننا ابتديت افوق من وهم او افوق روحي من الحلم ده بالعافيه

علشان ما اقعش على جدور رقبتي

وابتدا الفيديو اللي عملوه من فيلمه الجديد

يخبر ضمة ورد ماسكها بين ايديه قد ايه جميل ورقيق الورد ده

وقد ايه الفنانه اللي معاه كمان رقيقه وفي ثانيه وقفت انا بدلها في البلكونه

وكأنه بيستناني وعايز يديني الورد ده

وعشت جوه الفيلم معاه وحتى اخر مشهد ولكن بلبسي انا وشخصيتي انا مش بلبس

مي عز الدين بس بنضاراتها اصلي بحب نضارات الشمس قوي

وروحتني لينا

وشغلني بعد اما روحت الكليب والسؤال

وغالبا السؤال كان واخد مساحه اكبر طبعا

ونمت وعيني على صورة تامر على الحيطة

جوه الحلم بقى

تامر بيندهلي من وسط كل الناس والمعجبين والأضواء متسلطه عليا لوحدي

ومش شايفه غير ايدين بتسقف وتامر واقف على الستيج وماددلي ايده

وبيقلهم دي اللي وقفت معايا في محنتي دي اللي كنت بشكيلها

همي وحزني وكانت بتخفف علي وحدتي

وانا مش مصدقه وبغطي وشي بأيدي وبعيط للدرجة دي انت حاسس بيه يا تامر

وفاكر كل كلامنا سوا

وافوق والفجر بيدن وفرحت وقلت دي رؤية

واول كلمة قلتها

شفتي يالينا اهو فكرني

وصحيت اول حاجه عملتها كلمتها على طول وقلتلها انا حلمت بأيه

وقالتلي طيب يختي وبطريقة استهزاء فظيعه وكأنها بتقولي عيشي واحلمي

زي ما تحبي واخر ده كله معروف

طبعا استنيت تامر كتير لحد ما يخرج ومش بيخرج

الجميل بعد كده حصل تحول فظيع في بيتنا وهوا ان بابتي قرر يجيبلنا كمبيوتر

بالقسط في بيتنا و هيبقي فيه نت من عند احمد ابن الجيران بيشتغل في سيبر

وهيدي بابا خط علشان خاطر شغل بابا جديد

الله ده اجمل خبر سمعته في الدنيا

نت = ميل = لينا = صور تامر كلها = مواقع عن تامر

= كل حاجه هنزلها وهشفها وهقرب من تامر اكتر

وفعلا بقي فيه نت عندنا وكانت لينا تقريبا ولمدة شهر دايما عندنا كل يوم

علشان تعلمني وندخل مواقع وتنزل لقاءات وصور وبتاع وانا ولا انا هنا

مستقبل فقط لكل حاجه وغير مرسل لاي ردات فعل

بس ايه ده كل دول ناس بيحبوا تامر حسني ومش كده بس ده تلت تربعهم بنات

لحد هنا وستوب تامر ده بتاعي لوحدي اي حد هيفكر يقربله حتى هنسفه

لينا وردة فعل سريعة منتهى الضحك وكأني مسكتها وزغزغتها

ايه في ايه بتضحكي ليه

ده انتي غلبانه غلب

اشمعنا

يابنتي تامر ده ليه معجبين من كل الوطن العربي موش مصر بس وكلهم مستويات

ضايقتني كلمة مستويات قوي يمكن علشان انا من طبقه بسيطه فكرت كتير في الكلمة

بس هل شرط الأنسان بيعجب بحد لمجرد غني واللا عنده سلطه واللا واللا واللا

وفرجتني بقى على شوية فيديوهات لتامر في برامج

اشي بنات بتعيط واشي بنات بتطلبه للجواز واشي بنات لابسه من غير هدوم

وزي العسل كلهم واشي بنات بيدوله هدايا وقاعدين بيتفرجوا على اللقاءات

بس ولا يهمني اهو اللي يهمني تامر نفسه

قد ايه خجول

مين دي البت دي

ايه قلة الادب ديه وليكي الجراة تبوسيه قدام العالم كلهم كده بس هوا مكسوف قوي

يادي النيله وايه دي كمان ياما نفسي امسكك في زمارة رقبتك

واللا دي يا دمك يختي ايه ده

يبت ولا يهمني ايه المناظر دي يبنتي

بصي ما تبصيش للبنات دي بصي لرد فعل تامر هتعرفي انا بحب فيه ايه

بصي نظرات الخجل بصي الابتسامه المنوره شوفي الانطلاق والطبيعيه

في التصرف شوفي قد ايه هوا طبيعي وتصرفاته تجنن وكلها عفوية

بصي صوته ورقته ورومنسيته وروشنته يبنتي

الراجل ده مش بيبص لتفاهات ولا لمناظر علشان هوا شبعان من المناظر دي

وكفاية بقى ما تنرفزينيش

وطول القعده وانا سلسله من الدفاع عن تامر ونقد لكل البنات اللي في اللقاءات

تامر مين يابنتي لينا بتهز فيا بقوووووووة

انتي يابت

ايييييييييييييييييييييه

يادي تامر اللي هيجيبلك الخفيف

قعدت اضحك بصوت عالي جدا وبطريقة هستيريه لدرجة اننا بقيت بدمع

وهي تشوفني وتضحك معايا وتقولي فعلا مجنونة

الكل شايفني كده اللا انا شايفه نفسي عاقله جدا وصح جدا

وتفرجني على لقاء بيتكلم فيه تامر عن حبه الوحيد واللي حبيبته سابته فيه

وهوا كان لسه بيبتدي وكده وهوا بيتكلم وانا كنت بعيط ومضايقه جدا مين ممكن اي

عاقل في الدنيا قدامه حد زيك ويغدر بيك او يسيبك لو تعرف انت بالنسبه ليا ايه

ابتديت في صراع عنيف بيني وبين نفسي ببص في المرايا لقتني بتكلم مع نفسي

ايه يابنتي فوقي عيشي حياتك صح مش وهم ولا خيالات ولا قصص مع حد مش موجود

بس تامر موجود

موجود في خيالك بس

لاء تامر موجود في الحقيقه

زيه زي احمد عز وعمرو دياب ومصطفى شعبان اعدلك حبيتي كام واحد قبليه

قبل تامر

ان كنتي ناسيه افكرك

لاء تامر انا بحبه بجد وحق وحقيق

فوقي يا بنتي بقى وعيشي واقع موش خيال ايه الجد اللي بتتكلمي عنه ده

وحصل امتى وازاي والحب ده مقايسه ايه اخرك هتزهقي من الحب العبيط ده

وهتفهمي انه مؤقت واعجاب لحد معين في خيالك لا عمرك قبلتيه

ولا شفتيه بتسمعيه وبتعيشي رومانسيته وبس

هشششششششششششش بقى انا تعبت اسكتي

لازم تفكري بعقلك اكتر وتكتشفي انك غلط وان حبك للشخص ده حب وهمي مراهق

واترميت على سريري وانا منهاره عاطفيـــا مصدقه الكلام

ومقتنعه بيه ولكن رفضاه ياربي بقى

فكري في المهم دلوقتي الجامعات هتفتح بعد كام يوم وبعدها بشويه رمضان

بكره تنسي

انسى تامر ده لا يمكن

ده بقى في قلبي وخيالي

هتنسيه صدقيني وعيشي سنك وهتلاقي الحب بيخبط على بابك

متجريش وراه .. هوا لواحده هيجيلك

حصل ايه لغرام بعد كده بعد دخولها الجامعه

هتعرفوا الحلقه الجايه ان شاء الله

استنوها ....
قصة ( بحبك يا غرام ) 710150

الحلقه السابعه

ايقنت ساعتها ان حبي لتامر ما هوا الا فترة فراغ عاطفي وحب للتجربة

ولا تحمل تلك التجربة اي معنى من معاني الجدية فهي انبهار بشخصية جديده

واسلوب جديد انسان يمثل لي معنى الكمال وهذا لا يوجد في الحقيقه فتامر

الانسان بطبيعته وشخصيته يختلف بالتأكيد عن تامر الفنان الذي احببت

وتلك الصورة الورديه التي رسمتها كما يحلو لي ان ارسمها قد لا تكون تساوي

في الواقع شيئا كما انني مللت دور المرسل لكل المشاعر الرقيقه فهو ليس بالحب

الذي ابحث عنه ولأخذ طريقة حبي لتامر وسيلة للتعرف على عالم من الرومانسيه

اعيش به واتصرف من خلاله عندما احب وانتهت قصتي مع تامر حسني

ولو انه لا يزال قابعا متصدرا على عرش قلبي يعلمني كل يوم من معاني الرومانسيه

نكمل بقى

ودخلت الجامعة بعد ما جيبت مجموع في الثانويه العامه مش بطال اهلني ادخل كلية ألسن

ولو انه مش حلمي اللي كنت بحلم بيه دايما ولكن ده نصيبي بقى

ولازم اتأقلم معاه وقررت اننا احب السن علشان خاطر ابقى حاجه مهمه

والكل يفخر بيها وبالرغم من ان كل احلامي ما كانتش بتتحقق غالبا

لكن مجرد حلم الجامعه كان بالنسبه ليا خطوة جديده وجميله ايامي الأولى في الجامعه

كانت انبهار بكل حاجه حواليا المجتمع المفتوح ومعترك الحيـاة اللي لازم اعتمد بقى فيه

على نفسي واثبت روحي جواه وكنت واخده قرار بيني وبين نفسي

وزي اول كل عام دراسي اننا اركز كويس قوي واجتهد

ولو جه نصيبي احب هحب طبعا بس مش هسعى اننا ادور على حد خالص

بعد ما الانبهار راح واتعودت على جو الجامعه واتعرفت بالمعيدين والدكاتره والطلبه

وخدت المراجع حسيت بملل كنت فكره الحياه كده من اولها في الجامعه

هتكون اجمل واحلى من كده غير بقى اننا حسه بوحده رهيبه زيي زي كل السنافر

يعني سنة اولى اللي في سني غير بقى اللي في سنة تانيه وتالته ورابعه تلاقيهم ماشيين

اتنين اتنين كابل كل واحد وحبيبته او زميلته او زميله او صديقه المهم ماشي

مع حد لكن انا وكعادتي في الفتره الأولى تخلص المحاضره من هنا

يا اما في المكتبه يا اما على طرف رصيف وكشاكيلي في حجري وايدي على خدي

وسرحانه في خلق الله اللي داخلين الجامعه واللي خارجين منها

عشت الأيام الأولى مركزه قوي في المحضرات والدكاتره واروح الصبح الكليه بدري

واروح منها بدري ملتزمة جدا وعايشه دور المدرسة قوي

وماليش في اي حاجه تانيه شويه كده وابتديت اتعرف ببنات معايا

وابتدينا نقعد مع بعض في الكافتيريا ونروح الضهر مع بعض وكده

وكان دايما الموضوع الرئيسي والاساسي في كل قاعده ليهم الشباب وفلان روش

وفلان رخم وده متكبر وده مش عارفه ايه ومن الشباب دول

كان واحد ماخدين منه موقف جدا هوا في سنة تالته وكان اسمه امجد

كل يوم وكل ما نكون قاعدين يجيبوا في سيرته وانه ولا اي بنت بتملى عنيه

وانه فري جدا وروش جدا بس مدوب البنات وراه ومش بيديهم ريق

وانه شايف نفسه قوي وطالع نازل يقول يا ارض اتهدي ما عليكي قدي

لفتوا انتباهي ليه وبقى عندي فضول اشوف الشخصيه دي واشوف صاحب

مدرسة التقل الرجالي ده شكله عامل ازاي وبيتصرف ازاي وفعلا زي ما بيحكولي

عنه بقيت اتمنى مجرد المحه لدرجة اننا قلتلهم لو جه وما كانش عندي محاضره

اندهولي وكانت وبالفعل وروهولي اول فكرة خدتها عنده انه شاب هادي

ومبتسم على طول ابتسامته ساحره وطيبه ووسيم الملامح

وخشن الطباع انا كنت ببصله بطريقة حذر شديده

لان كلام البنات عنه خلاني اقفش منه بصراحه

وحسيت اننا هشوف حد ممل وقليط ومتعجرف ومخيف لكن سرعان ما الفكره

دي تلاشت من مجرد اننا شفته ولحد موقف حصل بينا قلب الموضوع معايا على الأخر

ايه الموقف وحصل ايه مع غرام ؟؟؟

هقولكوا في الحلقة الجايه ان شاء الله

الحلقة الثامنة

مع ان الموقف ده كان موقف صعب بالنسبه لي وكان مخيف بعض الشيء

لكنه كان بداية لنظره تانيه تحولت تجاه أمجد

الموقف بدون تعقيد كنت خارجه الصبح للجامعه وكالعاده الصبح بدري في بدري

علشان الحق اوصل قبل الزحمه ولو ان الزحمه مش بتسيب حد

في حاله صبح او ظهر واتلم حواليه شوية شباب صيع مسكوني

من اول العباسيه لحد ما وصلت الجامعه وكأنهم فاضيين مش وراهم غيري

فضلت اذكر ربنا واقرا المعوذتين وماسكة سلسله ايه الكرسي اللي في رقبتي

وبقرأها يارب عدي الموقف ده على خير بينهم مش هيتلموا

وهلم عليهم امة لا اله الا الله

ووصلوا بيا لمرحله مش قادره على رذالتهم وقلة ادبهم

وقررت اننا اول ما اوصل البوابه ارشهم كلمتين يقوم يسمعني امن الجامعه

يجوا يرنوهم علقة اخلص انا وفعلا عشر دقايق ووصلت يا دوب خلاص

ولفيت وشي وابتديت ازعق فيهم ايه قلة الادب دي انتم ما عندكوش اخوات بنات

ايه قلة الادب دي ان حد يعبرني من الأمن و يجي ..

ولا حياة لمن تنادي ندمت بصراحه اننا نطقت منا طول عمري بسكت في المواقف دي

ومحدش سامعني وهما كل كلامهم بقي هوا حد جه جمبك ايه التلاكيك

دي اجري يا شاطره الحقي كليتك

يالهوي ومين ينقذني من الموقف ده بينهم عيال مش محترمه

احسنلي انسحب ويا دوب خلاص همشي وبلف وشي

لقيت امجد وزميله محمود جم ناحيتي

مش وجهولي اي كلام

وابتدوا الكلام معاهم بالحسني وانا في عز الأزمة وشايفه مشكله هتحصل بسببي

يادي النهار اللي مش فايت شويه كمان والكلام تتطور لزعيييييييييييق ياربي

دخلت جوه الكليه ومفيش امن على البوابه

واللا هوا فين ولقيته جي من بعيد ندهتله بقله الحق في خناقة بره

وجري على المدرج وكل حته فيا بترتعش يارب استر يارب

يادي النيله ليقتلوه والا يعوره دول اتنين وهما اربعه يادي الوقعه السوده

طب اخرج اشوف اي حد اسأله كل ما اقف اقعد تاني

وكل ما حد يدخل السكشن الاقيه بيبصلي وهوا يمكن مش بيبصلي ولا حاجه

بس من كتر القلق بقيت حاسه ان كل النظرات متوجهه ناحيتي

وكلي خجل من نفسي وقلت يا رب طب فيها ايه لو كنت دخلت من غير ما انطق

دا انا مبقاليش كام يوم هنا ويحصل الموقف ده هيقولوا عليا ايه ؟؟

ولا ركزت في محاضره ولا دكاتره ولا اي حد وما صدقت خلصت المحاضره

وطيران خرجت ولا في اي أثر لا لأمجد ولا لصاحبه ولا للشباب ياربي

يحسن يكونوا خدوهم للعميد

ااااااااااااه ياني يا دماغي هموت من التفكير ومكان الشاب بتاع الامن زميله مش هوا

يا دي النيله ومر يوم واتنين وكل يوم اروح الجامعه اسأل اننا الاقي حد

يقولي اي حاجه ابدا وبتاع الامن بيقولي لاء ده مشيوا ما حصلش حاجه

طب فين مشيوا وفين الشاب لحد النهرده ما ظهرش طيب نمرته

اي حاجه موبايله مقفول يا مين يصبرني يارب

تالت يوم بقى جه وكنت انا كعادتي قاعده على طرف الرصيف مستنيه حد من البنات

يجي ودخل ولمحته من ضهره وهوا يا دوب لف لقيت ايديه اليمين ملفوفه بشاش ابيض

ومتعلقه على رقبته ودقنه طويله وباين عليه الارهاق

شفت المنظر ده ووقع على مشاعري زي القضى المستعجل

وقفت حيلي ورحت لأقرب مكان يكون مش شايفني

ولقيت نفسي بأبكي وبعيط وبقول انا السبب انا اللي عملت فيه كده اكيد

اتلموا عليه وعوروه وبعيط بحرقه شويه ما فيش والبنات وصلوا

وكلهم اتلموا عليا واللي ما شافش شاف والكل بيسأل

مالك ؟ في ايه يبنتي سمعنا جه ناحيتنا هوا ومحمود ومصطفى صحابه

ويا دوب لسه بيسألني مالك ؟ ومش ابطل كده واطمن لاء ازيد واجري بعيد عنهم

ودخلت المدرج واول ما خلصت المحاضره روحت ولا حس ولا خبر.

تاني يوم بقى وكالعاده من صباحية ربنا كنت في الجامعه واول ما دخلت من البوابه

وبتمشى لجوه لحد ما اوصل مكاني المفضل

لقيت امجد جيلي من بعيد ومعهوش اي حد انا استغربت بصيت ورايا

مالقتش حد مشيتله

ازيك

كويسه الحمد لله

انت عامل ايه النهرده ؟

تمام

ايه مالك يبنتي خضتينا عليكي

لا والله ابدا عادي يعني مشكله كده واتحلت ان شاء الله

اقدر اساعدك

لاء ما لوش لزوم موضوع كده وخلص ( بكدب )

قلتله انت كويس ايديك مالها وكان باين على صوتي القلق

قالي لاء بسيطة مش تاخدي في بالك

قلتله الخناقة

قالي خناقة ايه ؟

قلتله الولاد اياهم

قالي لاء طبعا ما حصلش حاجه هربوا زي الخنافس

سمعت الخنافس ضحكت

قالي علشان كده كنتي زعلانه

وبصوت عالي وبلخمه وبألف لون ولون راح وجه في وشي

لالالالالالالالالالالالا طبعا انت بتقول ايه انا كنت بس قلقانه من موضوع كده

( طبعا كنت بكدب )

انتي قلقانه والا في مشكلة

قلتله يعني كده شوية حجات

قالي بقى كده طيب لعله خير

بصلي من طرطوفة عينه وكأنه فقسني

والكلمة بقت كلام وانا ما كنتش مصدقة نفسي بتاتا ان ده هوا المغرور

اللي كل البنات معايا بينتفوا في فروته صبح وليل ده ما فيش في ذوقه

ولا تهذيبه بس الكلام بينا بقى كان في النور

يعني نصبح على بعض ازيك نقف مع بعض شلة بنات وشباب

يعني كده بس كانت بالنسبه ليا اجمل كلام وامتع وقت

وابتديت احس بجمال الجامعه وبقى ليا طقوسي الخاصه ومواعيدي

وخروجاتي وهيصه

خلص الاسبوع ده واول الاسبوع الجديد وكعادتي صباحا الى الجامعه

بكل همه ونشاط فوجئت بأمجد واقف مستنيني في المكان اللي بقعد فيه دايما

حصل ايه مع غرام ؟؟ وقالها ايه أمجد ؟؟

في الحلقة الجايه هتعرفوا ...

استنوهااا
قصة ( بحبك يا غرام ) 710150

الحلقه التاسعة

خلص الاسبوع ده واول الاسبوع الجديد وكعادتي صباحا الى الجامعه بكل همه

ونشاط فوجئت بأمجد واقف مستنيني في المكان اللي بقعد فيه دايما لمحني

و جاي ناحيتي بالخطوة السريعه بصيت ورايا ما لقتش حد قلت يبقى ده جيلي انا

ازيك وحشتيني موت

اتعودت عليكي ما بقتش اعرف ابتدي يومي غير

اما اصبح عليكي

عنيا بتلمع بقى وسخسخت

( ده بيقولي وحشتيني )

رديت قلتله كويسه وانت عامل ايه الحمد لله انا كمان اتعودت عليك

ولازم اشوفك كل يوم الصبح ده بقى ضروري

مسك ايدي وشدني بطريقة غريبه تعالي عازمك على شاي في الكافتيريا

اتاخدت وسحبت ايديا بعنف وقلتله ما ينفعش طبعا

رد مستغرب وليه يعني !!

بيني وبين نفسي طبعا

( ما ينفعش اروح اشرب معاه شاي لوحدينا مش علشان حاجه بس زمايلنا

لو شافونا هيقولوا ايه والناس يا ما شاء الله ما بيصدقوا حاجه ويتكلموا فيها )

رديت قلتله : لاء ابدا بس هي عشر دقايق والمحاضره تبتدي

قالي يخبر عشر دقايق بحالهم ده نشرب فيهم الشاي

ونفطر كمان قلتله لاء فطار ايه هي يا دوب كوباية شاي

ابتسم ابتسامه خفيفه جميله وقالي طيب يلا بينا

مشينا لغاية الكافتيريا واحنا جمب بعض وقاعدنا قدام بعض محتاجه

اكلمه اقوله اي حاجه بس لساني عاجز مش عارفه انطق ولا كلمة

وعلشان اداري توتري امسك في كشاكيلي اقفلها وافتحها

جه الشاي وشربنا الشاي انه ينطق ابدا !!

طيب يا رب عايز ايه يمكن عادي عزومة شاي وخلاص

طيب يللا بقى بوجه لأمجد الكلام هقوم انا بقى علشان المحاضره

قالي ممكن تقعدي محتاج اتكلم معاكي

بصيتله قلتله اوك بس في ايه قولي ؟؟

قالي محتاج اكلمك وبس

قلتله طيب اوك وانا سمعاك اتكلم

جوه نفسي بقى صراعات والف سؤال وسؤال !!

بيسألوا طيب هوا اختارني انا ليه طيب ممكن عايز يقولي انه بيحبني

قالي بصي لو حسيتي انك بتحبي حد قوي وبتفكري فيه كتير جدا

ومش قادره تروحي تصارحيه بمشاعرك دي تعملي ايه ؟؟!!

ابتسمت ابتسامة عريضه وكأنه بيوصف حالتي انا بالظبط قلتله

مش عارفه بس انا تقريبا مش عندي الجرأة الكافيه

اني ابوح بمشاعري لأي حد لو حد تاني اجرأ مني كان ممكن يتكلم عن اعجابه

وبشكل اوضح خصوصا لو كان شاب

( وانا من جوايا يلا بقى انطقها قولها )

قالي وانا خايف تصدني انا مريت بتجارب كتير وبصراحه مش بقيت

اثق اننا ادخل في تجربة تاني من غير ما اكون واثق في اللي قدامي كويس جدا

قالي يعني تفتكري لو قلتلها مش هتصدني خصوصا

انها مهذبه جدا وطيبه جدا ودغري ومش ليها في حركات البنات اياها واللؤم

هما البنات لئيمين حرام عليك

بقول جوايا يا خبر ده واقع لشوشته بقى

وبدأت ضربات قلبي تبقي الف ضربه في الدقيقه

واديا تلجت وبين لحظه والتانيه منتظره يصارحني بقى بمشاعره

قلتله انت شاب كويس ومهذب واعتقد انك لو كلمتها بأسلوب رقيق

هتفهمك بأسلوب كويس انها يا مرتبطه يا اما تحب الطرق التقليديه

انت عارف يعني قلتله خيار انها تبعد عنك وتتجنبك مش وارد

بس انت خدها بشويش كده وحبه حبه فاهمها حقيقة مشاعرك

قالي طيب ممكن انا عايز اطلب منك طلب بس اتمنى ما تفهمنيش غلط

وما تزعليش مني

ابتسمت وقلتله لاء اتفضل عادي

( قلبي بقى 12500 دقه في الدقيقه وازاي ما تسالوش )

قالي محتاج منك بس تلمحيلها او تكلميها

ابتسمت

فلتله اوك بس هي مين الأول هقولها حاضر بس هي مين اعرفها

( لسه من دقايق بيقولي وحشتيني ومسك ايدي وعزمني على شاي وعايزني في موضوع مهم انطق بقى نشفت دمي )

قالي طبعا ده انتي قريبه منها جدا

ابتسمت مع بعض الدهشه وافتكرت فيلم عربي قديم كان بيقول البطل

لحبيبته اصلها شبهك قوي وبتعمل نفس حركاتك وليها نفس ملامحك

واستنيت انه يكمل بقى الكلام الرومانسي الجميل ده

سلمى

سلمى صحبتي !!

قالي ايوه

الصدمه كانت اكبر من اني انطق حتى وفي لمح البصر بلعت دموع عيني

( كنايه عن اننا امتصيت غضبي وبلعت مشاعري ومش بينتها )

وعملت نفسي ببتسم بجد والله سلمى طيب يا سيدي ربنا يوفقكم يا رب

وسلمى طيبه وكويسه مش تخاف ان شاء الله خير

وفي خمس ثواني كنت قايمه قلتله معلش بقى علشان الحق اشوف الدكتور

هيدخلني المحاضره والا لاء عموما مش تقلق هوا خير ان شاء الله

وبوشي على بيتنا ما كملتش اليوم خالص وروحت بيتنا من الكليه لبيتنا مشي وافكار

توديني وافكار تجيبني 3 ساعات مشي لحد ما وصلت بيتنا

ولا انا حاسه برجلي ولا الشارع ولا الناس من حواليا

ماما بقى : غريبه مش عوايدك يعني جيتي بدري قوي النهارده !!

رديت : لاء ما فيش حسيت اننا مصدعه بس وما قدرتش اكمل النهارده

وخشيت الاوضه وقفلت ورايا واول ما قفلت باب اوضتي عليا

كتمت الآآآآآآآه اللي جوا قلبي بالعافيه وقلت استهدي بالله واتوضيت وصليت الضهر

ودعيت ربنا يقويني على الموقف ده وقعدت على سريري وهي القاعده

لغاية الفجر من غير لا غدا ولا عشا على كوباية الشاي اياها

وكل شويه اختي الصغيره مش عايزه تاكلي

ماما تعالي شوفي غرام مالها يا ماما مااااااااااااما يا ماما

الله تيجي ماما في ايه والله ابدا البت دي عبيطه

والنبي يا ماما انا مصدعه ابعدي البت دي عني دلوقتي انا هنام شويه

وطلع عليا النهار وانا صاحيه وعلى عادتي هقوم البس بقى علشان انزل الكليه

وبفتح باب اوضتي صباح الخير

بابا : صباح الفل

وشك اصفر ليه بابا بيسألني لاء ابدا هوا شويه صداع بس من امبارح ماسكني

نزل بابا الشغل وحالا خلاص هنزل وراه

وببوس امي وفجأة ما حستش بحاجه

ولا الدنيا من حواليا

بفتح عنيا لقيت امي جمبي وبابا جمبي وخالتي ليلى وعمتي عيشة

وعمي علي كل دول في الاوضه بيعملوا ايه ؟ انا مت ولا ايه !

لا اله الا الله تؤتؤتؤ انتي بتخرفي واللا ايه ! انا اهو وعنيا مفتوحه

ماما : صحيتي

اتلموا حواليه كلهم بقى بقولهم هوا في ايه ؟

قالتلي ماما انتي وقعتي انهارده الصبح من طولك

ده اخرة اهمالك في نفسك كلي يا غرام

كلت في الجامعه تعالي اتعشي يا غرام مش بتعشى علشان ما اتخنش

يا ماما مش وقته أأأأأأخ يا دماغي انا دماغي بتوجعني اوي

هوا الدكتور قالكم مالي في ايه!

قال لاء شويه هبوط وارهاق عام

هوا مين ده اللي واقف بعيد ده

قرب يا محمد ماما بتنده

محمد مين ؟

عمتي عيشه وهي تكتم غيظها مني ده ابن عمتك

محمممممممممممد !! يااااه مش شفتك من ايام ثانوي

ايه يا بنتي مالك ؟ خضونا عليكي من صباحية ربنا عمر الشقي بقي

بقى ينفع كده والنبي اللي بتعمليه في روحك ده ارحمي نفسك مذاكره بقى

يلا معلش يا حماده هعمل ايه تلاقيه من السهر طول الليل

بس مبسوطه جدا اننا شفتك

قالي حمد الله على سلامتك

قلتله الله يسلمك

فضلت في البيت يومين ده غير اليوم اللي طنشته

والأفكار تجيبني وتوديني

سلمى بقى انا كل ده وفكراه ميال ليا وهوا عينه من سلمى يلا اللي مالوش حظ

لا يتعب ولا يشقى

هوا انا منحوسه من يومي يلا معلش بكرة تروق وتحلى

وخلال اليومين دول طبعا كلمتني سلمى كذا مره وقلتلها على اللي حصلي وكده

وان انا تعبانه وهاجي بعد بكره والكلام ده وفي نيتي ان الكلام يوصل

لأمجد علشان ما يفتكر اننا طنشته

حصل ايه تانــــي ؟؟

ويا تري غرام قالت لسلمي ولا لاء ؟!

هتعرفوه بقى في الحلقه الجايه ان شاء الله

استنوهااااا
قصة ( بحبك يا غرام ) 710150

الحلقه العاشرة

تاني يوم خدته اجازة طبعا قمت الصبح رايقة ومش زعلانه وفتحت شبابيك البيت كلها

وعملت فطار لبابا وماما واختي الصغيره وصحيتهم الساعه 6 وفطرنا

وكان الجو جميل جدا مش برد وكنت صحيت وفوقت وقررت اننا

هفاتح سلمى صحبتي بأعجاب امجد ليها وقعدت افكر في الأسلوب المناسب لسلمى

انا عرفاها حنبليه وممكن تديني روسيه في موضوع زي ده

عموما فطرتهم وروقت البيت وسربتهم حلوه سربتهم دي لاء مش سربتهم

اقصد كل واحد راح شغله ومدرسته وفضلت لوحدي في البيت

الغريب في الموضوع ان من الساعه 9 الصبح

والتليفون كل دقيقتين يرن اقول الو ما حدش يرد النهارده يوم غريب

ترن ترن ( جرس التليفون )

انا : الو

الو

انا : مين

ازيك يابنت عمتي

انا : الحمد لله مين ( ولاد عمتي كتير )

قالي انا محمد عامله ايه النهارده

انا كويسه الحمد لله عمتي عامله ايه كويسه

محمد : الحمد لله

انا مستغربه : معلش افتكرت فيه حاجه مش بالعاده بتتكلم في وقت بدري كده

محمد : معلش اصلي قلت اكلمك من الشغل اطمن عليكي انتي كويسه

انا : الحمد لله احسن ما تقلقش نفسك محمد هوا انت اللي كل شويه ترن وتقفل

قالي لاء انا اول مره اهو حالا بتصل

انا : غريبه اصل التليفون كل شويه يرن لحد ما قرفت

قالي هبقى اقول لخالي يركب ليكم خدمة كاشف الرقم

انا : طيب ( في المشمش )

محمد : طيب انا هبقى اجي بعد الظهر اسلم على خالي واطمن عليكي بقى

انا : لاء ما تتعبش نفسك انا بقيت احسن

محمد : قالي يا بخيله هي كوباية شاي مش تقلقي

انا : لاء ازاي يا محمد اهلا بيك في اي وقت

محمد : اجيبلك معايا حاجه

انا : وانا بضحك اوك ما فيش مانع في حبة شوكولاته معاك وانت جي

محمد : طيب سلام بقى لان مدير القسم جه نتقابل الظهر

انا : اوك سلام

انتهت المكالمه وعادي جدا عندنا ضيوف بعد الظهر يعني مش هعرف

اكلم سلمى اول ما ترجع من الجامعه خلاص

نأجلها لبليل حتى اكون مخمخت وفكرت هقولها ايه

طيب انا هقولها ازاي

أمجد اختار الحد الغلط قلت انا هفاتحها زي ما هوا فاتحني وخلاص

وهمشي الموضوع وبشويش بشويش ولو ما عرفتش بقى ما باليد حيله

هبقى عملت اللي عليه دخلت نمت شوية وريحت جسمي

وبعد كده قمت الساعه 2 ونص وابتديت اسخن الغدا اللي عملاه ماما في التلاجه

وعملت سلاطة وشوربة ويا دوب خلصت جه بابا وماما والبت اختي

اتغدينا وقلتلهم ان محمد جي بعد الظهر ويا دوب خلصت الكلمة

وجرس الباب بيرن فتحتله الباب قلتله اتفضل معانا انا لسه مسخنه الاكل

اكيد جي من الشغل تعبان وجعان دخل ومعاه علبة شكولا كامله

قعدت اضحك قلتله ياخبببببببببر انا قلتلك واحده جيبتلي المحل كله

قالي مفيش حاجه تغلى عليكي وقعد معانا اتغدى وشرب الشاي

وفضلنا للساعه خمسه نتكلم ونهزر وقالي بيشتغل فين واخباره

وبعدين مشي كانت قاعدة ظريفه والله

المهم بقى وسبحان الله وكأن توارد خواطر بيني وبين سلمى

والاقي تليفون البيت بيرن وبابا بيقولي ارفعي السماعة صحبتك سلمى

لسه يا دوب بكلمها بقولها بنت حلال يا سلمى كنت لسه هكلمك سألتني عامله ايه

وبقيت كويسه واللا لاء قلتلها الحمد لله خلاص جايه بكره ان شاء الله

قالتلي اه والنبي انا محتجالك انا عايزه اتكلم معاكي ضروري انا وانا

قلقت ونسيت اساسا هقولها ايه بقولها سلمى في ايه ؟؟

بتقولي

I am in love

انا وعلامات تعجب حواليا ؟

what

من ورايا يابنت الذين

بيني وبين نفسي :

اكيد امجد قالها اما شفني ما فتحتهاش ولا قلتلها حاجه الحمد لله رب العالمين

اما الواد ده فظيع فظاعة الحمد لله حمل وانزاح من على قلبي كنت خايفه

ومش عارفه افاتحها ازاي

بقولها يابخته يا ستي واهو خلاص وهنفرح بيكي وبتاع

بتقولي بس هوا ما يعرفش

قلتلها: ايه مش فاهمه يعني ايه ما يعرفش

قالتلي: انا بحبه بس هوا مش واخد باله مني

ضحكت قلتلها وهوا كمان بيحبك يا ستي

قالتلي انتي بتتكلمي عن مين وعرفتي منين انه بيحبني

قلتلها وانا ضاربه لخمة لاء بس كده اتوقعت ان امجد بيحبك

قالتلي امجد ومين جاب سيرة امجد دلوقتي

وانا مصعوقة : اومال بتحبي مين؟

انا بحب محمود صاحبه بعشقه يا غرام مش متخيله يوم ما اشوفوش

ولا اصبحش عليه ده انا بحبه بجد ومش عارفه اعمل ايه

اتلخمت وكل الكلام طـــار

سلمى : الو

انا : ايوه يا عمري معاكي معاكي

طيب والعمل

سلمى مش عارفه يا غرام هموت لو مش عرف اللي في قلبي تجاهه

انا امنية حياتي بس انه يعرف اللي في قلبي ناحيته ده انا بموت فيه بجد يا غرام

بقولها هوا ان شاء الله خير ما تقلقيش انتي بس

واصبري كده وما تخديش قرارات وانتي منفعله

قفلت مع سلمى الخط هي مالها كده متلعبكة حلها يا حلال

هوا عموما ما افيش اسلم من اننا اقول لأمجد انها مرتبطه بحد

يقوم هوا يلغي الفكره من دماغة ونمت وانا مقرره القرار الخطير ده

تاني يوم لبست وطلعت بدري الجامعه وكنت متلهفه جدا دول يومين بحالهم

ما شفتش فيهم سلمى وهبه وامجد ومحمود ومصطفى وعمر والاء

زمايلي وصحابي في الجامعه واستنتهم في مكاني المعتاد

والغريب في الموضوع اننا لقيت وردة مطرح ما بقعد كل يوم في نفس المكان

ما اخدتش في بالي وقلت يمكن وقعت من حد

جم بقى وصبحت على الجميع وبوست البنات كانوا وحشني جدا

واطمنوا عليا وخمسه كده وجه امجد ناحيتنا

ازييييييييييك

وحشتينا الف سلامة عليكي ايه اللي حصل لده كله قلتله ابدا هوا من السهر

والمذاكره بس تعالوا نروح نشرب كابتشينو في الكافتيريا نلحق مكان

قبل ما يتزحم

ومشينا جميعا الى الكفيتيريا علشان نشرب قهوة

ونصحصح لقيت امجد قرب مني بيقولي عايزك ينفع نتكلم بعد المحاضره الثانيه

انا مش ورايا حاجه قلتله استناني هشوف ظروفي ايه عموما هحاول

وفعلا خرجتله بعد المحاضره التانيه لقيته بيستناني في مكاني اللي بقعد فيه دايما

من اول يوم ليا في الجامعة

قعدت جمبه وبقله ها ايوه يا باشاا

بيقولي: قالي انا عايزك في موضوعين الاتنين اهم من بعض الاول وانتي عرفاه

سكت

قالي : قولتي لسلمى اي حاجه واللا ما نفعش

رديت بصوت واطي : بصراحه ما قلتلهاش بس معايا سببي بصراحه هي مرتبطه بحد

وانا مش كنت اعرف بصراحه بس اما قالتلي قلت خلاص

ما ينفعش بقى حتى المحلها بصراحه

3

بصراحه مره واحده

سكت شويه

قالي : مرتبطه واللا بتحب حد تاني ؟

قلتله : لاء هي بتحب حد ومستنيه بس تعرف مشاعره من ناحيتها وكده

قاللي : ربنا يوفقها هي تستاهل كل خير

كنت بسترق النظرات الحزينه في عنيه وببصله من طرف عيني نظرات الحائره

الحزينه هوا دلوقتي في نفس موقفي اللي كنت فيه من يومين

واتمنى انه يكون قوي ويتفهم

كملت بقى : بقوله ها والموضوع التاني بقى قول اعترف

قالي كنت عايز اكلمك عن نفسك

رديت قلتله ازاي

قالي مش احنا اخوات واصدقاء يعني مش قوي بس انا بثق فيكي

والعشم انك كمان بتثقي فيا

قلتله طبعا

قالي يعني عايز اعرف رأيك في حد

قلتله حد

قالي اه وبصراحه اكتر هوا كان واثق فيا اننا هعرف اقنعك بيه

وانتم الاتنين شبه بعض قوي طيبين وهوا وسطني اعرف رأيك فيه بصراحه

هوا معجب بيكي جدا وحابب يتعرف عليكي اكتر

بقوله انا ؟

بيقولي ايوه

بقوله وده مين ان شاء الله !!

قالي محمود

انا : محموووووووووووووووووووووووود

لاء طبــــــــــــعا

وقمت واقفه على حيلي

امجد : وقف وقالي مالك في ايه ؟

انا : قلتله ما ينفعش طبعا

قالي انتي مرتبطه ؟

قلتله : ايوه اقصد لاء

معلش اوك طيب ثواني واللا اقولك باااااي دلوقتي

امجد : غرام

ياغرام في ايه معلش يا امجد اشوفك بكره بقى

ومشيت من قدامه فورا وميت مليون سؤال بيخبطوا في دماغي

لاء كده كتير والموضوع بقى خارج عن تحكمي فيه هوا في ايه

انا ما بقتش فاهمه حاجه والأمور بقت معقده جدا وخارجه عن ارادتي وسيطرتي

حصل معاكي ايه يا غرام ؟

وهتتصرفي في موضوع زي ده ازاي ؟

وهتعرفي تتصرفي ولا لاء ؟

هتعرفوا ان شاء الله تعالي الحلقه الجايه

الحلقه الحادية عشر

نكمل بقى ........

رجعت بيتنا اليوم ده و والتعجب والاسئله ماليه دماغي وعلى اوضتي عدل

وقلت لماما اننا تعبانه ومحتاجه انام علشان اصحى اذاكر بالليل

وما تخليش نورا اختي ترخم عليا وتزعجني ودخلت صومعتي الحربيه

وعلى تفكير طول اليوم هقول ايه لأمجد ومشيت من قدامه بالطريقة دي ليه ؟؟

وهقول لسلمى تتصرف ازاي ؟ وهعمل ايه ؟

خدت الموضوع من اوله خالص وبفكر وبقول لنفسي ازاي ادخل نفسي

في متاهات اعجاب وحب وغرام وانا لسه طالبه والطريق قدامي طويل

مش انا بس ده انا وسلمى كمان وهناخد من ده كله دلوقتي ايه ؟

ولا انا ولا هي هنقدر نرتبط بيهم اساسا وهما طلاب ولا اهلنا ولا اهلهم هيقدروا يوفقوا

على حاجه زي دي واحنا لسه يا دوب بنبتدي نخطي خطوات جديده في حياتنا

لازم اقرر اننا ما ادخلش في متاهات الحب والاعجاب دي وانا طالبه جامعيه لا

لسه ليا مستقبل ولا اللي معايا لسه باين ليهم مستقبل

فبالتالي هقرر ان كلهم بالنسبه ليه يكونوا اخواتي وصحابي

واننا لو اعجبت بحد واستمر الحب ده لحد ما نتخرج وربنا رايد ان الموضوع يتم

قبل او بعد هيتم او مش هيتم هيكون تدبير من رب العالمين

و بلاش استعجال للأمور وبلاش ابص لكل مواضيعي من منظور

البت النونو الرومانسيه واتصرف بطريقة عشوائيه

انا دلوقتي بنت جامعيه قد الدنيا لازم احسب خطواتي اكتر من كده

واي افكار مالهاش لزمة دلوقتي الغيها من حياتي نهائي

هوا انا بتفلسف واللا ايه انتي واخده الامور بعصبيه وجدية كده ليه ؟ ( بكلم نفسي )

لاء مش عصبية ده واقع ولازم افكر فيه بالطريقة دي

علشان ما يجيش اليوم اللي اندم فيه بعد كده

اول خطوة لازم اخدها اننا اواجه امجد بالحقيقة دي

واكلمة عنها وهشوف ردة فعله هتبقى ايه واقرر ان بالأضافه لده

اننا هقوله ان الحب الصح لازم يكون مبني على عقل ووقت كافي

وكمان لازم يكونله نهايه حتميه وواضحه وده اللي بتسعي ليه اي بنت محترمه وواضحه

بس احنا دلوقتي زملا واخوات وده احسن بكتيييييييييييير من ان حجات تانيه

وعواطف حب تجمعنا ويمكن بكره تخرب الصداقه دي والاحترام ده

لانها مش مبنيه على نضج كفاية

وهشغل وقتي في مسرح الجامعه والندوات والنشاطات اللي بتحصل كل يوم في الجامعه

واشتغل اننا اطور من عقليتي وفكري ونظرتي للأمور

واثقف نفسي علشان اما آجي أخد اي قرار في حياتي اقدر اخده وما اقعش في حيره

وعدم ثقه زي ما حصل في الموضوع ده وقررت اننا ما اعزلش نفسي عن حد

واندمج مع مجتمع الجامعة اكتر في ايجابياته ومشاكله وكمان سلبياته

واحاول اصلح منها واعمل لنفسي طريق واضح واكون حاجه الجميع يفخر بيها ويحترمها

--------

تاني يوم في الجامعة روحت كالعادة الصبح ورحت لمكاني

ولقيت وردة يادي الورد اللي بيقع من الناس اليومين دول !

انا مصدعه خالص يارب والنبي يارب قويني وخليني قد اننا اقول الكلام ده لأمجد

واواجه بيه سلمى كمان يمكن تقتنع وتأجل موضوع اعجابها ده بمحمود

يارب ساعدني يارب

سلمى جات بوستها وقعدتها جمبي وابتديت اسألها ها اخبارك ؟ عامله ايه ؟

وايه آخر اخبار الحب المجهول اياه ؟ بتقولي مش عارفه بس انا بجد ما بقتش عارفه

اعمل ايه حساه بعيد قوي عني بحاول الفت انتباهه ليا بالعافيه

وهوا بيعاملني زي ما اكون اخته بنت عمته مش باصصلي بصة الحبيب لحبيبته

قلتلها معلش يا سلمى ما تنسيش انه ممكن يكون مرتبط

او مش واخد باله منك او مش مفكر في الموضوع ده يعني

قالتلي والعمل ؟

قلتلها لو قلتلك هتزعلي وتقوليلي لاء

لاء والله بس قوليلي اعمل ايه

قلتلها يا سلمى صدقيني احنا لسه يا دوب بنبتدي حياة جديده

مش زي محمود سنة تالته عقله اكيد مشغول بحجات اهم بكتير

من انه يدور على بنت يحبها هيتخرج ازاي وبعد كده لازم يشتغل

ويثبت ذاته واكيد دي حجات مهمه لو حققها هيعرف يفكر في حته تانيه

خاصه بالحب والارتباط انتي مش شايفه ان المفروض نركز في حجات اهم من دي دلوقتي

و واحده واحده ابتديت اقولها على وجهة نظري ونتناقش واقلها في رأيي

وتقولي وجهة نظرها لحد ما حستها ابتدت تقتنع ولكن مش بشكل كلي

ولحد ما طلعنا المدرج وكان امجد لسه ما جاش وهوا مش كعادته

اول واحد بيبقى في الجامعه يارب اجعله خير هوا انا ناقصة قلق فوق قلقي بس

اهو سلمى وابتدت تقتنع فاضل امجد وبالنسه ليا امجد مهم عن سلمى

لان سلمى ما تعرفش اي حاجه وامجد يعرف موضوع سلمى

وموضوع اعجاب محمود بيا كمان

وتخلص المحاضرات واخرج بره رحت الكافتيريا ما لقتش حد لفيت من ورا

لقيت محمود مشيت ما رحتلوش قلت مش حبيت يبان على وشي ردة فعل معينه

مش حلوه تجرحه وانا مش بحب اجرح حد قلت يبقى امجد موجود انا

هروح لسلمى وارجع تاني يكون امجد جه وفعلا رجعت وما لقتش حد

كان امجد ومحمود مشيوا باين ان امجد زعل مني علشان مشيت

وسيبته بأسلوب مش ظريف يادي الوقعه السوده

وبكره الجمعة وبعده السبت هفضل للحد ما اقلوش على قراري

انا عايزه اخلص بقى من الموقف ده

ويا دوب خلاص بسلم على سلمى وبقطع الشارع علشان

اوقف الميني باص لقيت امجد جه ناحيتي و قالي معلش انا جيت الصبح النهرده

وما رضتش اقرب لما لقيت سلمى جمبك وبتتكلموا قلت علشان مش اسبب في احراج

قلتله لاء ابدا قالي بجد انا من مبارح قلقان عليكي جدا ومحتار ينفع نروح حتة نتكلم

انا : تعالى نرجع الجامعه نتكلم هناك

وقطعنا الشارع ودخلنا الجامعه تاني وقعدنا

قالي غرام انتي امبارح كنتي غريبه جدا

هوا انتي مرتبطة بحد ؟ انا بس محتار اقول لمحمود ايه ؟

قلتله بص يا امجد والله مش موضوع مرتبطه

هوا بس مجرد اتفاجأت فاتصرفت بردة فعل عكسيه

يمكن انا ليا طريقة تفكير مختلفه واحب تعرفها

وابتديت اكلمه عن القرار اللي خدته وبكلمة بالمنطق وطلبت منه

يوصل الفكره دي لمحمود وانه لسه بدري اما نفكر في موضوع زي ده

واحنا طلبه و و و و و فهمته اننا يمكن بطريقة تفكيري دي مش اعيش زي كتير

بنات بتحب وبتعمل علاقات في الجامعه وبتحب مره واتنين لكن انا

مبسوطة بنفسي جدا ووثقه في قراري ومعجبة بطريقة تفكيري دي

وحباها وان سلمى بتفكر بنفس اسلوبي وان ياريت لا انت ولا محمود

تزعلوا مننا او تفتكروا ده تكبر او عدم اهتمام بمشاعركم

واننا نسيب المواضيع دي للقدر يتصرف فيها

وسلمت عليه وقمت وانا مش عارفه ردة فعل كلامي ده عليه هيكون ازاي ؟

ولا مشاعره عامله ازاي ؟ وهل كلامي هيكون خطوة تبعد خالص

الشلة دي كلها عن بعض ؟ ولا هنبتدي صفحة جديده كلها احترام وحب صافي

ولا هنبعد عن بعض ؟ وكل واحد يتحرج يوجه للتاني اي كلمة تفكره بأي موقف معين

حصل او لسه هيحصل الله اعلم

هيحصل ايه وهيبقى الموقف بين الاصدقاء دول ايه ؟

وهيحصل ااايه جديد في حياة غرام ؟

هتعرفوا الحلقة الجــاية ان شاء الله
قصة ( بحبك يا غرام ) 710150

الحلقه الثانية عشر
قصة ( بحبك يا غرام ) 246908

قاعدة بتكلم انا وسلمى في الجامعة قبل المحاضره وبنضحك ومبسوطين

سلمى : ايه ده غرام الحقي

انا : في ايه

سلمى : بصي وراكي وبتضحك

انا : بصيت ها يخببببببببر

ايه ده امجد على فرس لونه اسمر ولابس ابيض في ابيض

وداخل الجامعة بسرعه وبيجري بالفرس ومحدش عارف يوقفه

امجججججججججد بندهله ( يا لهوي فارس قد الدنيا يا خرابي )

يلف بوشه ليا ويرجع وجري بالحصان

امجد : بدور عليكي بقالي سنين

انا : سنين احنا لسه سايبين بعض امبارح

امجد : بحبك من اول يوم شفتك فيه وبكدب على روحي

انا : انا امجد هوا في ايه !

امجد : قدرت اداري واخبي على كل الناس واكدب عليهم عن حبي

لكن الا انتي مش قادر اخبي مشاعري اكتر من كده عنك

صدقيني انتي وبس اللي قلبي معاها وروحي فداها

ومستعد اتحدى العالم كله علشان خاطرها

انا : انا

امجد : بحبك يا غرام بحب كل حاجه فيكي طيبتك

وعفويتك وقلبك الكبير وكل اللي بطلبه من ربنا يساعدني اننا

احققلك كل اللي بتتمنيه

انا : وانا كمان يا امجد بحبك جدا وكنت مستنيه الوقت اللي هتعرف فيه مشاعري دي

امجد انا دوست كتير على مشاعري واتحملت فوق طاقتي علشان مش اجرحك

ولا اجرح سلمى امجد لو انت بتعمل كده علشان

تنتقم من سلمى بيا انا ما انفعش

ومن غير ما اكمل الكلمه قالي

لالالالالالالالاء ما تقوليش كده ابدا انا عمري ما اخترت سلمى

انتي اللي قلبي راح ليها من اول يوم شفتها فيه

انا اسعد واحد في العالم النهارده انا اتولدت من جديد اللي اخترها قلبي

بتحبني زي ما بحبها

انا ونظرات الخجل على وشي مش عارفه انطق بيها : بحبك يا امجد

امجد : يرفعني جنبه على الفرس الأسمر وفجأة يبقى لونه ابيض

ويجري بيا في الجامعة كلها ويصرخ بأعلى صوت

بحببببببببببببببببببببببببببببك يا غرام

بحبببببببببببببببببببببببببببببببببببببببببك

وانا مبسوطة وسعيده وبضحك في بالي بقول الله ياريتني افضل في اللحظه دي

طول حياتي وافتكرت حتة من فيلم احلام عمرنا

اما منى زكي بتركب الفرس ورا مصطفى شعبان

وبتفتح ايديها للدنيا سعيده ومبسوطه وقلت اقلدها

وفعلا فتحت ايديا مبسوطه وسعيده فوقعت على ظهري أخخخخخخ

بسم الله الرحمن الرحيم خير اللهم اجعله خير

ايه ده انا كنت بحلم ولا ايه ؟

هي الساعه كام يالهوووووووووووووووي الساعه 8 ونص

يا بابا يا ماماااااااااااااا قوموااااااااا اتأخرنا اتأخرنا

كل البيت صحي على صوتي في ايه في ايه

البسوا بسرعة اتأخرنا اتأخرنا

اتأخرنا عن ايه يا بنتي : بابا ويا عيني مش عارف هوا في ايه

الشغل والجامعة وال ما كملتش هوا النهارده ايه

الجمعة يختي : نورا اختي

حتى يوم الجمعة مش سيبانا في حالنا اهدي بقى

انا : اخرسي يابت الحق عليا اللي خايفه عليكم

بابا : هروح اريح لحد موعد صلاة الجمعة

نورا : وانا كمان هروح انام

ماما : خلاص ما بقاش في نوم طار

انا وانا مكسوفة من نفسي : ماما تشربي فنجان قهوه معايا طالما صحيتي وصحيت

قالتلي : ما بتعرفيش تعملي قهوة انا هعملها

انا : ( كسفتني ) يللا معلش اوك يا ماما تسلم ايديكي يا حببتي

انا وماما قعدنا وشربنا القهوة الصبح

وماما كالعادة استجواب كل يوم حصل معاكي ايه الاسبوع اللي فات

واخبار فلانه ايه وعلانه ايه وقلتلها اللي عايزه اقولهولها

طبعا بس مش اكتر وقعدت اخد رأيها في موضوع نشاط الجامعه

وقالتلي ما فيش مانع طالما مش هيأثر على مذاكرتك

وخدت رأيها ادخل ايه قالتلي انتي بتحبي الحاجات اللي ليها دعوة بالأدب قلتلها

وانا كمان بقول كده بس اشترطت عليا اننا اكون متابعة فقط

اي شغل او كده لاء لانه بيتأخروا لبليل قوي فخليني متابعة بس اي ندوة ثقافيه

او ادبيه اي مسرحيه اي اي اتابع من بعيد لبعيد

وخدت الموافقه من ماما عن موضوع نشاط الجامعة

والحمد لله دلوقتي لازم انسى الأحلام دي واركز شويه ده انتي لسه مدية

روحك درس ازاي تبتدي حياة جديده وانتهينا من الاحلام دي اعملي مرة واحده

بالحاجه اللي بتقوليها

جه يوم الاحد وكنت مش متشجعة اروح الجامعه وخايفه من ردة فعل امجد ومحمود

مع اني واثقه اننا هبتدي مرحله جديده في حياتي ورحت مكاني المفضل

وما لقتش الورده اياها بتاعت كل يوم مسكت مرجع وقعدت اراجع واذاكر شويه

وبعد كده قلت اروح عند قاعة الندوات والمؤتمرات اللي بيعملوا فيها كل اسبوع

ندوة لشخصيه عامه او لدكتور من دكاترتنا بيتكلم عن موضوع محدد كل اسبوع

واهو هقوم فوجئت بمحمود جي والشرار بيطلع من عنيه

وفي ايده الورده اللي ما لقتهاش مكان ما بقعد وفجأة ابتدى يزعق فيا

انتي فكره نفسك ايه ؟

انتي حيالله بنت عاديه ما ابصلهاش اساسا احمدي ربنا اننا عبرتك

انت يا حشرة ترفضيني انا انتي وانتي وانتي

وتك تك تك تك ما بقتش مصدقه نفسي وبلمت الطلبة اتلمت حوالينا

وانا وكأني بلعت لساني ولا كلمة وهو نازل فيا تهزيء وشتيمه

وجاتلي القوة والشجاعة وقلتله على فكره انت انسان مش متحضر

انت مش محترم هوا بالعافيه يا اخي ايه السخافه دي

انت احقر حد ممكن اقابله ومش هنزل مستوايا اننا اتناقش معاك

وبمشي واسيبه مسكني من دراعي وبعبارات التهديد اما وريتك يا ست الحسن والجمال

ان وان وان قلتله اعلى ما في خيلك اركبة وانا ماشيه من هنا على العميد فورا

وقبل ما اكمل الجمله كان جه امجد ورن محمود حتة علقة

ما ياخدهاش حمار في مطلع يالهوووووووي الحقونا يا عالم

محمود :بقى بتضربني علشان واحده زي دي

امجد : واكسر دماغك انت ما بتفهمش يا بني انا قلتلك ان البت دي مش من اياهم

محمود ليه علشان قالتلك لاء يا اخي ملعون ابو اللي يصاحبك والناس بتبعد بينهم

وانا السبب والأمن هيجي وكلنا على العميد

سلمى : غرام غرام

انا : وعنيا مليانه دموع

سلمى : في ايه بسم الله الرحمن الرحيم مالك

انا : ولا حاجه تلاقيني بس كنت بفكر في حاجه

( عقلي الباطن بيرسم خيالات واحداث مش موجوده وانا حاسه بالذنب وحاسه اننا
جرحتهم وخايفه من اليوم ده جدا كل ده علشان ما لقتش الورده اياها بتاعت كل
يوم )

سلمى : في ايه خضتيني عليكي

انا : والله ابدا يلا نقوم المحاضره هتبتدي

خلص اليوم على خير ولا شفت محمود ولا شفت امجد

ورحت انا وسلمى نشوف ندوة الاسبوع ده هيقدمها مين

سلمى بتقرأ اللي مكتوب على الأعلان : الأستاذ مأمون الباشا

عنوان الندوة الأخلاقيات ومتغيرات العصر يوم الأثنين

انا : حلو العنوان ده بس يارب ما يكونش ممل وانام

وانا بسمعله الندوة بكره فكرك هنلحق مكان

سلمى : الحجات دي محدش بيجيلها كتير ما تقلقيش غير العبط اللي زيي وزيك

انا : لمي نفسك ال عبط ال انتي ادرى بنفسك بس انا مش عبيطه

وروحنا وما شفناش لا امجد ولا محمود ولا حتى واحنا مروحين الظاهر

يا اما بيتجنبونا يا اما نهوا علاقة الصداقة اللي بينا

روحت وانا بحمد ربنا ان الموقف اللي حصل من محمود كان من خيالي

ومش حقيقي انا لو اتعرضت لحاجه زي دي امووووت وان خيالي رسم حجات

مش حقيقيه بس كنت قلقانه اني ما شفتش امجد ولا محمود ولا كلمونا ولا صبحوا علينا

زي داايما وخفت يكون اللي في عقلي الباطن تمهيد لحاجه تقيله جايه في السكة

روحت بيتنا ومشي اليوم على اسرع ما يكون على غدا ونوم ومذاكره وعادي

تاني يوم لبست وجري على الجامعة ودخلت الجامعه

وانا في بالي ادور على البشوات مش علشان حاجه

بس علشان اعرف هما واخدين مننا موقف واللا ايه

وروحت ناحية الكافتيريا ولقيت محمود بلعت ريقي وشديت حيلي

وقررت اننا اروح اكلمه

انا : صباح الخير

محمود : صباح الفل ازيك

انا : ( صباح الفل خير خير )

كملت : اومال حضراتكم فين من مبارح ( ولا كأن في اي حاجه )

محمود ابدا امبارح ما كنش فيه محاضرات مهمه علشان كده انا ما جتش
انا : وامجد

قالي ما اعرفش هوا رنلي على الموبايل وقالي انه على البوابه

انا : طيب جميل نعرف منه بقى في ايه بص

انا هروح اشوف سلمى زمانها جات وهجيبها واجي اوك

محمود : اوك يا قلبي

انا : قلبي ( لا لا لا لا لا ما اتفقناش على كده هوا امجد ما قالوش واللا ايه ما تخديش في بالك )

اوك محمود يلا موش هنتأخر

رحت وجيبت سلمى ورجعنا لقيت امجد جه ايه يبني فينك

من امبارح بقى ينفع كده ده ما كانش عيش وكابتشينو

قالي انا جيت متأخر وكان عندي محاضرات لغاية الساعه 3

انا : طيب يا سيدي يالله ربنا معاك يا رب

ببص جمبي على سلمى لقيتها بتكلم محمود ومندمجه وعنيها بتلمع

انا : خبطتها في كتفها يلا بقى علشان نلحق المحاضره

ومن ايديها وهي تقولي استني ثواني ما يصحش

قلتلها : لاء يصح يلا باي باي يا شباب نشوفكم بعد المحاضره الثالثه

او هتلاقونا في ندوة الدكتور مأمون اللي في تجارة انجلش

امجد ومحمود في نفس واحد : لاء ملناش في الحاجات دي بكرة بقي سلام

وخلص اليوم الطويل على خير والمليان محاضرات على عينه

انا : يلا بقى

سلمى : انا هروح يا غرام تعبانه ما صدقت وخلصت المحاضرات

هروح اسمع رغي والنبي اجليها الاسبوع الجاي

انا : يابنتي المحاضره الساعه خمسه هنروح يعني هنروح

سلمى : انا هقع من طولي من الجوع وهروح عايزه تروحي روحي لوحدك

انا : يا جبانه تصدقي النداله دي في الدم

سلمى : نداله نداله انا عايزه انام واااااااااكل اووووف

انا : يا مين يرحمني من لسانك امشي يابت انا كنت هعزمك على سوداني اما نخرج

سلمى : مش عايزه

انا : سلام وخليكي فاكره الموقف ده هااااااااااا

سلمى : سلام

انا ولأول مره هروح مكان زي ده لوحدي وهحضر ندوة للدكتور

واللا الأستاذ ده ولا اعرفوش ولا اعرف طريقته انا لو زهقت همشي مش هطول

واهو اروح اشوف لينا وعبير صحابي من ايام الثانوي

دخلت القاعة الجو مش بطال ومش زحمة شكله واحد

يا ممل يا حد متفلسف ما فيش ناس كتير جياله

الساعه بقت 3 وربع ولدلوقتي الندوة ما ابتدتش اولها كده

ياسلاااااام ده شكله هيفضل يرغي ساعتين ولا هفهم حاجه

ولا هوا اساسا فاهم حاجه وتلاقيه اساسا راجل قد والدي

ولا حتى جدي ينام ساعة ويفوق ساعه

ايه اللي عملته في نفسي ده مليت وزهقت انا هقوم خلاص

ويا دوب لسه بفكر لقيت اللي في القاعة بيسقفوا سقفت لقيت تلاته واقفين

كل واحد من جيل غير التاني ده شكله العميد

ومين ده الله اعلم بس ايه القمر اللي واقف في النص ده

بسم الله ما شاء الله اكيد ده اللي على اليمين اللي هيتكلم

كلمة العميد كانت قصيرة ومش ممله ده العميد برده

والآن مع ندوتنا لهذا الاسبوع

مع المعيد الأستاذ مأمون الباشا

والحاصل على شهادة الماجيستير في العلوم الانسانيه فليتفضل

واللي في القاعة كلهم بيسقفوله

انا : سقفت معاهم

( ده هوا الشاب اللي في النص هوا انت بقى مأمون الباشا ده معيد مش دكتور اهاااا طيب اما نشوف هيقول ايه )

وابتدا مستر مأمون الكلام عن الأخلاقيات ومتغيرات العصر

والعولمة والنت والموبايل وما خلاش حاجه اللا جاب سيرتها

وعلاقتها بالأخلاقيات واتكلم عن شبابنا وبناتنا وليه بقينا كده

وليه بقت مجتمعاتنا كده والمخدرات والعلاقات المحرمة و و و و ....

وانا قاعدة ة بسمع بكل لهفة وانا فين من ده كله كل دي سلبيات في مجتمعنا

وانا اللي فكرت ان كل الناس ملايكة و محدش بيعرف يغضب ربنا في الدنيا دي

قد ايه كلامه مشوق واسلوبه في طرح المواضيع مريح

ده لقطة ده انا ما شفتش كده اول حد اشوفه بيتكلم كده وصغير في السن

وعقله متفتح وكبير انا بعد كده مش هفوتله ولا اي ندوة

وقاعدة ووشي زي الطمطماية احمر وعنيا بتلمع وبسمع بكل لهفة للأستاذ الصغير

حصل ايه تاني مع غرام هتعرفوووووا بس مش النهارده

تعبت بقي .. حلقه كبيره اهي انهارده

نكمل بكره ان شاء الله

قصة ( بحبك يا غرام ) 710150

الحلقه الثالثة عشر
قصة ( بحبك يا غرام ) Cherry-creek-forever-my-love

المحاضره فضلت ساعة يا ما كان نفسي تفضل للساعة خمسه

ايه ده ده جميل قوي واسلوبه في الكلام جميل وتفكيره راقي ومتحضر
وباين عليه انه مهذب واخلاقه عاليه وكمان مش لابس دبله في ايده

ما كانش ينفع يمدوا المحاضره كمان ساعتين تلاته انا من هنا ورايح

لازم اجي كل يوم اشوفه في تجارة انجليش ده خد عقلي مني

سحرني بأسلوبه وكلامه وعقله الكبير

هي الساعه كام الساعه 4 ونص

لسه معايا للخمسه وقعدت اتمشى في الشارع ده معاه ماجستير

وباين عليه لسه صغير هوا ده اللي طول عمري بحلم بيه مجتهد وشاطر

وابن ناس ده اللي هفخر بيه طول حياتي يارب يبقى من نصيبي

وركبت و

رجعت بيتنا وكل تفاؤل الدنيا في عيني

بوست ماما واختي وجيبتلهم لب وانا مروحه وقعدت اقلهم على الندوة

وحصل ايه لحد ما زهقتهم ودخلت اوضتي وانا سعيده والفرحه مش سيعاني

امجد ده مين اللي بتفكري فيه ده ولا يجي حاجه في مأمون

هوا باعك ومش كلف نفسه يتعرف بيكي ويحس بمشاعرك

يبقى انتي كمان تنسيه وتفكري في الناضج العاقل اللي كل احلامك

هتتحقق بواحد في عقله ورزانته وتفكيره الناضج ورميت نفسي على السرير

وانا سعيده

ماما بتنده : غرام يا غرام

ايوه يا ماما ثواني بغير هدومي وجايه

ماما من بعيد لاء خليكي لابسه تعالي بس

خرجت تاني : ايوه يا مامتي يا حببتي

عمتك جايه كمان شويه هي ومحمد ونهى وعمو عثمان

يا ماما هوا ده وقته بقى اوووووف الله بقى انا عايزه انام علشان اصحى اذاكر

ماما : بلاش طريقتك دي قلتلك ميت الف مرة بابا يزعل

مش عارفه انتي واخده موقف منهم ليه

انا : يا ماما مش حكاية موقف انا عايزه انام

خلاص روحي شوفي البسبوسه اللي في الفرن اخبرها ايه وهدي عليها النار

وطيت على البسبوسه وقعدت استنى في عمتى اولادها

وعمو جوزها يجوا علشان يسهروا عندنا

جم والحمد لله انا بحبهم والله بس ماليش قوي افضل قاعده مره واحده ساعتين

اتكلم وارد على عمتي وعلى اسألتها التقليديه واتكلم مع نهى

وعملت ايه وبتعمل ايه وبتذاكر واللا لاء

وعمو بيلعب ضومنا مع بابا ومحمد يتكلم شويه ويسكت شويه والحجات دي

المره دي غير كل مرة محمد لابس اللي على الحبل متأنتك ولابس ومتأنتك

على رأي حسين فهمي في اللعب مع الكبار

وحاطط جيل في شعره ونهى بتتناقر هي ونورا

وعمتي مع ماما ودودودودودودودودود

وانا اجيب العصير واجيب القهوه اقدم البسبوسه ومعاها الشاي لقيت

محمد بيكلمني ايه يا بنتي مش ناويه تقعدي معانا تعبرينا

خمسه كده نعرف احوالك واخبار الجامعه معاكي ايه

قلتله استناني رجعالك وجيبت الكوتشينه وقعدت العب معاه بصره

واكلمه عن النهارده حصل ايه في الجامعة والندوة كانت بتتكلم عن ايه

وطبعا مع التحفظ في كلامي على الأستاذ مأمون

ما ينفعش اقوله يهبل يجنن والكلام ده وفضلت اقوله على مضمون الندوة

وارغي معاه وهوا يقولي رأيه ونتناقش والكلام يجيبنا ويودينا

قد ايه يا محمد برتاح للكلام ليك وياما كان نفسي يبقالي اخ اكبر مني

اكلمه زيك كده ويخاف عليا

وخلص اليوم ونمت من غير ما افتح كتاب وذكريات قد الدنيا شغلاني

من اول اللي حصل في الجامعه والندوة واخر النهار زيارة عمتي واسرتها

كان يوم مشحون يلا يوم يفوت ولا حد يموت

تاني يوم صحيت على يوم مشرق ومليان تفاؤل مخططه حاجات كتير لازم تتعمل

ورحت جامعتي كالعادة وقعدت في مكاني بس الغريب في الموضوع ان النهارده

الكل جي بدري الاء وهبة ومصطفى وكمان سلمى وامجد الا محمود

كالعادة مـتأخر متأخر سلمنا على بعض وقعدنا واقتراح جميل من سلمى

نروح نشرب حاجه في الكافتيريا ورديت بكل منتهى الحب نعم يا اختي

الدنيا بقت نص الشهر وبصراحه ما بقاش في المصروف حاجه

نروح نشرب حتى كوباية مية من الكافتيريا معلش هي الدنيا كده

يوم تشرب فيه كابتشينو وتاكل فيه بيتزا ويوم ما تلاقيش تشرب كوباية الميه

المهم الأغلب كان موافق نطنش للكافتيريا النهارده

وقعدنا جمب بعض على الرصيف ننم ونجيب في سيرة المعيدين

والدكاتره بس الأء مش في المود خالص النهارده

مالك يا الوء انا بسالها

الاء : لاء ابدا بس عندي برد من الصبح وجيت على غصب عيني

انا : وجيتي ليه بس

سلمى : ما تروحي يا بنتي السكن اهو قريب مش بعيد

نسيت اقلكم ان الاء وهبه من ضواحي القاهره البعيده جدا

وساكنين في سكن الطالبات القريب من الجامعه علشان ما بيعرفوش

يروحوا كل يوم ويرجعوا تاني يوم واكيد يا عيني

بتشتاق من الأسبوع للأسبوع لأهلها وطبعا ايام الأمتحانات مش بيعرفوا ينزلوا خالص

انا : هبه ما تروحيها حرام وشها باين عليه التعب جامد

مصطفى كانا معايا عربيه ممكن اوصلها وارجع بسرعه

انا : واجب برده بس خد هبه معاكم علشان تطلعها وتطمن عليها انا مش مطمنه

سلامتك الف سلامة يا الوء

وروحت الاء وهي صعبانه عليا مش جمب مامتها ولا خواتها

ياخدوا بالهم منها مش لو معايا موبايل دلوقتي كنت عرفت اكلمها

واطمن عليها واول ما خلصت محاضرات رحت على السنترال اللي جمب الجامعه

لقيت دقيقة المحمول ب 50 قرش كويس معايا جنيه زياده

وطلبت نمرتها من الراجل واطمنت عليها قالتلي انها احسن الحمد لله

قلت طيب عال والف سلامة عليكي يا الاء

صحيح انا معرفش الاء قوي وعلاقتي بيها مش زي علاقتي بسلمى

مثلا بس بتصعب عليا وبحس انها محتاجه لحد يكون جمبها على طول

ياخبر انا نسيت لازم اروح تجارة انجلش مش يمكن اشوف مأمون

واللا حاجه وروحت وانا لسه مش قوي في الأماكن بس دخلت ولفيت

لحد ما وجعتني رجليا وسألت عليه طلبة اولى وتانيه

وكلهم اجمعوا ان النهارده التلات ما عندوش محاضرات

وروحت بيتنا بعد يوم متعب ومرهق وانا حطه في بالي

تاني يوم اروح نفس المشوار بتاع النهارده

ويوم ورا التاني يمر وكل يوم اروح نفس المشوار لو بس المحه مش مهم

واهملت صحابي وما بقتش اقعد معاهم ولا اعرف اخبارهم لحد

كل يوم اتنين من كل اسبوع واجري اكون اول واحده في القاعه

واكون على سنجة عشره ولابسه الطقم اللي مش بيخرج اللا للغالين وبس

في انتظار مأمون وبقى كلامه بالنسبه ليا جرعة تثقيفيه ونفسيه مهمه

برتاح جدا اما بسمعله وبسمع فكره

صوته بقى بالنسبه ليا كل معاني الحب لو حصل وعندي وقت فراغ

احرص اننا اروح هناك مش يمكن المحه حتى وهوا خارج من سيكشن

وبقى يوم الأثنين ده بالنسبه ليا يوم من اسعد ايام حياتي

يوم مقابلة الحبيب وهوا بكل ثقة واقف وبيلقي الندوة وانا بستمع بكل فخر

واعجاب وتخلص المحاضره وما ابقاش عايزه امشي مش كنت دخلت تجارة احسن

ايه الحظ ده بس انا مش عاجبني كده لازم كل الطلبه يعرفوا

بمواعيد الندوات الاسبوعيه بتاعته ويبقى اشهر واحد في الجامعه دي كلها

وابتديت اخد نسخه من الأعلان الأسبوعي واطبعه من المكتبه نسخ

وعلى لوحة الاعلانات والزق والزق والزق وكل صحابي القريبن اقلهم عنه

وتعالوا اسمعوها وده فظيع واسلوبه جميل والاغلب كان بيرفض

لانه يا دوب بياخدوا بالهم من المحاضرات كمان هيروحوا يسمعوا رغي وفلسفه

لكن جزء قليل جدا كان المتفهم اللي يحب يثقف نفسه ويسمع الجديد

وحب الفكره وقرر انه يجي معايا ابتداء من الأسبوع الجاي

وفعلا جه يوم الاتنين والقاعه بقيت تجمع ناس اكتر شويه مش قوي

ومستنين مستر مأمون يجي ويلقي محاضرته الأسبوعيه

وافاجأ بدكتور تاني بيقدم الندوة بدل مستر مأمون و

الدكتور ده كبير في السن ومفلسف والكلمة بيعقدها والنفس بيزعجه

وكل صحابي ابتدوا يبصولي نظرة الحاقد بقى ده اللي جيبانا نتفرج عليه

ونسمعله هوا احنا ناقصين ياختي وخلص اليوم واتنكدت نكد واضايقت اوي

اول اتنين من اسبوعين ما يجيش وما اشفوش اللا صحيح

هما ما عندهمش غيره ضروري يبقى في حد تاني علشان التنويع

ياخد مطرحه وهوا من فترة للتانيه يجي يقول ندوة

بس انا اتكسفت كسوف من زمايلي زمانهم هريني دعاوي

وروحت البيت مضايقه اننا ما شفتوش اكتر من اننا ما سمعتش المحاضره

واللي يسالني في البيت اقوله كانت رخمه موت كانت حاجه تخنق

تاني يوم وقبل ما اروح كليتي رحت تجارة انجلش وانا متغاظه يارب يمر

ولا حتى بس اشوفه يادي النيله اليوم التلات نسيت ما عندوش محاضرات

ومر اليوم ده على كآبة وقرف حتى صحابي ما بقتش طيقاهم

ولا اعرف اخبارهم من يوم ما ابتديت اعرف مأمون واسمعه

رجعت الكلية ورحت لقيت سلمى لوحدها وباين عليها مديقه

انا : سلمى مالك يا قلبي

سلمى اه ما انتي ما بقيتيش فضيالنا يااختي

انا : مالك يا بنتي في ايه

سلمى : الاء تعبت امبارح وودوها المستشفي

انا : لا اله الا الله مالها في ايه طيب عندهاا ايه

سلمى : هي وقعت من طولها في السيكشن و قالولي عندها اكتئاب وانهيار عصبي

انا : ينهااااار ابيض اكيد ياعيني من المذاكره

وعلشان بعيده عن اهلها

( ده خبر والنبي تصبحيني بيه ايه القرف ده )

طيب هي في انهي مستشفي

سلمى : ودوها على مستشفي الجامعه وهبه ومصطفى وامجد راحولها من شويه

انا : طيب تعالي نروح هناك انتي تعرفي المكان

سلمى : لاء استني دلوقتي يجي مصطفى او امجد يوصلونا

انا : واحنا هنفضل نستنى هوا محمود فين

سلمى : محمود مش بيجي يا بنتي خالص ولا حد بيشوفوه

انا : الله دي حاجه غريبه فعلا يلا ربنا يجيب العواقب سليمه

ايه سر اكتئاب الاء ؟؟

وليه محمود مختفي ؟؟

هتعرفوا في الحلقة الجايه ان شاء الله
قصة ( بحبك يا غرام ) 710150

الحلقه الرابعة عشر

استنينا لحد ما خلصت محاضرة الساعه 10 ونص وخدت سلمى من ايديها وجري معلش لو سمحت

( بسأل حد واقف قدامي )

ممكن بس ما تعرفش مستشفي الجامعه هنا فين بالظبط

قالي لاء ده اخر كلية صيدله قريب من كلية طب علشان اللي بيتدربوا

انا : يعني امشي ازاي وصفلي المكان وجري انا وسلمى هناك

هبة بتعيط يا عيني وامجد ومصطفى واقفين

سلمى : هوا في ايه ؟هي بتعيط ليه ؟

امجد : والله ابدا دي كويسه ودخلنا كلمناها بس النيرس جوه معاها بتديها علاج

انا : الحمد لله ايه يابنتي مالك في ايه ؟ بوجه الكلام لهبه صلي على النبي بس

وبلاش تشاؤم والنبي بقى وحضنتها وهي تزيد عياط

انا : الله بقى طب روحي انتي احنا اهو معاها مش عايزين نعمل

قلق في المستشفي هوا حصل ايه لده كله

هبه : اصلك مش عارفه هي كان مالها من اسبوع وهي مش مظبوطه

وانا كنت عايزه اقول لحد بس هي محلفاني ما اقولش لحد

انا : هبه هوا في ايه انا كده قلقت

سلمى : هبه لو تعرفي حاجه قولي حصل ايه

طبعا احنا واخدين جمب من الشباب

هبه : مش وقته والله ما ينفع دلوقتي

انا : اومال ينفع امتى في ايييييييييه ما تخرجنيش عن شعوري

هبه : يا غرام ما ينفعش والله الموقف محرج

هي قالت محرج ودرجة حرارة وشي بقت 40 سيليسيوس

سلمى : بت هي متجوزه عرفي يحسن تكون متجوزه عرفي وحامل منه

انا : ايه الفيلم العربي القديم اللي واقعه فيه ده ما تهمدي شويه

سلمى : ال قديم ال انتي لو تعرفي ما تقوليش كده

انا : ما اقولش ايه والنبي يا بنتي ....

هبه بتقاطعني : بشويش يا جماعة مش هنقلبها موضوع هنا

وبعدين انتي ازاي تفكري في الاء كده الاء عمرها ما تعمل كده

ولا هي من البنات اللي تفكر تتجوز حد عرفي

سلمى : اومال في ايه بقى !!!

هقولكم الموضوع بس تعالوا نخرج بره

انا : معلش يا شباب هنخرج نشمم هبه هوا ونرجع تاني لو خرجت النيرس نادونا

امجد ومصطفى : اوك

ايه يا ستي بقى في ايه اهو خرجنا ( انا وبوجه كلامي لهبه )

هبه : فاكرين يوم ما كانت الاء تعبانه

انا : قلتلها ايوه وانا كلمتها اطمنت عليها في سكن الطالبات

هبه : قبلها بيوم بقى

سلمى : حصل اييييييييه بقى

انا : لا اله الا الله يابنتي سيبيها تكمل في ايه يا هبه انا حاسه ان الموضوع كبير

هبه : هي كانت في سايبر تحت السكن وكان في حتة للبنات

وراحت وكان معاها بنات من السكن وراحت علشان تدور على شغل لبحث مستر حسام

انا : اوك و بعيدين

هبه : هي قالتلي انها كانت قاعده فوق في القسم بتاع البنات في الجزء العلوي

وبعد ما خرجوا البنات اللي كانوا قاعدين

سلمى : ايه

هبه : مش عارفه اقولها ازاي ؟

سلمى : يابنتي في ايه حد اعتدى عليها ؟!

هبه : لاء مش بالظبط كده

سلمى : اومال

انا قاعده بسمع ومزبهله حاسه اننا مش مستوعبه وان في مصيبه حصلت

ل الاء ومش عارفه اعمل ايه

هبه كملت : المشكله انه الواد صاحب السايبر طلعلها هوا

و .... انا مش عارفه اقول الاء حلفتني ما اتكلمش

انا : انا تعبت يا هبه قلتي كل ده ووقفتي هنا في ايه انا اعصابي باظت

هبه : طلعلها هوا ومحمود وحاولوا يتحرشوا بيها

والواد حاول يقلعها الطرحة بس هيا ضربته بالشطنة وحاولت تمشي من قدامه

سلمى وهي بتسمع ومش مصدقه : محمود مين !!!!!!!!!

قالتلها محمود كان معاه وكان مش واقف على بعضه

وكأنه واخد حاجه مش مخلياه في وعيه

انا : المهم الاء

حصل ايه تاني وكل عفاريت الدنيا بتنطط في وشي

هبه : فضل يشتمها الواد من بعيد ويهددها انه هيجيبها

راكعه لحد عنده وانه وانه وهيسوء سمعتها وكلام خطير

انا : بتقولي ايه يا بنتي

هبه : الأوحش من كده انها عرفت بعد كده امبارح من بنات في السكن

ان الواد ده اغتصب بنت برده في السايبر والبنت خافت تقول لاهلها

وكتبلها ورقة عرفي علشان يداري الموضوع

ومن ساعتها وكل ما تفتكر انه حاول يعمل معاها حاجه غلط تعيط

وما نزلتش البلد اخر الأسبوع ومش بتاكل ولو كلت ترجع وعلى عياط

و كوابيس طول الليل والنهار وما بقتش تضحك ولا تهزر

سلمى والدموع في عنيها ومصعوقه : طيب هوا عرف يعمل حاجه مع الاء

يابنتي ابدا الاتنين كانوا مساطيل واما زقت الزفت اياه ما قاومش

ومحمود كان خلاصان على الاخر اصلا

سلمى بتبكي وانا اللي عارفه هي بتبكي ليه

انا والدموع واقفه على طرف عيني وكل حقد الدنيا على امجد ومحمود

لانهم صحاب وانا معرفش الواد اياه بس انا اعرف امجد ومحمود ومصطفى

وامجد ومحمود بالذات لانهم صحاب واكيد طالما الأفندي كده يبقى امجد

لا يقل عنه همجيه وتوحش وقلة ادب

سيبتهم وبوشي جوه المستشفي وبوجه الكلام لأمجد : ممكن عايزاك في كلمة بره

امجد : مالك ياغرام في ايه

قلتله نخرج بره وهتعرف في ايه

مصطفى : في ايه يا جماعه

انا : عادي يعني مش البيج دييل

( بتوه في مصطفى علشان ما يحسش بحاجه )

طلع امجد بره بصيتله بأحتقار : بقى يا بجحتك يا اخي

تقتل القتيل وتمشي في جنازته بقى قلقان على الاء ؟

وجي تطمن عليها من صباحية ربنا يا قلبك الحنين يا اخويا وانت راسمها مع صاحبك

امجد : في ايه وبتكلميني كده ليه

انا : انت عارف انا لو ندمانه على حاجه في حياتي يبقى اننا عرفت ناس زيكم

امجد :غرام حسبي على كلامك في ايه والله ما اعرف انتي بتتكلمي عن ايه

انا : وابتديت الدموع شلالات واقوله انتم مش بني ادمين

ولا يمكن تكونوا مسلمين انتم احقر من ان يكونلكم ديانه انتم وحوش

وناس ماشيه وراء غرايزها بس لا عندكم مباديء ولا اخلاق ولا قيم

امجد : غرام في ايييييييه انا ما اسمحلكيش تتكلمي كده

انا : تسمحلي انت تعرف ايه في الأدب علشان تسمحلي او لاء

وكملت

اسمع من اللحظه دي انت وصحبك مالكمش دعوه بينا نهائي

ولا تقربوا ناحيتنا ابدا ولو شفتونا في اي حته تنسوا انكم كلمتوا حد زينا

واحسنلك تمشي من هنا امششششششششششي بقى

( بزعق فيه )

جم البنات هبه وسلمى وبيسحبوني من قدامه وانا بشتمه وبقله امشي

امجد :غرام انا مش فاهم حاجه !! انتي بتتكلمي كده ليه ؟؟

والله العظيم ما فاهم حاجه يا بنتي

وخرجوني من المستشفي وانا منهاره وكل جسمي بيرتعش

انا اول مره في حياتي انفعل على حد كده وعلى مين امجد !

وكل ما اسكت بيني وبين نفسي افتكر ان امجد حاول يظبطني لصاحبه

ويقولي اصل انتم طيبين زي بعض اصل هوا واثق فيا

وكل ما افتكر حاجه اعيط واهدى شويه واقول الحمد لله انها جات على كده

وما حصلهاش حاجه وان تفكيرنا كان سليم ومظبوط بالنسبه للموضوع ده

رجعنا تاني الكليه وكملنا محضرتنا وبعد ما خلص اليوم رحت انا وسلمى تاني

ودخلنا ل .. الاء واطمنا عليها وقولنالها عمر الشقي بقي وما فيش حاجه تستاهل ده كله

واحنا اخواتك ولو عزتي نت او حاجه احنا موجودين هنا وبيتنا بيتك

وتيجي عندنا كل يوم واهرج معاها واحسسها ان الموضوع عادي جدا

وافهمها بالعقل ان حد زي ده مش يطول يسوء سمعتك

ولا يجي جمبك اساسا لان الغلط ديما يخاف من الصح وان الحاجات دي بقت بتحصل

وانها ما تحملش المواضيع اكبر من حجمها والحمد لله ان الموضوع جه لحد كده

وعزمتها على الغدا عندنا وفكي بقى ما تعمليش كده خضيتينا عليكي

و ببتسم في وش الاء وبعيط من جوه نفسي ومخنوقه ومضايقه وروحت بيتنا

واول ما فتحت امي الباب اترميت في حضنها وقعدت اعيط ومضايقه جدا

واما سألتني مالك قلتلها على اللي حصل النهرده

قعدت تقرا على راسي قرآن وتسمي عليا وتصلي على النبي وتقولي طيب استهدي بالله

طيب روحي انتي بس اتوضي كده وصلي الظهر وتعالي هقولك على حاجه

حصلتلنا ايام ثانوي و تهدي فيا وخدتني روحت اتوضى وصليت الظهر

وقريت شوية قرآن لقيت بابا بيدق الباب جه واتغدينا وسألني كان يومي ازاي

قلتله الحمد لله وسألني عايزه اي حاجه اي فلوس اي مراجع قلتله على فلوس النت

احمد وانا مروحه قالي على فلوس الشهر ده قالي وانا نازل القهوه هديهاله

ونزل بابا القهوة ودخلت انا اوضتي وكل تفكيري على الموقف اللي حصل النهرده

في الجامعه وجات ماما دخلت على الاوضه

وقعدت جمبي وقعدت تقولي بقيتي احسن استهدي بقى بالله

وقالتلي :

الدنيا دي فيها الحلو وفيها الوحش ولو ما فيش وحشين موش هتلاقي حلويين

وكل حد في حياته لازم يتعرض لموقف من ناس وحشيين علشان يعرف

قيمة الناس الحلوين انا افتكر ايام ثانوي كان واحد في حتتنا حشاش ومخوف كل

بنات الحته ما فيش بنت تستجري تطلع من بيتها لوحدها لو لقى بنت

وفي حته مقطوعه يوقفها ويحاول يتكلم معاها ولا يرذل عليها بكلام وحش

ويمشي جمبها ويعمل حركات وحشه

قلتلها ايوه

قالتلي وعمل معايا كده في يوم كنت راجعه من المدرسة

وخد مني شنطتي واجبرني اننا اقف قدامه وفضل يقولي كلام وحش قمت رزعاه حتت الم

والله افتكره لحد دلوقتي الم بعزم ما فيا وابتديت اصوت

قعدت اضحك ( دي امي كانت حاجه فظيعه وهي صغيره)

وكل بتوع الورش اللي جمب بيتنا يسمعوني وجم

(ماما بتكملي الموضوع )

واتلمو يجي عشره حواليه ورنوه حتة علقة فضل يحلف بيها طول عمره

وبعد كده ولبجاحته جه وطلب ايدي من ابويا وبابا رفض

قلتلها ده كان لازم يرفض : ده قليل الادب اصلا وبيحشش

قالتلي ولولا الوحش ده ما كنتش حسيت بقيمة الحلو اللي هوا ابوكي

وزي ما شفت ده وقابلته شفت ده وقابلته

المهم خرجت من عندي وانا هاديه ومرتاحه وجوه قلبي سلام حقيقي بس

جواه برده قرار اننا الأشكال دي لازم ابعدها من طريقي

وصورة امجد ومحمود قدامي شياطين مش بني ادمين ونمت

وصحيت على يوم تاني وصفحة جديدة من حياتي بعد ما حلفت

اننا اقطع القديمه وما ارجعلهاش تاني

ورحت كليتي ودخلت المدرج على طول ما استنتش حد

كانت الاء وهبه جوه سلمت عليها وقلتلها حمد لله بسلامتك يا قلبي خرجتي امتى

قالتلي : الساعه 7 امبارح وروحت السكن مع هبه

المهم انك بخير وحمد لله بسلامتك

هي سلمى ما جتش

هبه : لاء لسه بس زمانها جيه

طيب بقولك ايه بقى قبل ما انسى انا عملالك انتي وهبه

تلخيص للمحاضرات اللي فاتتكم خدوها بقى ورجعوها وقت ما تحبوا

الاء : حبيبتي ربنا يخليكي يارب كنت هطلبهم منك والله

وما جاتش سلمى النهرده يارب بقى النكد ده كلمت ماما من تليفون المكتبة

وقلتلها اننا هروح اشوف سلمى ما جاتش النهرده قلتلي طيب بس ما تتأخريش

يااااااه انا هروح اشوف مأمون واللا هروح اشوف سلمى

والله ما بقيت عارفه اليوم ده معفرت بميت عفريت

خرجت من المكتبة وانا مقرره اننا هروح لسلمى

وبكره بقى اشوف مأمون وروحت لبيت سلمى وتيتن تيتن

سلمى فتحتلي الباب

انا : ايه يبنتي مالك مجتيش ليه النهرده

سلمى : صحيت متأخر و حسيت اننا مكتئبه ومش عايزه اجي من اصله

انا : يا بنتي احنا اللي هنقوله هنعيده تاني اسمعي مني بس

وما تفكريش كتير في اي حاجه

سلمى : اللي صعبان عليا انه ولا كان باين عليه انه وحش ابدا انا حبيته بجد

انا : ما تقوليش حب ده اسمه اعجاب وساعات كتير الأعجاب مش بيوصل

لمرحلة الحب اهدي بقى وما تحمليش الامور اكتر مما تحتمل

وما تقلقنيش عليكي تاني ينفع والنبي كده انتي تتدلعي هنا

وانا ما رحتش شفت مأمون النهرده

سلمى : مأمون مين ؟

انا : سوري قصدي مستر مأمون

سلمى وانتي عايزاه في ايه

انا : مش وقته بقى يلا انا همشي بقى ماما موصياني ما اتأخرش

يبت استني اعملك كباية شاي طيب او اي حاجه

انا : لاء هشربها في بيتنا سلام

وروحت وتاني يوم وقبل ما اروح الجامعة مريت على تجارة انجليش

يارب المحه يارب وعلى الله بس يكون موجود ومشيت جوه

وببص يمين وشمال واسترق النظرات

هوا ده واللا مش هوا وكأنه هوا بس مش متأكده

لاء هوا ده مشي من قدامي يارب يكون هوا ومشيت بالخطوه السريعه

من جمبه وعملت نفسي ال ايه عايزه ارجع ولفيت بوشي عايزه اشوف هوا واللا لاء

وكل فكري انه بعيد عني كفايه وطراااااخ دششششششش حصل الأكسيدانت

(يالهوي )

قلتله بصوت رقيق وناعم زي النسمه : سوري يا مستر مأمون

بصوته المعهود :لاء ما حصلش حاجه خدي بالك المره الجيه بلاش لهوجة

( فاكرني واحده من طالباته )

رديت وانا مسخسخه ودخلت مود الرقه والهدوء : حاااااااااااضر

يا لهوي على عيونه السود يسحروا واللا الكاجوال عليه اول مره اشوفه بالجينز

جريت وراه مستر مأمون مستر مأمون

لف بوشه ليا : ايوه

قلتله : انت ما بقتش تقدم ندوة الأثنين ليه

قالي : ليه يعني

قلتله : اصل انا وزمايلي كنا مستنينك الأسبوع اللي فات وعرفنا انك اعتذرت عنها

قالي ....................

قالي ايه ؟

وقلتله ايه ؟

هتعرفوا في حلقة بكره ان شاء الله تعـالى

الحلقه الخامسة عشر
قصة ( بحبك يا غرام ) Newpic2

بجري وراه مستر مأمون مستر مأمون

لف بوشه ليا : ايوه

قلتله : انت ما بقتش تقدم ندوة الأثنين ليه

قالي : ليه يعني

قلتله : اصل انا وزمايلي كنا مستنينك الأسبوع اللي فات وعرفنا انك اعتذرت عنها

قالي ....................

قالي : كمان شوية امتحانات وورايا ارتبطات وحاجات كتير

لازم اخلصها ان شاء الله بعد الأمتحانات هرجع تاني

انا : هستنى لبعد الأمتحانات يا مستر والله لسه فترة طويله جداااااااااااااااااااااا

قالي : انتي معانا في انجليش ؟

قلتله : لاء انا من ألســن

ياخبر وبتيجي من كلية ألسن علشان الندوة

(رد عليا بيسألني)

قلتله : طبعا

قالي : طبعا ... طيب انتي مش شايفه انك بترغي كتير وانا ورايا سيكشن دلوقتي

ضحكت

هوا كمان ضحك وقالي عايزه نتكلم في ايه المره الجايه موضوع معين ؟

قلتله انا احب اسمع منك اي موضوع بس ما فيش مانع كده تكلمنا

عن الأدمان والزواج العرفي المواضيع اللي بتشغل الجامعات دلوقتي

وتهم وتوعي الشباب والبنات

رد بأبتسامة جميله : ضحك طيب خير عموما انا اتكلمت عن المواضيع دي كتير

بس ما فيش مانع نعيدها علشان خاطرك ان شاء الله

روحي بقى كليتك لتتأخري عن السيكشن والدكتور ما يرضاش يدخلك

قلتله : حاضر

ومشيت من قدامه وكل سعادة الدنيا في عيني مش هما يا دوب دقيقتين بس

وكأني كلمته ساعتين حسيتهم قد الدنيا

قد ايه انسان بسيط وبيتكلم عادي زي ما كون صديقته

او حد يعرفه يارب اعرف اكلمه تاني ولا هوا يرضى يكلمني تاني

عادي كده زي المره الأولى ومشيت وانا منبهرة برقيه وتواضعه وبحسن اخلاقه

وجري على كليتي بسمع كلام حبيب المستقبل لازم اجتهد بقى

وابقى حاجه تشرف علشان اشرفه واخليه يعجب بيا غصب عنه

لاء لاء مش غصب عنه برضاه علشان يكون سعيد هوا كمان بيا

وبكلم نفسي وطايره من الفرح على اجمل دقيقتين وقفتهم في حياتي

مع مثلي الأعلى وصاحب اجمل عيون وابتسامة مستر مأمون

سلامه حبيبي بجري على سلمى

سلمى : ايه سلامه دي !! شيفاني بشنب

انا : بضحك انت اجمل سلامه في الدنيا وربنا ومن غير شنب كمان

والنبي بلاش حد يسمعك يتوقف طابور العرسان بتاعي

انا : لاء على يدي من اول شبرا لأخر اسوان طوابير طوابير

وقاعدين بنهزر وبنتكلم ومبسوطين وبنضحك

الاء وهبه جيين من بعيد : سلمييييي غراااام

تعالوا هنا ما تيجوا هنا عايزاكوا في موضوع خمسه كده

الاء وهبه هنسبقكوا على الكافتيرا ما تتأخروش

انا بتكلم مع سلمى : فكرك في ايه تعالي ننجز بدل ما باكل في نفسي حيرة كده

سلمى : يلا بينا

ودخلت الكافتيريا انا وسلمى مبسوطين فوجئت ان الاء وهبه قاعدين مع امجد !!

انا : معلش لو سمحتوا انا هخرج رايحه المدرج هستناكم هناك

امجد : غرام
نعم

غرام اظن انك شايفة صاحبة الموضوع نفسها قاعده معايا

وبنتكلم وندهتلك ادبا تقعدي تشوفي اخر الكلام عجبك براحتك

ما عجبكيش برده براحتك بطريقة واسلوب المتنرفز

انا : كل الحوار ده ما يهمنيش في حاجه

يا ريت انت وصحابك تبعدوا عننا خالص وما تتعرضولناش

مش احنا اللي في دماغكوا

ممكن يسلوكم او تخدوهم وسيله ترضوا بيها غروركم وترموهم بعد كده

امجد : منفعل جدا وبيمسك ايدي بعنف وقدام الكل يا بنت الناس

انتي مش فاهمه اقعدي في اليوم ده

انا : شيل ايدك جاك كسر ايدك

امجد : اوك

بس هقولك كلمة ومن الآخر انا مش مضطر ابررلك

ولا عارف انا بعمل معاكي انتي بالذات كده ليه

لكن انا بجد اسف اننا فكرت اوضحلك صورة

ما يهمنيش دلوقتي توضح قدامك او لاء

ومشي امجد وسابنا وبصلي بصه في عمري

ما هنساها في حياتي كلها عتاب والم

الاء وهبه : انتي عملتي ايه ؟ والله امجد ما لوش دعوه انتي لو تعرفي عمل ايه

ما تعمليش كده ولا تتكلمي معاه بالأسلوب ده

سلمى : انتي في المرتين اللي فاتوا مش غرام ابدا ده انت كنتي بتبصيله باحتقار

ولا مبالاه وكأنك بتحتقريه

يا بنات صدقوني انا مش عارفه بتعامل معاه كده ليه

وما يهمنيش يبررلي المهم عندي اننا قرفانه منه جدا

هوا وصاحبه ومش طايقه اشوفه ولا اسمعه

الاء : انتي بتظلميه واما حكتلي هبه انتي عملتي ايه في المستشفي

وسمعت بعد كده اللي قالوه قلت لازم افهمك الوضع علشان هوا ما يستاهلش منك ده كله

هو حصل ايه ؟؟؟

هبه : امجد جه امبارح بعد ما روحتي وقعد معانا

وفهمته اللي حصل وانك اتكلمتي معاه كده ليه

وبعد اما سمع مننا اللي حصل راح لمحمود لقاه عند الجبان في السايبر

و رن الجبان صاحب السايبر علقة نصها موت

وبعد كده راح كتب محضر في القسم على اساس انه بيتعرض لبنات

بعنف لفظي وجسدي وبيضايقهم وبيتعاطى مخدرات

وراحوله مسكوه ولقوا عنده باين مخدرات وشمعوله السايبر

ورحلوه على النيابه هوا ومحمود وبالنسبه لمحمود خد انذار من الجامعه

لغيابه المتكرر وقريب هيتعمله فصل علشان تهمة التعاطي

ياخبر : هوا انا في فيلم لبروس ويلز ولا لفندام !!

والله انا بقيت مصعوقه من اللي بشوفه كل يوم ده

هوا انا لبخت جامد يعني !!

هبه : جداااااااااااااا ده انتي خليتيه ولا يسوا بعثرتي بكرامته الأرض

والله وانا بجد والله مش عارفه هوا فضل مستحملك

!! وانتي بتوجهيلي كل الأهانات دي ازاي

سلمى : انتي بتهدي النفوس ياختي مش كده

انا : وحياة ربنا انا مش عارفه يمكن هوا يكون مالوش دعوه

وانا اتسرعت بس كنت بفتكر حاجات واركبها مع بعض

وكل ما افتكرها اضايق منه واحس انه ما يستاهلش

مني اي ريق حلو بعد اللي حصلك يا الاء

قولوا اتصرف ازاي بقى

بصوا : انا عارفه مين اللي هيقولي اعمل ايه

رجعت بيتنا اليوم ده وانا مش ندمانة قوي على اللي حصل

بس نظرات امجد حسستني بأنا سفاحه ومجرمه

واننا ظالمه حد ما يستحقش الظلم وصوته بيرن في وداني

وهوا بيقولي والله ما اعرف انتي بتتكلمي عن ايه

وروحت لماما وقلتلها اللي حصل من طق طق ل .. سلامو عليكم

و طبعا ماما ذهلت من اللي حصل مني

وقالتلي طيب هوا زميله في الجامعه تروحي تشتميه هوا ليه

سكت ثانيه وبقول في نفسي

( اقولها واللا ما اقولهاش على الموضوع الملعبك اياه انا ما عملتش حاجه غلط مش هخاف اننا اقولها )

وقمت قيلالها اللي حصل وانه كان بيقولي انه محمود اساسا

معجب بيا وحاول يقنعني انه بيحبني و و و و

لقيت ماما بتقولي ايوه

كملتلها بقى اللي حصل مني وانا رديت قلتله ايه وكله كله كل حاجه

وبعد ما قلتلها حسيت براحة غريبه وكأن حمل من عليا وراح

طبعا امي وانا عرفاها تفضل محوشه الرد لحد ما تفكر وبعد اما تطلع روحي تقولي اعمل ايه

وطبعا ما فيش رد ولا حاجه لحد دلوقتي

اتغدينا ودخلت الاوضه انام شوية كالعادة لقيت ماما جاتلي

وقالتلي الرد بتاعها

وخلاصته ان انتي حسمتي الموضوع خلاص

وواد زي ده مصاحب واحد بيتعاطى مخدرات وصايع ما يلزمكيش تعرفيه

انتي ما تعرفيش ممكن يكون زي صاحبه وعامل فيها

الفارس اللي بينقذ البنات من الذئاب البشريه

و خلاص وكويس انك نهيتي علاقتك بيه وكفايه لحد كده

ما عجبنيش الرد خالص

ماما خايفه عليا اننا احتك بيه لان صاحبه كده طيب

هوا ايه ذنبه !! هي لو تطول اساسا تمنعني اكلم حد خالص

مش هتقصر امي وانا عرفاها

تاني يوم صحيت الصبح بدري وكعادتي مريت على تجارة انجليش

وفضلت استنى مستر مأمون دلوقتي يجي واخد رأيه

مش هوا علوم انسانيه يبقى هيجاوب عليا صح

امبارح في نفس الوقت ده جه هوا اتأخر واللا جه قبلي واللا ايه

وفضلت ربع ساعه ابص حواليه زي اللي بتدور على تايه في الزحمة

والربع ساعه بقت ثلث والثلث بقت نص واخر ما زهقت رجعت كليتي

دخلت المدرج وسلمت على الأخوات والاخوه الزملا وانا متنكده

هبه وسلمى والاء : ها عرفتي هتعملي ايه

انا : اوووووووووووف انا مش عارفه حاجه بس حاسه بذنب فظيع

وخلص اليوم ده وانا حساه طويل ومعقد وع الاخر وروحت

وفي بيتنا بقى كل ما افتح الكتاب الاقي صوت امجد بيرن في دماغي

هوا انا للدرجة دي ظالمه ومفتريه !!

ورحت الصبح وكالعادة تجارة انجليش قبل ألسن ودخلت

لقيت مستر مأمون واقف في بين الطلبة

وبيتكلموا رحت جري وقفت معاهم

وبيتكلموا معاه على محاضره ليهم وعلى امتحان يوم الخميس الجاي

مستر مأمون : الله ده ألسن عندنا النهارده

ضحكت وقلتله : استشارة يا استاذ

ضحكوا كل الطلبه حواليه وهوا ابتسم

قالي اتفضلي

ما عرفتش انطق ولا كلمة طبعا كلهم واقفين هيبقى منظري ايه ؟؟

!! اما اقول حاجه زي دي كده علنا

قالي : ها

قلتله يعني عادي هوا موضوع عادي

قال : طالما عادي قولي

ولقيت نفسي بقول قدام كل الطلبه بتوعه الموضوع

وانا محرجه ووشي في الأرض بس طبعا

ما قلتش اسماء علشان ما اتسببش في حد لأحراج

وقلتله على اللي عمله امجد

كان رده ببساطه جدعه خليكي على موقفك

( الله ده عامل زي ماما )

الله هما ليه مصممين اننا ما اعتذرلوش

قلتله طيب انا مش دلوقتي لازم اعتذر للي غلطت فيه ده من غير ذنب

قالي : لاء ما تعتذريش

قالي : الكلام اللي بتقولوه انه راح القسم و و و و ده مش حقيقي

قلتله ازاي

قال اولا القسم مش بتاع والده هيروح يقولهم اقبضوا على ده

هيروحوا يقبضوا عليه وهيقلهم انهم بيضايق بنات

فهيروحوا يأدبوه في شهود

واللا عمل كل حاجه لوحده

حصل ان زميلتك راحت معاه خد حد من البنات دول

قلتله هما قالولي كده زي ما قلتلك ما زودوش كلمة

وطبعا ما فيش بنت هترضى تروح قسم تقول حاول يعاكسني وكده

قالي اعرفي حاجه محدش بيمشي مع حد وبيصحبه

الا وبيكون في شبه منه اذا مش بشكل كلي ففي بينهم حاجات مشتركه

اقتنعت جدا بكلامه وحسبتها في دماغي لقيت ان الكلام ده كله من امجد

محدش لا شاف بعينه ولا راح معاه

ولا حتى مجرد سمعه ده الفرق بينك وبين ماما يا حبيب المستقبل

ماما قالتلي لاء وخلاص من غير ما تبرر او تقولي وجهة نظرها ولا تقولي ليه

مأمون قالي واقنعني برأيه ده عيب جيلنا ما يعرفش حد يقوله لاء وخلاص

لازم يفهم ويحلل ويقتنع

ورجعت الكليه وانا متأخره عن المحاضره تلت ساعه بحالها

والدكتور ما رضيش يدخلني وقالي فاضل ايه

هتيجيلي قبل ما تخلص المحاضره بخمس دقايق

وخرجت الساحة الرئيسيه وقعدت في مكاني المعتاد الدنيا

برد اوي انهارده مش حاسه لا بأديا ولا برجليا من السقعه

ربنا يسامحك يا دكتور قلت اتمشى شويه ادفى لحد ما تخلص المحاضره وادخل

حصلي ايه وانا بتمشى

؟؟؟؟

هتعرفواالحلقه الجايه ان شاء الله

الحلقه السادسة عشر

وخرجت الساحة الرئيسيه وقعدت في مكاني المعتاد الدنيا برد اوي انهارده مش حاسه

لا بأديا ولا برجليا من السقعه ربنا يسامحك يا دكتور

قلت اتمشى شويه ادفى لحد ما تخلص المحاضره وادخل تاني

وانا بتمشى لقيت مين ؟؟؟؟؟؟؟؟؟؟؟؟؟؟
مسسسسسسسسسسسسسسستر مأمون هنا

يا مرحبا يا مرحبا جريت ناحيته

ايه يا مستر ألسن الصبح كانوا في تجارة دلوقي تجارة بقم في ألسن ؟

ضحك

قالي ده انتي رغاية بشكل فظيع

مش في السيكشن ليه ان شاء الله ؟

قلتله وانا محرجة : خلاص فنيتو انهارده مستر ابراهيم مزرجن

تستاهلي علشان تبقي تيجي انجليش كل شويه

تعالي ورايا انا هتوسطلك

لالالالالالالالالا خلاص فاضل عشر دقايق ع المحاضره وتخلص

قالي تعالي هنا برد جدا تخدي برد

قلتله يا مستر مش مهم انا دفيت مش بردانه والله

( بكدب )

وانا متجمده اساسا

مستر مامون انت مش هتدينا حاجه الفصل الجاي

قال الفصل الثالث ليكم محاضره مره في الأسبوع

قلتله يعني لسه سنة كامله احنا يا دوب في الفصل الأول

قالي نصيبكم بقى واحتمال كمان مش اقدر

ليييييييييييييييييييييييييييييييييييه

علشان هناقش رسالة الدكتوراه وبعدين انتي مش ملاحظه انك رغايه بجد

وبتعطليني كل شويه شوف انا كنت رايح فين

وبقالك خمس دقايق بترغي نستيني انا رايح هنا لمين اساسا

ورايا انا هقنع دكتور ابراهيم يدخلك السيكشن ومشيت وراه

وانا اساسا دايبه في ريحة البرفان بتاعته وعنيه على الجاكيت الجلد

وعلى مشيته الرزينه دلوقتي هدخل معاه السيكشن وكل الدنيا هتشوفنا مع بعض

يا على الأقدار دي وترتيب ربنا للأمور خلا دوك ابراهيم ما يدخلنيش السيكشن

علشان اشوف مأمون تاني واكلمه

ودخلت السيكشن وخلصت المحاضره وانا دوبت في مكاني

وانا بصاله بيكلم مستر ابراهيم بيقوله اننا كنت في انجليش معاه في موضوع

علشان كده اتأخرت وواقفه جنبه مستنيه الأذن

دخلت بقى بعد ما اذنلي ابوخ دكتور فيكي يا جمهورية مصر العربيه

وفي ثانيه

البنات البنات ابوخ الكائنات

( سلمى وهبه والاء )

ايه لم الشامي على المغربي ؟

ربنا بس يرحمني من عنين الحاسدين انتم ايه دخلكوا اساسا

هبه معلقة : يا عيني يا بخت مين كان النقيب خاله

قلتلها خاله وعمه ومنه وعليه وكل قرايبه في بعض مالكيش دعوه

وراح البرد وراحت الادين المتلجه والرجلين المتكتكه

وبقى الجو جميل خلصت المحاضرات

وروحت بيتنا وغيرت هدومي ولسه ريحته مليه عليا المكان

ربنا يوفقك يا حبيبي يااااارب وتبقى احسن حد في الدنيا دي كلها

ده بيكلمني وكأنه يعرفني من زمان وبياخد وبيدي معايا في الكلام

صحيح في دكاتره كده زيه بس كلهم كبار في السن مش شباب

ولو ان الغالب دلوقتي ما بيدوش ريق حلو لحد خالص بس ليه كده

كل ما يشوفني يقولي رغايه يمكن مستغلسني ينهار مش فايت

مستغلسني = بيكرهني

تؤتؤ يا عبيطه بيكرهك ويمشي معاكي لحد السيشكن

يقنع مستر ابراهيم يدخلك المحاضره لاء مش منطقيه

ربنا يحفظك ويحميك من شر كل عين حاسده ما تصليش على النبي

ويصونك ويخليك لياااااااااا ياااااااااارب

بيني هقلب ماما واللا ايه

ناقص اجيب عروسة ورق وابره واعمل زي ماما كل يوم جمعه

وهي بتبخر بابا والبيت من عين فلان ابن فلانه من عين فلانه بنت فلان

امتي يجي بكره بقى نفسي اشوفه واملي عيني منه شويه

وفتحت عنيا بعد نوم عميق وكأني نايمه 10 ساعات كانت الساعه 3 ونص الفجر

قعدت اذاكر اذاكر اذاكر وجهزت الفطار بدري على اساس

اول ما بابا يخرج في ديله واوصل تجارة انجليش بدري والحق كليتي

وفعلا ظبط المخطط وكنت الساعه 7 وربع قدام كلية تجارة

ميييييييييييييييييييييين مش مصدقة عنيا عبير حبيبة قلبي يااااااااااه

وحياة ربنا كنت بفكر فيكي من كام اسبوع

وكنت عايزه ازورك انتي ولينا بتعملي ايه في تجارة انجليش

قالتلي انا مع سميرة بنت خالتي وطنشت النهرده شفتي الصدف

عبير : بتبوسني وبتحضني جامد

انا : اخبار البلاك فوريست معاكي ايه

عبير فطسانه على روحها من الضحك : يخرب عقلك يبت انتي لسه فكراه دي كانت ايام

انا : ها واتخطبتي بقى للبلاك فوريست

عبير : وحياتك ولا حد فينا اتخطبت للي حبيته

انا : ولا لينا ولا شروق

عبير : ولا لينا ولا شروق

واخبار طنطك سميحه ايه

عبير بتضحك : طنطي سميحه ما سافرت خلاص الخليج

هي واللا ولادها

انا : وبعد مرور وقت اكتشف ان ما فيش طنط سميحه من اساسه

وعبير ما اتخطبتش لرائد ولا عبير ولا شروق اتخطبوا لولاد طنطها سميحه

عبير : وانتي بقى اخبارك العاطفيه ايه حصل حاجه جد

واللا لسه بتحلمي كل يوم ب تامر حسني هههههههههه

انا : بضحك ههههههههه ده تامر ده حبيبي الاولاني والأخراني

بس لحد دلوقتي محصلش
نصيب في حاجه جد

بسأل سميرة بنت خالتها : تعرفي مستر مأمون الباشا ؟

سميرة : طبعا

قلتلها : هي محاضراته النهرده بدري واللا متاخر

قالتلي انهارده الخميس لاء النهرده عنده متأخر ويمكن ما يجيش من اساسه

قلتلها : يا خسارة بس اشمعنا يعني ما يجيش

سميره : مش عارفه بس هنعرف دلوقتي هيجي واللا لاء

عبير : وانتي كمان بتسألي عن مأمون دنا جيه مخصوص

مع البت دي علشان اشوفه من كتر ما بتقولي عنه وبتشعر

انا : كتمت الغيظ في قلبي اساسا وكويس اننا ما مسكتهاش رنيتها

علقة ال ال ال يبت اجري وانتي شبه الزرافه

اهو اهو اهو اهو اهو : سميرة بتصرخ ده جي بدري النهرده

ولقيت افواج من الطلبه رايحيين ناحيته وكتير منهم شباب وفي منهم بنات

مبروك يا مستر مبروك يا ايمو مبروك يا منمن وبيسلموا عليه

عبير : هما بيبركوله على ايه ؟

انا : وانا ايش عرفني والله ما اعرف

سميره : ايه يا استاذ مأمون ايه المناسبه السعيده اللي بيبركولك عليها

كل البنات في نفس واحد يبت مستر مأمون خطب

انا ما سمعتش الكلمة بصراحه

بقولهم : ايه وفي ثانيه ببص على ايده اليمين دي ما فيهاش خاتم ده خطب امتى اساسا

سميره : مبروك يا مستر خطيبتك معانا هنا

البنات :يابت دي بنت دوك ابراهيم والخطوبة النهرده

مستر مأمون : كلكوا معزومين يا شباب وبنات اوعوا حد

.............. يجي انا بقولكم اهو صفر في علامة اخر السنه

كلهم كانوا بيضحكوا ومبسوطين

انا :

علشان كده كان امبارح في السن ده لسه مبارح بيكلمني

وبكلمه واتوسطلي عند الدوك ابراهيم وهو جي يتجوز بنته وقدامي

انسحبت من الجمع بهدوء واتقلبت فرحتي زي دايما بغم

ايه اخرك يا دنيا معايا لازم كل يوم تسيبيلي جرح

طيب اشمعنا اللي بختارهم انا ما في بنات كتير بتختار ناس بتحبها وبيحبوهم

وانا راجعه كليتي ومغمومة وزعلانه ومضايقة

عربيه تمر من جمبي وحاطط اعذريني يوم زفافك

وعربيه تانيه : دعوة فرح

بينهم مستقصدني العالم دي النهرده ايه الصدف الغريبه دي

هي كل الناس النهرده اللي بيحبوهم هيتجوزوا

وفي عز غمي ضحكت وبهستيريا واخر الضحك طبعا

وكالعادة بكا يا ما اكتر المرات اللي بتبكي فيها يا غرام

الدنيا معكساكي دايما وبينك عمرك ما هتطولي اللي بتحلمي بيه

وانتهت قصتي القصيره مع مستر مأمون وحكاية حبي ليه بمنتهى السرعة

وكالعادة طبعا ما فيش حد بيشفي جرحك اللا نفسك ورجعت

وتهت بين المحاضرات والأبحاث وقصص البنات وحكاويهم

عملت كل حاجه تتخيلكم علشان انسى

ماما علمتني اخيط واشتغل تريكو

وبابا اداني سرعة في الأنجليش والعربي في الطباعه وعلمني حاجات اكتر في النت

واختي علمتني العب استغمايه كويس قوي

وانا علمت نفسي ازاكر اكتر واجتهد

وصديقاتي علموني ولحد دلوقتي ادور بجديه على شريك ليه

ما اعرفش ليه واشمعنا ولكن ابتديت احس اننا

ولحد دلوقتي وعمري19 سنة وما حبتش ولا اتحبتش بجد

وما فيش حد معين في حياتي

دخلت واتعرفت اكتر على عالم النت ودخلت واتعرفت على العالم

من خلاله مواقع لكل ما اتمنى اعرف ودخلت مواقع ترقيهيه وفنيه وادبيه

وابتدت فترة الأمتحانات تقرب و حمدت ربنا اننا ابتديت اشفى من حب مأمون

بدري قبل ما تتقلب عليا بغم وما اركزش في امتحاناتي

بس وبمنتهى الصراحه اللي ساعدني في كده حد دخل حياتي بطريقة غريبه

وعصريه دخلها عن طريق النت

الشخص ده اسمه محمد

حصل ايه مع محمد ده ؟؟؟؟

أحداث كتيره اوي حصلت

هتعرفوا في الحلقة الجايه ان شاء الله قصة ( بحبك يا غرام ) 710150

الحلقه السابعة عشر

بس وبمنتهى الصراحه اللي ساعدني في كده حد دخل حياتي بطريقة غريبه وعصريه

دخلها عن طريق النت

الشخص ده اسمه محمد وهوا من الشرقيه مش من مصر اقصد القاهره

قد ايه الحد ده رقيق ومهذب ورومانسي اول ما عرفته عرفته عن طريق

موقع للسينما العربيه مشهور جدا خدته من على اعلان فيلم

واول ما كنت ادخل الموقع تفتح صفحة محادثة ويكلمني وقلت لنفسي

ما هوا لا شيفني ولا شيفاه وبيني وبينه بلد تانيه

مش غلط اننا اتعرف بيه كصديق ونتكلم

وابتدينا نتكلم فعلا المره الأولى عشر دقايق

والتانيه ربع ساعه والتالته ساعه لغاية ما ابتدينا

نتعرف على بعض اكتر ونرتاح لبعض اكتر كأصدقاء من على النت

محمد بقى قالي انه عنده 25 سنه وانه متخرج من كلية تجارة

وبيشتغل في بنك استثماري واما سالته ازاي واحد في سنك

ويا دوب متخرج وبيشتغل في بنك قالي اصل انا عمي العقيد فلان الفلاني

وهوا صديق شخصي ومقرب لصاحب البنك ده علشان كده بيشتغل فيه

وانه فاتح لنفسه مشروع لصيانة اجهزة الكمبيوتر

وعنده كام جهاز كده جوه المحل ماسكهم صحبة يوسف ومشغلهم لصالحه محل سيبر

جميل جدا شاب مكافح وعقليه تجارية بحته

قالي كمان انه كان بيحب واحده ايام الجامعه جدا

وهي كمان كانت بتحبه ولكن لأنه كان لسه متخرج ما صبرتش عليه

لحد ما يعمل من نفسه حاجه وحبت حد غيره وشافها بعنيه

وهي معاه واتجوزته وانه هوا اللي عملها الفرح بتاعها

بأيده وزفها لعريسها من اربع سنين لأنها كانت جارتهم وكان يعرف اخوها

اللي عجبني فيه وبصراحه كمية الرومانسيه اللي اكتشفتها في صفاته

فأنا زي ماانتم عارفين وحيده وليا اخت بنت وماليش قوي اعرف ان الشباب

دول رومانسيين او لاء بس ديما كانت فكرتي عنهم من صحباتي البنات

كالتالي :

- يارب يموت لازم ينكد علينا في البيت كل يوم

- ما بيخلينيش اتفرج على المسلسل بتاعي وطول الوقت كورة كورة كورة

- اعملي كده وما تعمليش كده اغسليلي اليونيفورم

دلوقتي بتاع الشغل اكويلي البنطلون سخنيلي الأكل

- ديما بيتخانق مع بابا ورافعله ضغطه

يعني ببساطة عالم غلاباوي ونكدي وبس وبالنسبه للحب بقى ما اعرفش عنه

حتة الرومانسيه دي ابدا ما فيش بنت صحبتي تقولي مثلا

حبيبي كتبلي قصيده واللا اداني ورده لالالالالا ما فيش الكلام ده خالص

وفوجئت بعكس ده تماما مع محمد كان بيكتبلي حاجات كان بيكتبها

شعر وخواطر لحبيبته القديمة

كاتبلي اول ما عرفها قالها ايه

وبعد ما حبها قال فيها من الشعر ايه

ويوم برده ما خانته وغدرت بيه قالها ايه وكتبلي سطر سطر

وبعد اما قريت الخاطره دي لقيت دموع عيني المحبوسه

على كل اللي راحوا مني نزلت يااااه ده قد ايه حساس وحزين قد ايه مكسور

كان بيقولها ايه لحبيبته القديمة

كده بالظبط ...........

الى ملهمتي الضائعة

قراري الأخير ولا عودة فيه كل اللي كان ما بنا انسيه

وامشي في طريقك وانا في طريقي

ودوري على الحب الحقيقي

انا ممكن اكون كداب زيك

انا ممكن اكون غشاش زيك

انا ممكن اخلي العالم من كدبي ما يستغناش

بس راح اخسر روحي وعمري

وانا من امتى يا حبيبتي وانا ماليش قرار

معرفتك انتحــــــــار

وليلك ده نهار

يا غاوية تكوني دايما شيء ملفت للأنظار

ومن ده لده عايشة انتي حياتك كده

عاشقة الضياع

تاركة الامور بلا مبالاه

أحبك لا لا

أغفرلك لا لا

كثير حذرتك ...... كثير انذرتك

ولحسن حظي بعنيا شفتك وانتي معاه

بلاش الحاح ضميري ارتاح ودموعك دي دموع تمساح

زيك هوا تمام في طبعه

انسان ملوش طموح ومتعرفلوش طريق

وطبعا مستحيل اقارن روحي بيه

بلاش تحدي بلاش تعدي

في لسه كلمة اخيرة عندي

هوا لو بيحب قدي يكفي انه جه بعدي

معرفتك انتحــــــــــار

قرأت الكلمات دي وامتلأت عيني بالدموع من ورا شاشة الكمبيوتر

وانا بقرا قلبة اللي بينزف قال ايه وغدرها ليه خلاه يعمل ايه

وحبيت الأنسان ده اوي

حبيبته لصدقة ولأخلاقه ولأخلاصه ولعواطفه الجياشه

حبيته لثقته في نفسه وتحديه لكل اللي هزمه وعمل من نفسه

حاجه كبيره في عيون الناس وعيوني حبيته لأسباب اكبر من اننا احكيها

لأن لكل بنت احتياج معين من الحب والرومانسيه والأمان

حبيته وانا مقرره اننا بحبه حتى لو ما حبنيش وحتى لو عرفت في يوم

انه هيتجوز ويسيبني حبيته من غير هدف او غاية

حب بريء صاف نضيف

حبي ليه كان بيطلع على هيئة تصرفات بقيت اكلمه كتير

واخصصله وقت في يومي كبير واهزر معاه وافرفشه بقى حاجه كبيره في حياتي

وبعتلي مره الكاميرا وشفته وشفت ملامحه بعيني

وبقينا نتكلم اكتر من اكتر اي حد كلمته في حياتي

ووريته صوري من ايام ما كنت في سنة اولى ابتدائي

حبيته قبل ما اشوفه ما بالكم بعد ما شفته حسيت ان الحد ده في يوم من الأيام

هقعد انا وهوا على كنبه واحنا عواجيز بنتفرج على التليفزيون

ومعانا اولادنا واحفادنا كبار من حوالينا

واننا هكمل مع الشخص ده بقيت حياتي وعمري في امان وسعاده

كل ما اكلمه ويبعتلي الصوره ابصله قووي قووي

وفي نفسي اقله بحبك بحبك غصب عنك حتى لو ما حبتنيش بحبك

حب ما حبتوش لحد قبل كده

حب فيه بتمناك تشاركني عمري وحياتي ومستقبلي وكل ثانيه في عمري

الجميل في الموضوع انه وبعد فترة قصيره اعترفلي بحبه ليا

واننا مختلفه عن اي حد كلمه وقابله في حياته

وانه بيشفني في الميه قدامه لما بيقف على الشط اما بينزل اسكندريه

وانه بيتهيأله انه شفني وكلمني وكلمته واننا بالنسبه ليه الحلم اللي بيتمنى

انه يتحقق واننا لو فكرت اسيبه او اتخلى عنه في يوم من الأيام هيموت

لأنه بيحبني بجد ومش حمل صدمة تانيه في حياته

ابتديت اتعامل مع الحد ده بكل حذر واحاسب على كلامي

ليزعل مني واجي على نفسي واصالحه لو اختلفنا في

رأي او نقاش علشان ما احسسوش اننا بجرحه او اننا هسيبه في يوم من الأيام

واخيرا الدنيا بتضحكلي تاني وبعيش اجمل وارق قصة حب

عشتها البنات مع حد

اكبر ميزة فيه انه بيحبني جدا ورومانسي جدا جدا جدا

وعملت عملة برده سوده عارفه انها غلط ومصيبه بس من كتر حبي ليه

خدت نمرته منه وبقيت كل اول شهر اجيب كرت تيلي كارد من ابو عشره جنيه ده

واخليه معايا وكل ما اشتقله او اشتاق لصوته اكلمه اطمن عليه

الاقيه بيقولي ارق صوت بسمعه في حياتي

حب عمري الحقيقي مش بضحك ولا بيهنالي الضحك الا اما اسمعك بتكلميني

ومش بعرف انام ولا ادوق طعم النوم قبل ما تقوليلي تصبح على خير يا حبيبي

بحبك لاء مش بحبك

بعشقك يا غرام

ويوم ورا يوم وتعلقي به يتضاعف وحبي ليه يكبر

وانبهاري بيه يزيد اول حد احبه ويحبني ويحسسني بكياني

انسان نضيف شريف ما يعرفش معنى للزيف او الخداع

انت اجمل ما في حياتي يا محمد

واسعد وقت في عمري يوم ما اكلمك واسمع ضحكتك

وجات الامتحانات وقدمت احسن ما عندي

وانا واثقه اننا خرجه من التيرم ده بجيد جدا على الأقل

ابتدا يبقالي اسراري الخاصه وتليفوناتي وجلساتي على النت بعيد طبعا

عن شغل بابا وخلصت الأمتحانات وخلصت معاها روحي

سهر بالأيام ما انمش وارهاق ومحمد والبيت يعني

اسبوعين رخميين موت احلى حاجه فيهم محمد حبيب قلبي

واخيرااا جات اجازة نص السنة وجات الراحه معاها والحب والرومانسيه

النت تقريبا بقى من بعد ما بيرجع البنك

يروح ياكل وينام يصحى 7 من 7 لل 12 او واحده بالليل كلام

بنتكلم مع بعض في كل ما ممكن تتخيلوه اننا بنتكلم كوره وسياسه وادب وشعر

ونقد و و و و حب كمان كان بيسمعني من قصائد الغزل والحب كتييييييييييير

واما بنتخانق بيبقى يوم اسود عليا ومش بيرضى يرد عليا على الموبايل

وببقى هتفرس واموت من الغيظ هوا بيتعامل معايا كده ليه

اما يرد بقى وانا في قمة قلقي اعيط واللا اقله ما بتردش عليا ليه

وكلي زعل وغضب وصلت لمرحله من الحب اهون عليا اننا اموت

ولا الشخص ده يبعد عني او يزعل مني لثانيه

وحصل مرة واتخنقنا على موضوع معين

وكان في نفس الاجازه دي وارن ارن ارن ع الموبايل ما يردش

وبعد ما كان بيديني رنه ما بقاش يديني حاجه غير متاح مؤقتا

او قد يكون مغلقا اتجنن ويركبني ميت عفريت وافضل اجرب لغاية

ما اموت من التعب وازهق لحد تاني يوم

ارنله الاقيه مغلق الضهر الاقيه مغلق لحد بالليل

انا : الو

محمد : ايوه حبيبي

انا : حبيبك منين بقى قافل موبايلك ليه

ما فيهوش شحن يا قلبي وكنت في اسكندريه مع يوسف

ويا دوب لسه راجع حالا التليفون والله لسه على الشاحن

انا : تعرف حاجه اننا كنت هموت النهرده بسببك وحياة ربنا

محمد : لا يا غرام عمري فداكي ما تقوليش كده والله ازعل منك

انا : طيب بس انت برده ما تبقاش ما تردش عليا

صحيح انت ما كنتش بترد عليا ليه ؟

محمد : عامله سايلنت علشان بسوق وقفل لوحده

انا : طيب

تاني يوم بقى بعد ما رجع من البنك لقيته اون لين

ياخببببببر انت مش في البيت ليه : انا

محمد : عايزك في موضوع خطير

انا : ايه

محمد : عايزك تخديلي معاد من بابا

انا : معاد

لمين

( بستعبط فيها )

محمد : هههههههههههه لخويا يعني ليا طبعا

انا : اشمعنا

محمد : عايز اجي اطلب منه اغلى جوهره في الدنيا دي ليا

انا : مكسوفه بقى والكلام طار وما بقتش عارفه اكتب ولا كلمة

قلتله : انت تكلمه يخويا ماليش دعوه واللا اقولك نأجلها شويه خليها في اجازة أخر السنه

اكون وضبت نفسي اكتر ومش شاغلني حاجه الاجازه قربت تخلص

وكانت اتفقنا اننا نأجل الموضوع ده شويه لغايه آخر السنه دي

ومرت الايام ورا الايام

وابتديت اغير عليه بجد ولأول مره في حياتي احس بمعنى وطعم الغيره

وتدخل قلبي وكانت امتى

اما بعتلي ميل على ايميلي وكان بعته لكذا حد وشفت اسم بنت في المجموعه

واتصلت بيه ساعتها وحاولت اننا ما ابينلوش غيرتي دي بس

سألته بالمتغطي عن ساندي دي قالي انها زميلته في البنك مش اكتر

وانه فاقسني وبلاش موضوع الغيره ده والنبي

ضحكت بقوله ابدا ده مجرد سؤال والله مش اكتر

( كدابة )

واكتشفت ان الشخص ده وبكل ما فيه من رومانسيه وحب يملى بلد وحنان

واهتمام واحتواء للي قدامه خفيف دم وعسل وابن نكته

ياخبببببر ده ما فيهوش ولا عيب

ده اللي ربنا كاتبهولك حد على قد طيبتك ونيتك الصافيه

هنكمل بقى اللي حصل مع غرام ومحمد

هتعرفوا في الحلقة الجايه ان شاء الله قصة ( بحبك يا غرام ) 710150

الحلقه الثامنة عشر
قصة ( بحبك يا غرام ) 139773274

كان يصبحني كل يوم بكلام جميل ويمسيني بكلام ساحر يخطف القلوب والعقول بعد كده ابتدت الحاجات دي تقل ودخوله النت بقى كل فين

وفين واما اكلمه في التليفون ما يردش ويرد بقى آخر الليل

او ما يردش على حسب وابتدى القلق يدخل حياتي من بعد ايام جميله مليانه

عواطف بريئه وصافيه

واكلمه واطلب منه يدخل النت

يقولي هحاول بس ما اوعدكيش ورايا حاجات كتير لازم اعملها

واليوم بقى اتنين والاتنين بقم خمسه بقى يدخل كل اسبوع عشر ايام

وقلبي يتحرق من الغيظ والزعل منه

وفي يوم دخل اون لين واما لمحت اسمه بس كلمته

ينفع كده اسبوعين ما اشفكش ليه كده في ايه انا بجد ابتديت اقلق عليك

يقولي يا حبيبتي معلش في مشكلة كده وان شاء الله هتعدي على خير

انا : في ايه يا حبيبي ما تقلقنيش عليك

هوا : والله ما تقلقي هوا خير بأذن الله

محمد هوا انت مش عايز تقولي واللا ايه ؟ في ايه والنبي ما تقلقنيش

قالي ابدا : هوا مشاكل كده في البنك وهتعدي

قلتله : اه يعني في الشغل طيب طمنت قلبي خوفتني يا محمد

كل شغل في متاعب ومصاعب

روق كده وان شاء الله المشاكل هتتحل

وخرج

من كتر حبي الشديد ليه بقت كل مشاكله تضايقني واتمنى لو اكون جنبه

واحلهاله واطلب من ربنا يقف معاه ويساعده لانه طيب وحنون وراجل بجد

بعد ما مشي كلمته في التليفون

صوتك مخنوق قوي للدرجه دي انت مضايق من المشكله اللي في الشغل

للدرجه دي وصوت مكينات وهيصه وصوت عالي جدا جنبه

معلش يا حبي اصلي واقف مع واحد صحبي في مصنع

ومش عارف اسمعك كلميني كمان ساعة

قفلت

الجميل في الموضوع ان بعد ما كلمته المره دي وضع محمد النفسي اتعدل

وابتدى يدخل تاني واداني نمرة البيت علشان ما يكلفنيش مكلمات كتير

وقلتله طيب لو ردت عليا طنط او اي حد عادي

قالي يا قلبي بيتنا كله يعرفك وبيحبك جدا بس من مجرد كلامي انا عنك

فرحت وطرت من الفرحه ده مكلم اخوه ومامته عني واخته الكبيره يعني امااااان

قلتله خلاص هبقى اكلمك بس انت الاول عرفني كده بمامتك

وخليني اكلمها مره معاك وانا هبقى اكلمك عادي بعد كده

وبالفعل كلمتها واتعرفت بيا وكنت في عز فرحتي

وهنايا كانت طيبه جدااااااااااا وحنونه وبتحبيني بجد

وحسيت بامان فظيع وراحت بال خلت حياتي جنة

وابتديت اكلمه في البيت عادي ولو مش موجود اقول لطنط اننا هكلمه بعدين

واكلمها واطمن على صحتها ولو عرفت انها تعبانه اتصل اطمن عليها

واكلمها واما اتأخر مره وما تكلمش تزعل مني وتقولي لاء لازم تكلميني كل يوم

ده انتي حبيبتي وانتي وانتي

لحد يوم كلمت محمد فيه وكان في قمة ضيقه وزعله

مالك يا محمد !!!

محمد : ما فيش

انا : هوا ايه اللي ما فيش هوا انا مش عرفاك ده انا بقيت حفظاك خلاص

محمد : انا تعبان يا غرام ومحتاجلك اكتر من اي وقت تاني انا بضيع وبقع

انا : في ايه يا حبيبي والنبي في ايه واسمع كلامه ده

وكل صوتي يتخنق وابتدي عايزه اعيط عايزه موش بعرف ...

محمد : شفتي بقى خلاص ما فيش حاجه والله

انا : يا محمد قول انا ما اطيقش اشوفك مضايق او مخنوق في ايه

محمد : ياغرام انا ما بحكلكيش عشان عارف انك حساسه

وهتضايقي علشاني

انا : محمد قولي مالك انا مخنوقه علشانك جدا

ومش عارفه اعمل ايه اساعدك بيه

محمد : البنك

انا : ماله ؟؟؟؟؟

محمد : هينقلوه فرع تاني بعيد عن مكان اقامتي ده

وهيقفلوا الفرع هنا والكاست طبعا كله هيتغير هيبقى من اهل البلد اللي هناك

طيب

محمد : بس كده

انت علشان كده مخنوق

محمد : طبعـــا انا كده مستقبلي راح يا غرام

البنك كان شغلي الثابت وفي تأمين صحي وضمان اجتماعي

يعني مستقبل لينا ولأولدنا بعد كده دلوقتي كله راح

انا : طيب كلم عمك

محمد : رئيس مجلس الأدارة نفسه اتغير يعني ما حدش ينفع يعملي حاجه دلوقتي

انا : طيب يا حبيبي استهدي بالله اللي لقالك الشغل ده

يلاقيلك غيره وانت معاك اكسبيرينس كويسه

وطبيعة شغلك دي في المحاسبه مطلوبه وانت كمان معاك لغة وكمبيوتر

انت متشائم كده ليه بس !

محمد : انا دماغي هتتفرتك يا غرام بجد

انا : لا والنبي وبعدين انت ليك مشروعك الخاص بيك والسايبر

يعني حتى لو مجاش حاجه دلوقتي خد اجازة ريح نفسك شويه

لحد ما يجي شغل احسن منه

محمد : يااااااااه قد ايه بحبك يا غرام وقد ايه نفسي اشوفك دلوقتي حالا

واخطفك عندي ما ترجعيش بيتكم ده تاني نهائي

انا : ضحكت ربنا معاك ويوفقك ويحميك يا رب

محمد : صحييييييييييح ما عرفتيش

انا : ها ايه ؟

محمد : مش سارة كلمتني امبارح

انا : سارة مين ؟؟؟؟

محمد : البت اللي كنت كلمتك عنها زمان اللي كنت بحبها ايام الجامعه

انا : وكتمه غيظي جوه قلبي : ايوه ايوه افتكرتها هي مالها

محمد : عايزة تطلق

انا : وانت مالك يعني ؟؟!!

محمد : انا عارف وعايزاني انسى الماضي

ونرجع لبعض وانها لسه بتحبني و و و

انا : ياخبر اسود وهي على ذمة راجل بتقولك كده!!

محمد : اه والله وانها عايزه تتطلق وهتبقى حره

ونرجع لبعض بقى وانا بحبك والكلام ده كله

انا : عملت ايه يا محمد

محمد : بعد ما خلصت كل كلامها سألتها خلصتي كلام

قالتلي اه قفلت التليفون في وشها

انا : والله لو عملت غير كده لكنت زعلت منك

انت ما تكلمهاش اساسا تاني دي انسانه مش كويسه

محمد : انا نسيتها ونسيت غدرها من يوم ما عرفتك يا روح محمد

انا : والنبي يا محمد مهما كانت الحاجه اللي مضايقاك قولي

وما تخبيش عليا وانت علشان كويس ربنا مش هيخذلك ابدا

انت لو تعرف انا بتضايق قد ايه اما بشوفك متضايق

او زعلان والله مفيش حاجه تستاهل لحظه زعل منك

محمد : حاضر اوامر تانيه

انا : تمام يا افندم

والله ما اوامر انا عايزه ابقى معاك في كل حالاتك وما تبعدنيش عنك ابدا

ويوم ورا التاني وحالة محمد النفسيه تسوء بسبب الموضوع ده

وقفلوا البنك فعلا ومحمد زادت عصبيته وبقى ما يكلمنيش ابدا

الا ما نادر ومش يدخل نت الا ما نادر لو وحشته بس

وعشت مدة كلها قلق وحزن انا عارفه ربنا ما بيكملهاش معايا ابدا

استغفر الله العظيم من كل ذنب عظيم يا رب اغفري واستجب دعائي

انه يقوم من محنته دي ويرجع اقوى من كده الف مرة

وبعد فترة تانيه برده كنت وصلت لمرحله من حرقة الدم

والمعاناة الكتير وكانت ابتدت المذاكره وما بقتش اركز

ولا اروح ساعات كتير بسببه وفضلت ارنله على الموبايل على الموبايل

ياربي مش بيرد طيب اعمل ايه

كلمت طنط في التليفون سلمت عليها واطمنت على رجليها

وصحتها قالتلي كويسه وانتي فين يا حبيبتي وما بتتصليش ليه والكلام ده كله

قلتلها يا طنط وضع محمد قالقني جدا هوا موضوع البنك ده مأثر عليه جامد مش كده

قالتلي لا ياحبيبتي انسي انتي موضوع البنك ده خالص

استغربت الكلمة وكأن والدته اساسا مش هممها ولا زعلانه بالعكس

بتسلم عليا وبترحب بيا بطريقة جميله وبتقولي انسي

قلتلها هو محمد فين ؟

قالتلي ده نازل تطريز مع عمرو

ما فهمتش يعني ايه ؟

قلتلها يعني هيتأخر واللا ايه قالتلي لاء 12 كده هيجوا

اتكسفت اسألها بصراحه يعني ايه نازل تطريز دي

ومشيتها وكل ذرة في تفكيري مشغوله بس فيه هوا

وبس مش مهم مسميات يمكن نازلين حته اسمها تطريز

هوا واخوه او كده والساعه 12 ونص اتكلمت على البيت

رد عليا محمد

ازيك يا قلبي

محمد : كويس انتي عامله ايه

ما بتردش عليا ليه

ما بسمعوش يا روحي والله

ابقى علي النغمه شويه علشان تحس بيه لو ما سمعتوش

قالي تعبان يا غرام هتعشى واروح انام

انا : طيب يا حبيبي يارب بص هكلمك بكرة اوك

اوعى ما تردش عليا قالي طيب حاضر

وجه بكره وكلمته العصر بعد الكلية وكان يوم حد

انا : محمد انت متغير جدا في ايه يا محمد

انا محتاجه اكلمك واعرف مالك ممكن لو سمحت تنزل السايبر دلوقتي

عايزه اكلمك براحتي والكرت هيخلص دلوقتي

قالي يمكن بالليل دلوقتي مشغول والله

مشغول بأيه طيب

محمد : معايا جهاز بعمله صيانه وتاعبني

طيب يعني ايه نخليها ل 8 كويس انت عارف

اننا متأخر قوي ما بقدرش اقعد على الجهاز علشان بابا

محمد : حاضر هحاول

وفعلا دخل اون لين

حبيبي ماله زعلان وتعبان وحيران والنبي كل ده علشان موضوع البنك

محمد انا بتقطع من سكوتك ده اتكلم قول اي حاجه فهمني متغير كده ليه

محمد : حجزوا على الأجهزه اللي في المحل

انا : يالهووووووووووي

محمد : وانا مش عامل ملف ضريبي ومش مرخص المحل اساسا

وحد فقعني زمبه وقارر عليه وجم حجزوا على الاجهزة وشمعوا المحل

وبفتح المحل بالخفى كل فتره اطلع قرشين مصاريفي

انا : ياخبر

محمد : اهدي يا غرام خير ان شاء الله يا حبيبتي

هنشوف هيقدروا عليا بكام وهحاول ادفع ان شاء الله عليا جلسه يوم كذا كذا

انا : وانا ميته من العياط يا حبيبي معلش ده ابتلاء من ربنا يا محمد

ربنا بسد بيحطك في اختبارات وابتلاءات

والنبي ما تزعل نفسك صلي واقرا قرآن

واطلب من رب العالمين يفك كربتك دي على خير

بعد الصعقه دي قفلت التليفون وساعه وانا اعيط يارب استر يارب

يارب تساعده يارب وهدي باله وطمن قلبه

للدرجة دي انا وشي وحش عليه للدرجه دي معرفته بيا

وش شؤوم عليه ده احنا لسه ما اتجوزناش وحصل كده

اومال لو اتجوزنا هيحصل ايه يارب معقول كل ده بسببي انا

وبسبب معرفته بيا ده كان عايش في سلام قبلي ومرتاح ومطمن البال بدوني

وعلشان كان قلقان عليا دخل اون لين بعد ما كلمته بساعتين

واطمن عليه وكلمني وفضل يهدي فيا وانا قعدت اقوله انا وشي وحش عليك

واعيط يقولي يا عبيطه ده قدر من رب العباد

بيكي او من غيرك كان هيصيبني وانت بس بلاش تفكري بالطريقه دي

وخير ان شاء الله وانا حاسس انهم مش هيغرموني كتير وهفتح المحل تاني

محمد : انا خارج بقى

انا : بسرعه كده مالحقتش اشبع منك وحشني جدا يا محمد

محمد : حبيبي وانتي والله بس انتي عارفه الظروف

وهبقى ادخل من وقت للتاني حاضر

صحيح قبل ما انسى

انا هبيع الموبايل بتاعي لانه باظ وكده لو عزتي تكلميني

كلميني على النمره دي وكتبهالي

قلتله دي بتاعت مين يا محمد

دي بتاعت يوسف صاحبي خليها معاكي ولو نمرتي ما رنتش معاكي

يبقى بعته وكلميني هنا يوسف دايما معايا فين ما بروح ده زي اخويا بالظبط

احداث كتيره ومشوقه حصلت لغرام

يلا اشوفكوا الحلقه الجايه قصة ( بحبك يا غرام ) 710150

الحلقه التاسعة عشر
قصة ( بحبك يا غرام ) 604003655

وعشت فترة خوف حقيقية على مستقبل حبيب عمري الحقيقي

واللي كان بالنسبه ليا كل شيء

ضحكته جنة ودمعته نار بتحرق فيا وغاب عني محمد بالأيام

وانا مستنياه يوم ما يدخل اون لاين واكلمه وفلوس مصروفي بتخلص من نص الشهر

يعني نص شهر اعرف اكلمه ونص الشهر الباقي اعيش في لهفه وشوق

ولا هوا على باله مشغول في كل المشاكل اللي بتواجهه

ولو لقيت مع حد من صحباتي كريديت ابعتله مسج على موبايل يوسف

انك لو قدرت تكلمني حالا ع النمره دي كلمني وحشني

ومحتاجه اكلمك واعرف اخبارك ودايما ما كانش بيكلمني واما يبقى معايا فلوس اتكلم على نمرة يوسف

ويوسف زي كل مرة يهديني ويقولي انه مش موجود

وكلميه كمان شويه وهو كويس وما تخافيش عليه

واننا جنبه ومعاه اهدي انتي وبلاش عصبيه ونرفزه

ووالله ما تقلقي هوا احسن وانا احلفه بربنا ودموعي مليا وشي انه ما يتخلى عنه

ويسيبه ويقف جنبه وهوا يقولي يابت ده اخويا مش صحبي بس استهدي بالله و و و و

وكان بمجرد اشوفه قدامي في يوم اون لاين تتغفرله اي تطنيشه طنشهالي

او اي زعل زعلته منه في فترة غيابه وفضلت متمسكه بيه

ولا زلت متمسكه بيه برغم كل ظروفه اللي مر وبيمر فيها

وابتدى كلمنا كله يتمحور حوالين مشاكل وخناقات ويأس

وانا على صبر وتفاؤل وما تزعلش وما تضايقش نفسك

انت احسن من اي حد تاني وربنا مش هيخذلك

اصبر بس وارمي حمولك على ربنا

وابتدت اللهجة بتاعت محمد تتغير وابتدى الكلام انه فاشل

وانه ما يستهلنيش وان انا ملاك طاهر بريء

وعايزه حد ناجح ارتبط بيه مش حد فقد كل شيء

واما سألته عن السبب في الكلام ده

قالي ان المحكمه حكمت عليه غرامه 17 الف جنيه تهرب ضريبي

ومش عارفه ايه تاني وحجزت كمان على كل الأجهزة اللي عنده في المحل

ويقولي اما شافوني بسترزق وبكسب كويس ضربوني في مقتل

يا غرام طعنوني في ضهري وانا مش مدي خوانه

يا غرام انا منهار انا فاشل انا تعيس

وفي عز ما كنت محتاج لحد يقف جنبي معنويا

ويساندني كلهم اتخلوا عني حتى يوسف صديق عمري

اتخلى عني اوعي يا غرام تكلميني تاني هناك اوعي

انا وكلي استغراب : يوسسسسف !! كمان اتخلى عنك يا حبيبي لاء

ده وعدني انه هيقف جنبك ومش هيتخلى عنك ابدا انت بتتعذب كتير كتير جدا

محمد : يوسف ده يا غرام انا عارفه على ايه

كويس قوي وعارف بيفكر ازاي وبأنهي طريقه

اوعي يا غرام تكلميني هناك تاني اوعي

ومر يوم واتنين ومحمد حد تاني مش هوا محمد اللي عرفته من كذا شهر

وكان عاملي حياتي جنة وكان عنده من القوة والشجاعة يهد جبال

ويعدي بحور علشاني هوا ده محمد انسان يائس ومكسور

ودخولي في حياته عملت من حياته جحيم ونار

انا وش نحس انا انسانه منحوسه وبنحس كل اللي حواليه

يارب موتني وريحني من عيشتي دي يارب عملت ايه

ذنب في حياتي يحصلي ده كله ووصلني الياس بالعدوى

واتخليت عن غرام المتفائله المؤمنة بقضاء ربها

وبقيت حد ناقم ويائس حد سلبي عقله واقف مش قادر يتحرك ولا يفكر

اروح من الكليه وارجع من الكليه كل يوم مفيش غير الروتين مش اكتر

بقيت حاجه فاشله امتحاناتي ما بحلهاش ومذاكرتي مش بذاكرها

املي في اني ابقى حاجه يفخر بيها الكل طار

وبقيت حبيسة دموعي وأهاتي وحلمي اللي بيضيع من بين ايديا

وكلمت محمد :لاء مش ده محمد ده بيتكلم بصوت مش متوازن

وبيضحك بصوت عالي وبيصرخ في نص الشارع

انا : مالك يا محمد ؟ في ايه ؟ انت صوتك عامل كده ليه

محمد : مالي هههههههههههه ما ضاع مالي خلاص

كله بحححححححححح وبعدين مالي منا زي الفل اهو

انا : قفلت التليفون وقعدت اعيط واصرخ لاااااااااااااااء

والله حرام ده حرام والله حرام

وبعد نص الليل كلمته تاني

وكان قراره الاخير واللي لا عودة فيه المرة دي انه هيسيبني

وقلبه بينزف وده كله علشان خاطري وعلشان خاطر حبه ليا

ما يتوهش في زحمة الفشل والضياع والندم

ورديت بمنتهى السذاجة لاء اوعى تسيبني انت لو تبعد عني اموت

انا بحبك ايوه بحبك بحب كل حاجه فيك

بحبك وانت غني وانت فقير وانت قادر وانت مش قادر

وانت بتشتغل وانت لاء ايه فايدتي اما اكون جنبك وانت ناجح

واسيبك اول ما تمر بيك ازمة اوعى يا محمد

محمد : خلاص يا غرام شوفي حياتك وعيشي الحلم اللي ما قدرتش اعيشهولك

وقفل السكة

وخلصت المكالمة وخلص معاها كل امل ليا في انه يرجعلي

ولو اننا متاكده من حبه ليا وعارفه ان لو وضعه اتحسن

هيرجعلي وفضلت لتاني يوم صاحيه ودموعي مليا وشي

وحياتي كلها ضاعت وحبي للشخص ده انتهى

وهوا اللي نهاه انا مش عايزه انهيه ولو اني حاسه ان في كتير حاجات مش فهماها

وكأني بلف في ساقيه او في دايره مفرغه حاجات كتير مش فهماها

ونقاط كتير نفسي افهمها وكنت كل ما اسأله عليها يتهرب

او يلاقي حجه يغير بيها الموضوع

ونزلت كليتي وانا صورته قصاد عيني في كل مكان

وضحكته رنه في وداني ومش شايفه ملامح غير ملامحه

وقطعت الشارع في عز الزحمة وانا مش شايفه قدامي

وفجأة

اووووووووووووووووووووووء

( صوت البريك بتاع العربيه )

وما حستش بنفسي الا وانا في المستشفى وبفتح عيني واغمضها

وشيفاا مجرد فلاشات ومواقف في عيني واصوات في وداني

ما تكلميهوش اوعي تكلميه ياغرام

ده يوسف انا عارفه كويس على ايه يا غرام

انتي تستاهليش حد زيي يا غرام

انتي ملاك طاهر بريء يا غرام

ده نازل تطريز مع اخوه عمرو

وفتحت عيني وببص حواليا ايدي مربوطة واسلاك طالعه من بقى وفي ايدي

يا مامااااااا يا بابااا حد يرد عليا والنبي

وجات الممرضه قالتلي ها بقيتي كويسه ؟

ايه الدلع ده كله قومي يلله صحصحي اجيبلك تاكلي

انا : ماما فين

الممرضه : اهدي يا حبيبتي اهم بره هندهوملك والله

انا : انا عايزه اروح بقى وبقوم من السرير

الممرضه : استني بس انا هندهوملك

انا : يا مامااااااااا

ماما ونورا وبابا ومحمد ابن عمتي دخلوا

ماما : يا قلبي يا نور عيني يا حته مني وبتحضني

وبتبوسني ووشها مليان بالدموع وبترتعش وفي قلق كبير عليا

بابا كمان بيعيط : وبيبوسني واخدني في حضنه ونورا كمان

محمد من بعيد ومتأثر ولا كلمة خارجه من بقه

انا كويسه والله انا عايزه اروح بقى اوووف مش عايزه اقعد في المكان ده

محمد خرج هوا وبابا علشان يشوفوا الدكتور

ماما : حاسه بحاجه ؟ في حاجه بتوجعك ؟

وبتمسك في ايدي ورجلي ووشي

انا : لاء بس حاسه بصداع من ريحة البينج دي

وايدي وجعاني قوي يلا يا ماما والنبي نروح

انا عايزه اروح بقى نادي حد يشيل الحاجات دي من ايدي ايدي وجعتني

وجه الدكتور وشافني وشاف ايدي وقال ما فيش داعي تبات

طالما عايزه تروح تروح وروحت بيتنا

وكلهم معايا طبعا جوه اوضتي دلال ايه ودلع ايه ومشيوا وسابوني ارتاح

للدرجه دي انا ناسيه كل الحب ده من اهلي ليا

وانا ما كنتش مهتمه بمشاعرهم ومهملاهم

انا من هنا ورايح هحطهم جوه عنيا اصل بعد ما راح مني حبي

ما بقاليش غيرهم ارمي حملي عليهم ويساعدوني ويقوموني من تاني

وفي عز تفكيري وكل الفلاشات والأصوات اللي وانا في المستشفى

مروداني قررت قراااااااااار خطير وهوا اننا لازم افهم

وبأي تمن مش انا اللي ارضى بوضع انفرض عليا كده لمجرد الفرض

لازم افهم واحلل والاقي سبب علشان ارتاح واكمل حياتي
.
.
عملتي ايه يا غرام علشان تفهمي ؟؟؟
واتصرفتي ازاي ؟؟

هتعرفووووووووووووا الحلقه الجايه قصة ( بحبك يا غرام ) 710150

ان شاء الله

الحلقه العشرين

فكرت كتير في كل كلام محمد ومعاناته وتخلي الناس عنه لكن للدرجه دي
بكل منتهى السهوله تتخلى عني وانا عايزاك وانت عارف اني ممكن اعمل اي حاجه علشان ما اجرحكش ولا اسيبك
ده انت اللي قولتلي ما تبعديش عني ولو بعدتي عني هموت مش حمل صدمة تانيه في حياتي
وانت اللي قلتلي مش برتاح الا وانا بكلمك ومش بيهنالي ضحك الا بضحكتك ولا نوم الا بصوتك
للدرجه دي هنت عليك ؟ هانت عليك احلامنا سوا ؟ هان عليك كلمة بحبك طب ليه ؟
وفضلت مجموعة رهيبه من التساؤلات تدور في دماغي مش قد اننا احلها لوحدي
لأني ما فيش اي حاجات في ايدي ماديه اجاوب بيها ملموسه انا مش جنبه
وكل حصيلتي الفكريه عنه مجرد كلام كان بيقلهولي عنه والحاجه الوحيده
والماديه والملموسه اللي بجد اعرفها عنه يوسف
بس هوا كتير حذرني اننا ما اكلموش تاني وقالي انه وصولي
وانه انسان مش محترم وكل ده اكتشفه عنه في محنته
بس عقلي رافض كل ده يوسف يوم ما كلمته كان حنون جدا وبيهديني كل مره
وبيقولي انه جنبه ومعاه وما اقلقش وانهم اخوه مش مجرد صحاب وان الموضوع مش مستاهل قلقي ولهفتي
ايه التناقض ده كله ازاي يوسف كل ده بالنسبه لمحمد
وبالمقابل محمد بينكر وبختلق اسباب تشوه صورة يوسف في عيني
الوحيد اللي في ايده اسرار اللغز ده هوا يوسف
طب يا رب ينفع اكلمه

( بكلم نفسي و باخد و بدي معاها )
خلاص ياغرام كل اللي بينك وبين محمد هوا اللي نهاه
ومن حقك تعرفي اسرار كتير والغاز كتير مخفيه عنك
بس محمد لو رجعلي واكتشف اننا كلمته هيزعل مني جدا
انا هكلمه وامري لله بس كمان يومين تلاته اكون خدت من بابا سلفه تحت المصروف

بابا : معلش يا بابا كنت محتاجه عشره جنيه سلفه لأول الشهر محتجالهم قوي

بابا : يا سلام عشره جنيه حته واحد طب ليه ؟

انا : يعني نفسي اخرج انا والبنات كده نتمشى وكده شربنا حاجه كلنا حاجه يبقى معايا فلوس

طيب يا ستي اهم ومش سلفه كمان وباسني في جبيني بوسه ابويه حنونه

وخدت العشره جنيه وزودت عليهم من معايا واشتريت الكارت علشان اعرف اكلمه من البيت بكره ان شاء الله

وجه بكره ومن صباحيه ربنا وبعد ما كلهم نزلوا

انا : الو

يوسف : الو

انا : صباح الخير

يوسف : صباح النور مين

انا : اسفه ازعجتك انت نايم

يوسف : لالالا مين غرام مش كده ازيك ؟

انا : كويسه

يوسف ممكن عايزه اكلمك ينفع

يوسف : أأمريني

انا : اولا انا بعتذر اننا كلمتك كده بدري بس بجد محتاجه اكلمك ينفع النهرده

قالي اوك

قلله انا هكون اون لين وهستناك اي وقت تدخل

قالي اوك انا على 12 كده هروح السايبر ونتكلم

انا : ماشي والنبي يا يوسف تعالى وما تعملش اي حجة وما تيجيش انا بجد محتجالك

يوسف : غرام في ايه ؟

انا : ولا حاجه اما نتكلم النهرده هتعرف كل حاجه

وجه يوسف الضهر وبعد السلامات والترحيبات

قلتله يوسف انا عيزاك تحلف وتقسم بالله ان كل كلام هنقوله دلوقتي

هيكون بمنتهى الصراحه ومش هتكدب عليا بولا كلمة

يوسف : غرام انتي عارفه اننا عمري ما كدبت عليكي وعمرك ما سالتيني عن حاجه وخذلتك

انا : يوسف موضوع البنك اللي اتقفل والمشروع اللي باظ ده اثروا قد ايه على محمد ؟

يوسف : بنك ايه ؟ ومشروع ايه ؟

انا : البنك اللي كان بيشتغل فيه محمد

يوسف : غرام انا اللي بشتغل في البنك العربي في فرعه هنا

يا يوسف لاء البنك اللي فرعه اتقفل من فتره ومحمد ساب في الشغل

يوسف : ما فيش بنك اتقفل ولا راح حته تانيه

انا : يوسف انت بتكدب عليا ليه يوسف انا بجد بنهار البنك اللي كان بيشتغل فيه محمد قبل ما يقفلوا فرعه عندكم

يوسف : وحياة ربنا ما في حاجه من اللي بتقولي عليها دي حصلت

بقوله طيب ومشروع صيانة الأجهزة والسايبر ؟

قالي ده بتاعي انا فتحت مشروع من كام اسبوع لصيانة اجهزة الكمبيوتر وجزء من المحل سايبر

يوسف انت بتقول ايه يا يوسف ؟

يوسف انت بتكدب عليا مش كده ؟ يوسف انت بتغير من محمد علشان كان عايش اجمل قصة حب معايا مش كده ؟

انت ندل وكل كلام محمد عنك صح ومنهاره وبعيط وبشتمه وبقوله انت بتكدب انت كداب

يوسف : غرام اهدي انا هقولك اللي حصل ووحياة امي انا ما ليا يد فيه

ويوم ما عرفت الحقيقه قلتله ان انتي ما تستاهليش منه كل ده وان انتي لو اتكلمتي هقولك على كل ده

وشدينا مع بعض وضربنا بعض بس انا ما بكدبش وحياة امي اللي بتمنا من ربنا يحفظهالي ما بكدب عليكي

وهفهمك على كل اللي حصل وعرفت ازاي

انا : انا سمعاك

يوسف : اول حاجه محمد عمره 21 سنة ومخلص دبلوم صنايع وبيشتغل في مصنع تطريز جلابيات حريمي

مع اخوه عمرو والدته شقيانه عليهم طول عمرها وهي اللي بنتلهم لكل واحد فيهم بيت فوق بيتها

وبتحوشلهم وبتعملهم جمعيات علشان تعفش البيوت

انا : مصعوقه ومش مصدقه ولا كلمه ودموعي مليه وشي وصدمتي اكبر منن اننا انطق غير كلمة ايوه كمل

يوسف : اول معرفتك بمحمد محمد كان في غرضه يتعرف على بنت زي اي بنت مش اكتر

واما حكالك عن قصه حبه الوهميه كان اسلوب يدخلك منه يحنن قلبك

ويعرض عليكي حبه ويتسلى واهو كله نت وبس

انا : يعني ما فيش سارة ؟ ولا كان بيحبها ؟ ولا اتجوزت ؟ ولا الكلام ده ؟

يوسف : بالظبط

انا : كمل وانا بأبكي وكأني في كابوس وكأن كل حاجه في الكابوس ده طعنه وغدر وموت

يوسف : المشكله ان اما محمد شافك بالأسلوب ده وبرومانسيتك دي اتعلق بيكي جدا

لدرجة انه بقى يقولي البت دي لو ما كلمتهاش اتعكنن

صوتها بيخليني اتوه ورومنسيتها اللي ما بقتش موجوده دي خلتني اتعلق بيها

انا : اممممم (وبدون اي تعليق ) كمل

يوسف : المشكله ان محمد اعترفلي انه كل كلام قلهولك كان كدب

وانه كان بيقولك كل المعلومات المختصه بيا واما عرفت اتنرفزت وضربته وهددته

اننا هقولك اما تتكلمي وان انتي ما تستحقيش منه كده

انا : ايوه

يوسف : بس

انا : يعني الكلام اللي كان بيكتبهولي كلامك وبتاعك

يوسف : معرفش

انا : انت عارف المشكله فين ؟

مش في انه قدي او اكبر مني بحاجه بسيطه لاء

ولا انه مخلص دبلوم صنايع وانا جامعيه

ولا انه بيشتغل في تطريز الهدوم الحريمي وانه ما بيشتغلش في بنك وما لوش مشروع خاص بيه ومش مخلص تجارة

ولا معاه لغه ولا ولا ولا ولا ولو قعدت اقولك يمكن ما يكفنيش سنه المشكله مش هنا

المشكله في اني اكتشفت ان الحد ده ممثل بارع ومشى على قلبي ومشاعري وعواطفي

اسوء قصة حب ممكن اسمع عنها وبعيط ومنهاره

لاء مش مجرد ممثل ده كداب وغشاش ومخادع وبيلعب بعواطف الناس ومشاعرهم

ده حيوان ولا يمكن يكون انسان ده حد ابسط ما يقال عنه .....

وخرجت وانا منهاره واترميت على سريري وبكــــى بكى بكى

ومش مجرد بكى ده صدمه عاطفيه وعصبيه

المشكله اننا كنت بعيط علشان شتمته وجيت عليه وكمان علشان تخيلت ازاي هتكون حياتي بعده

وبعد ما اتعودت عليه وعلى صوته وضحكته وحنية قلبه ازاي هقدر اعيش من غير ما اقله صباح الخير

وانام قبل ما اقله تصبح على خير

ازاي هتحمل ما اكلموش واقوله يا حبيبي وقلبي وعقلي

ازاي هيهنالي نوم واكل وضحك ومذاكره والحد اللي حبيته مش موجود

الحد اللي حبيته كدبه كبيره والكدب بيسري في شرايينه مسرى الدم ازاي

انسان عنده قدرة على تقمص الشخصيات الحزينه والمكتئبه والتعيسه

والمحبه والحنونه والشاعره و و و و و و و و و و و و و الف ميت شخصيه

ولقيت نفسي بدخل اون لين تاني لقيت يوسف خرج

كلمته في التليفون وانا بعيط ومجروحه وقلبي بيزف قهر وحزن وخداع

الو يا يوسف

ايوه يا غرام انتي رحتي فين ؟

معلش معلش المهم بس اخر حاجه انا عايزه اسألك على اخر حاجه

يوسف هوا بيتعاطى حاجه ؟

قالي : ازاي ؟

قلتله : كحول مخدرات اي حاجه ؟

يوسف : كل دول يا غرام

انا : كل دول ايه ؟

يوسف : كل اللي بتقولي عليه ده محمد بيشربه وبيشمه

وقفلت وانا بتلقى صدمة ورا التانيه ورا التالته ورا العاشره وواقفه حيلي ولقيت الدموع دي راحت

وكل حاجه راحت وكلمت والدته في البيت

الو ازيك يا طنط ؟

مين غراااااااام ازيك يا حبيبتي ؟ انتي ما بتتصليش ليه ؟

قلتلها معلش ظروف وكده .. معلش انا حابه بس اتكلم معاكي في حاجه محمد قالي على كل حاجه

وكل اللي كان معكننه بس انا مش عارفه عايزه اساعده ومش عارفه انا عمي عنده شركة هنا في مصر

وهقوله يمكن يقدر يشغله او حاجه

ربنا معاكي يارب ويوفقك يا بنتي

انا : سالتها هو محمد مواليد كام ؟

قالتلي

انا : طيب هو مخلص ايه ؟

قالتلي

طيب بالنسبه لموضوع البنك وكده ومشروع اجهزة الكمبيوتر

قالتلي والله يبنتي هوا شغال مع يوسف على طول

وبالليل بينزل تطريز مع اخوه والبنك زي ما انتي عارفه الواد ده كداب كبير وبتضحك

ضحكت

قلتلها هوا محمد كان في حياته بنات وكده قبل ما يعرفني ؟

قالتلي كتير كانوا بيكلموه على الموبايل وانا ارد عليهم اقلهم نايم او خرج

قلتلها طيب انا هشوف عمو وكده وربنا يسهل

طبعا لا في عمو ولا حاجه اي ام اما تعرف ان في لأبنها مصلحه لازم تحاول تساعده

وكدبت عليها علشان اعرف الحقيقه من لسان والدته واللي لا يمكن تكدب في حاجه تخص ابنها ومصلحته

عملتي ايه يا غرام بعد كده ؟؟؟ واتصرفتي ازاي ؟؟؟

هتعرفوا بكره ان شاء الله قصة ( بحبك يا غرام ) 710150

الحلقه الواحد والعشرين
قصة ( بحبك يا غرام ) F3f79d761aa2f66500aac3defe76930a_l

وقفلت التليفون مع مامت محمد وانا في قلبي وعقلي وكل حته فيا وجع

قلبي بينزف وعقلي بينزف مش عارفه افكر

وكل اللي عملته وبعمله من ساعة ما سمعت وعرفت الحقيقه اننا بعيط

للدرجة دي انا ساذجه للدرجة دي انا وسيله رخيصه

لأي حد ممكن يسوق على مشاعري وعواطفي الكدب والغش

للدرجة دي كل الناس ممثلين بارعين وكل الناس وحشيين

انا مش هثق في حد تاني انا الغلطانة اللي سلمت عواطفي ومشاعري لحد بالشكل ده

حد اكبر ميزة فيه انه كداب ومجرم

بس وحياة كل لحظه حب عيشهالي كدب لأوريله

وحياة كل طعنة طعنهالي وكل نزيف نزفهولي لأردله الطاق عشره

حسبي الله ونعم الوكيل

ياااااااااااارب في كل مرة كنت بتقف جنبي وبتقومني

يااااااارب انت اللي عالم ان جوايا نضيف وعمري ما فكرت اعمل غلط

يااارب تقومني من الوقعه دي بخير يااارب انا ضعيفه ومكسوره ومهزومه

انا اقل من اننا اقدر انتقم منه واخد حقي

يارب انا ما كنتش اعرف انه وحش وبتاع بنات وبيشرب مخدرات وخمره

يارب خدلي حقي منه يارب يارب نسيني نسيني نسيني قومني وصحيني

رجعني تاني لبيتي وجامعتي وصحابي يارب ما تتخلى عني انا محتاجاك

ومحتاجه لرحمتك يارب يارب يارب

وجات امي من الشغل وهي شايفه بنتها حد تاني مرمي على الأرض

وبيدعي ربنا وكل وشه مليان بالدموع قالت يبقى في مصيبه

وجات وقعدت جنبي على الأرض بتقولي مالك

وبتهديني وانا علشان ما اقلقهاش قلتلها ان ايدي وجعاني قوي

فخدتني في حضنها ادفى حضن في الوجود كل الحنيه والأمان والراحه

وقالتلي يا دلوعه كل مره تخضيني عليكي كده قومي فوق السرير

ونامي وقعدت جنبي على السرير وفي حضنها لقيت روحي بنام وبرتاح

وراميه من ورا ضهري العالم كله كل العالم الوحش الغدار اللي لا بيقدر صدق

ولا براءة ولا عفويه ولا حب العالم اللي عنده وسيله وحده بس

وهي ازاي تمشي حالك وتكدب اكتر علشان تكسب اكتر ولو بالكدب

وبقيت أنسانه تانيه نسيت الضحكه والبسمه

كل الشباب في وشها شياطين مخادعين وكدابين عالم كدابه وغشاشه

عالم ابسط ما يكون موجود بس لتعذيبنا وتحطيم قلوبنا

وتخليت عن حلم الحب اللي اكتشفت انه وهم

واكبر وهم ممكن تحلم بيه اي واحده بنت

حب ال حب ال

مين في الزمان ده يعرف معنى الحب واللا بيحب اصلا

محدش بيحب حد في الزمن ده الا اهلك والدك ووالدتك واخواتك بس

كل اللي حواليا نفعت معاهم النظريه دي

من اول اكتر بنت كانت متحرره فينا ايام المدرسه عبير

لأخر بنت كانت مليانه خجل وعفويه وبراءه ورومانسيه واللي هي انا

واللي في النص كمان لينا وشروق وسلمى والاء

و اي بنت عرفتها اللي حبته بصدق فعلا سابها واتخلى عنها

يمكن لظروف حقيقيه ويمكن برده لظروف وهميه

للدرجه دي الحب بقي تسلية الناس وشغلهم الشاغل

كله بيضحك على كله وكله بيخم كله ابسط حلم ليهم

الاول يكلموكي كلمة واما يوصلوا انهم يكلموكي مجرد كلام

وتبتدي تبينلهم مشاعرك الرقيقه الحقيقيه يسيبوكي ويتخلوا عنك ويبان اصلهم

ورجعت كليتي انسانه تانيه وروح تانيه كنت باكل الكتب

اكل من كتر المذاكره وكنت بقضي البريك في المكتبه يا بذاكر يا بقرأ كتب

وقصص وروايات واغلبها كان عن الغدر والخيانه

اصلنا مش في زمن الحب ولا زمن الرومانسيه

وللأسف يوم ما رجعت لقيت الكل متغير

واولهم انا يمكن علشان انا اتغيرت ما اعرفش لكن الناس في عيوني

مش هم نفس الناس ونظرتي للحياة ما بقتش هي نفس النظرة

وبعد فتره وكأن الاخ محمد عرف اننا عرفت الحقيقه

وابتدت المطاردات الرخيصه ميت رساله على الايميل بيرجوني اننا ادخل اون لين

واكلمه واما زهق ابتدى يزعج صديقاتي اللي كنت ببعتله من عندهم الرسايل

ويقولهم انه عايز يكلمني ضروري ويرنلهم الفجر ويزعجهم وهوا مش على بعضه

ساعتها قلت مش ذنبهم ان شخصيه زي دي تعكنن عليهم

وتتسببلهم في مشاكل مع اهلهم

وقررت اننا ادخل واكلمه وكنت ناوياله على نيه مهببه

ودخلت ولقيته مستنيني

بيني وبين نفسي

يااااااااه حنون فين ايام ما كنت استناك بالأيام

وانا فاكره انك بني آدم تستاهل وانت طلعت ولا تسوى حاجه

غراااااام حبيبتي واخيرا دخلتي بقى دي عمله تعمليها كده

اكتر من شهر ما اعرفش عنك حاجه ولا حتى تطمنيني عليكي

حتى لو خسرنا بعض كحبايب ما نخسرش بعض كأصدقاء

انا بيني وبين نفسي : نفس الكلام وكأنهم حفظينه من كتاب واحد

انا : ايوه وايه تاني ؟

محمد : وحشاني قد الدنيا وحشاني قد السما

وحشاني قد البحر وحشاني وحشاني جدااااااا

انا : ايه يا محمد هتغني بشوفك ؟

محمد : من يوم ما عرفتك وانت مجنناني ومخلياني اكلم نفسي واكتب واغاني

انا : ايوه فعلا فعلا وايه تاني ؟

محمد : غرام انتي بتكلميني ببرود كده ليه ؟

انا : وعايزني اكلمك ازاي ؟

محمد : غرام انا بجد ما اقدرش اعيش من غيرك غرام انا بحبك

انا : بضحك والله بتحبني ؟

محمد : غرام انتي اكتر حد عارف انا بحبك قد ايه

انا : ايوه فعلا ده انت بتحبني حب

بقولك ايه واسمع من الآخر كده علشان ما اطولش عليك

انا ما انفعكش يا ابن الناس ولا حتى صديقه لأن دمي اللي بيجري في عروقي

غير دمك خالص انا وانت ما نقدرش نتلاقى ابدا

ولا بأي طريق من الطرق الا طريق الكدب وسككه بس

هوا ده الطريق الوحيد اللي تعرف توصلي بيه

محمد : ارجوكي بس تسمعيني

محمد : غرام يوسف قاللي على كل حاجه وامي كمان

غرام انا مش عايز اخسرك انتي احلى حاجه حصلتلي بجد انا ندمان

غرام انا من يوم ما عرفت انك عرفتي وانا اتجننت مش عارف انام ياغرام

ارجوكي ما تظلمنيش

انا : اه فعلا اكيد قلقت على الصورة الورديه اللي كانت ليك في دماغي وضاعت ؟

محمد : غرام انا بحبك بجد وبعدت عنك لاني خايف عليكي من حقيقتي

انا فعلا بحببببك ارجوكي صدقيني

انا : للأسف الحاجه الوحيده اللي ما كنتش بخاف منها انت

للأسف انت حد مهزوز وفاقد الثقه بنفسك كاره حياتك ووضعك

وبتتمسح بغيرك وبتاخد شخصياتهم بس ما اكدبش عليك تنفع تبقى

ممثل بااااااارع

انا بكمل

اتمنى منك تكمل دور الجدعنه والخوف بتاعك عليا وتعتبر القصه دي انتهت

زي ما انت نهتها مش بعد كده وتنساني وتشفلك حد تاني تكدب عليه

كل الكدب بتاعك وتختفي من حياته قبل ما يكشفك انا بكرهك

وبكره كل يوم نفسي اكتر اننا كنت بحب حد زيك

انا بكرهككككككككك ومش عايزه اعرفك

ولا تكلمني ولا تيجي جنبي ولا جنب اي حد من اللي اعرفهم

واحتفظ باللي باقي من كرامتك

وخرجت وانا بأبكي بكى فظيع وشديد وان كنت بينتله اني نسيت

لكن كل ذرة في كياني فاكره كل كدبه كل كلمة حلوه

وكل شعر قالهولي وكل خاطره كتبهالي كل المواقف

كأنها حصلت حالا كل سذاجتي وعبطي

باب بيتنا بيدق تك تك تك

ايوه ثواني

( بمسح دموعي )

بفتح الباب محمد ازيك وازاي عمتي وحشتوني

محمد : عنيكي حمرة كده ليه ؟؟؟

انا : والله ابدا تلاقي دخل فيها حاجه

تعالى اتفضل اتفضل

محمد : قوليلي بقى اخبار الجامعه ايه ؟؟؟

انا : تمام كله تمام والحمد لله

محمد : غرام مش هتضحكي عليا هو ايه اللي تمام ؟؟

انا : الجامعه ثواني هنده ماما بابا لسه مجاش من الشغل

ماما : ازيك يا حبيبي وازي ماما تشرب حاجه اعملك شاي هعملك شاي

محمد : ميرسي يا طنط

محمد كمل موجه كلامه ليا : ايوه بقى وايه اللي مخليكي معيطه كل ده ؟

قبل ما تفتحيلي الباب ومخلي عيونك زي الدم كده !!

انا : وبعد ما كشفني وانا مش عايزاه يكشفني بكيت بحرقة

وسيبته ومشيت دخلت الاوضه جري

ماما : ورايا في ايه يابت انتي انا ابتديت اقلق كل يوم عياط

وبكى في ايه ؟ وحياة ربنا لو ما اتلميتي لألمك في ايه قولي ؟

انا : والله ما في انا مخنوقه قوي النهرده بس مش اكتر

ما فيش حاجه سيبوني بقى في حالي انا هروق واخرج تاني لوحدي

ياريتني ولا كلمته ولا اتهببت افتكرته ياااارب بقى امتى هتنسيني

وتاخد بأيدي ويوم ورا التاني وانا واخده جنب كده مخنوقه ومضايقه

من اخر كلام بيني وبين الشخص ده

واللي اتمنى انها تكون المره الأخيره

وما يرجعش يتعرض ليا بأي شكل تاني

بعد كده بحاجه بسيطه اتقربت من ربنا اكتر ابتديت اصلي كله في وقته

مش زي قبل يا الحق الضهر والعصر وانسى المغرب والعشا والفجر

بقيت اصلي كله بوقته واصلي بالليل كمان

واقرأ قرآن اكتر وادعي من ربنا كل مره انه يوفقني للخير

ويبعد عني الشر واتحجبت كمان وكان قرار قديم في بالي

بس كنت دايما بأجله واما تحجبت حسيت براحه وهدوء وصفاء نفس فظيعين

وكان الحجاب عليا يجنن راااااااائع محدش يشوفه عليا

الا ويقول بسم الله ما شاء الله يجنن عليكي

وفي يوم وبعد الكليه قررت اننا نفسي اروح ازور عمتي

وكمان اشوف محمد واعتذرله عن الموقف السخيف اللي حصل مني آخر مره

وروحت فعلا رحت وعمتي باستني وبركتلي على الحجاب

وكلمت ماما من هناك اننا عند عمتي وهتغدا هناك

وكان محمد لسه ما جاش من الشغل وسلمت على عمتي وبوستها

وقلتلها اننا كابسه على نفسهم النهرده وهتغدى عاملالنا ايه يا عمتو ؟

عمتي : رقاق في الفرن وكباب هندي ورز معمر

يا سلاااااااام اكل جميل انا حظي حلو بقى

ودخلت مع عمتي المطبخ وقعدنا هناك وتسألني عن بابا وماما ونورا

وازاي الجامعه وعامله ايه و و و المهم بعد الاجوبه

على جميع الأسئله التقليديه والمتوقعه

خرجت قعدت بره وضبت اوضة الصالون وانا بوضب جه عيني على صورة

جوه اوضه من الاوض صورة للشروق وبحر ولون السما صوره تجنن

الله عمتي دي لمين الصوره دي ؟

دي صوره تجنن وبخدها ورايحه اوديها لعمتي علشان تقولي لمين

واتفاجأت بصوره تانيه تحت الصورة دي !!!

ياخبببببببببببببببببر ده انا !!!

الله دي جميله جدااااااااااا ومسكتها بين ايديا

ووقفت قدام المرايه دي شبهي قووي

الله قد ايه جميله وانا قدام المرايه لقيت حاجه مكتوبه ورا الصوره مسكتها وقلبتها

بحبك وعمري ما حبيت حد تاني غيرك

يا خبر !!!! ورجعتها في ثانيه مكانها وغطيتها بصورة الغروب

واللا الشروق دي اللي كانت موجوده

وخرجت بره الاوضه ولاقيت محمد في وشي

هاااااااااااا

( مخضوضه )

ايوه ازيك يا محمد ؟

محمد : الله انتي اتحجبتي تصدقي جميل جدا عليكي بسم الله ما شاء الله

انا : ميرسي بقوله انت اللي راسم الصوره الجميله دي بتاعت الشروق ؟

قالي ايوه عاجبتك

جداااااااا دي جميله قوي انت فنان بجد

محمد : ثواني بس ودخل الاوضه

انا : لقيت نفسي برتعش ومخضوضه من اللي قريته وشفته وببص عليه

محمد : وكأنه شاف الصوره اللي وراها قلبها

وحط وراها صوره تانيه وجبلي الصوره بتاعت الشروق

وكمل

والله ما هلاقي حد اغلا منك اديهاله

انا : والله ما ينفع ياخبر ازاي

محمد : يلا بلاش نتناقش كتير ولو مخدتيهاش

هجيبهالك المره الجيه معايا وانا جي عندكم

صحيح انتي بقيتي احسن دلوقتي

انا : انا كويسه جدا الحمد لله وسوري لو كنت اتصرفت معاك بطريقة مش ظريفه

محمد : لا ابدا عادي

ايه يا حاجه ما فيش حاجه نسلك بيها نفسنا لحد ما الحج يجي

ومشي وبوشه على المطبخ

لحقته

باس ايد عمتي وراسها وبيكلمها وجيبلها معاه عيش وشاي وحاجات كانت طلباها منه

وجه عمو عثمان واتغدينا كلنا مع بعض وشربنا الشاي

واما قلتلهم اننا مروحه بقى خلاص اصر محمد انه يوصلني

ولأول مره احس اننا مكسوفه منه جدا ومش على بعضي

واننا لازم احاسب على كل كلامي

محمد : ساكته ليه ؟

انا : ابدا والله تلاقيني بس تقلت في الغدا

محمد : يا سلام ؟ تقلتي اللقمتين دول اومال لو دبيتيها زي ما دبيتها ؟

كان حصلك ايه ؟

وعزمني واحنا مروحين على ميرندا وانا طول ما انا ماشيه

كل تفكيري في صورتي المرسومه والكلام اللي وراها

ووصلنا بيتنا وعزمت عليه يطلع قالي لاء خلاص يا دوب هروح انام

ومره تانيه والكلام ده وقبل ما اطلع السلم لقيته بيقولي
غرام
قلتله نعم
قالي : الحجاب يجنن عليكي وابقي فكريني اما اشوفك تاني بقى

بحاجه نفسي اقولهالك من زمان

قلتله حاضر بس اشمعنى المره الجايه ؟ ما تقولي دلوقتي ما ينفعش

ضحك وقالي لاء المره الجيه ما ينفعش دلوقتي

طلعت بيتنا وهوا كان مشي

لاء ياغرام مش المره دي انسي يا غرام انسسسي

وقررت اننا انسى اللي شفته ده في بيت عمتي

واحتفظ بابن عمتي واخويا الكبير محمد

أنا لسه مكسوره ولسه ماليش ثقه في اي حد حتى لو كان الحد ده قريب مني جدا

زي محمد ولو اني اما قعدت وفكرت اما كان قلقان عليا يوم المستشفى

واما كنا بنلعب كوتشينه والضحك والهزار وحاجات كتير جدا

كنت احن لكن افوق على كابوس الغدر اللي خدته

واقرر الف مره اننا مش هعيد الكره دي مهما حصل

يا تري حصل ايه تاني مع غرام ؟

ومحمد كان هيقولها ايه ؟

هتعرفوا الحلقه الجايه ان شاء الله قصة ( بحبك يا غرام ) 710150

الحلقه الثانيه والعشرين
قصة ( بحبك يا غرام ) 580292793

وجت ايام وراحت ايام وانا زي منا من جامعتي للمكتبه

من المكتبه للبيت قافله على نفسي وحاطه روحي جوه سجن

وقافله عليه بميت ترباس لا عايزه احب ولا عايزه اتحب

سيبوني في حالي بس اعوض اللي راح من ايامي في حاجات نزلتني لتحت

بدال ما ترفعني لفوق حاجات خلتني اكره نفسي وافقد الثقه في كل اللي حواليا

ومرت شهور وابتدت امتحانات اخر السنه كنت مقرره ساعتها

اننا لازم اخرج من محنتي دي بأقل الخسائر لازم اجيب تقدير جميل

افرح بيه امي وابويا اللي هما كل اللي ليا

واللي استحملوا علشاني حاجات كتير ياما

وجات الأمتحانات وابتدت حالة الطوارئ ما بنامش

وما بكلش بذاكر وبس وابتديت اعوض كل اللي فاتني من ايام وحشه

واخلي ليها قيمة بجد ومن حواليا الناس اللي اخترتهم وبس

اديت اكتر مما لازم على اي حد انه يدي وركزت قووي

واما خلصت الامتحانات لقيت روحي بفتح صفحه جديده في حياتي

ومقرره ان السنه الجايه هتبقى شبه اللي قبلها بس مش في تفاهتها

لا في كل تركيزها وجديتها

وابتدت اجازة آخر السنة وابتدا معاها كل جديد والمره دي مش مجرد حب لاء

ده ارتباط وزواج وابتدا بابا كل فتره كده يقول عن عريس

وانا اقول لماما تقوله مش عايزه انا عايزه اكمل الجامعه

ومن ضمن الناس دي كان محمد ابن عمتي

وكان الموضوع بكل بساطة صدفه وكان زيه زي اي حد غيره

وجات عمتي وفتحت بابا في الموضوع

وماما سألتني قلتلها ان محمد اخويا الكبير ما ينفعش

وانا قلتلك الف مره انا عايزه اكمل الجامعه ومش عايزه اتجوز دلوقتي

يا عبيطه دي خطوبه بس لحد ما تتخرجي

وهو محمد ما شاء الله ناجح ومحترم وهيحفظك ويصونك

ولا حتى قراية فاتحه انا مش عايزه انشغل خالص في الحاجات دي دلوقتي

انا عايزه اركز في الجامعه وبس

وياريت يا ماما محدش يضغط عليا انتي عرفاني مجنونه

طبعا ماما شتمتني قبل ما تخرج من عندي في الاوضه

وقالتلي طب وحياتك لقيلا لأبوكي يشوفله صرفه معاكي

وفي دماغك اللي عايزه كسرها دي

وفعلا ابتدت المواضيع تسخن عندنا في البيت

واللي كان اسوءها اما ماما قالت لبابا اننا مش عايزاه

هتتسبب في ( ازمة سياسيه ) بين بابا وبين اخته الوحيده

وكلمني بابا بقى

ماله محمد ابن اختي بقى مش عاجبك في ايه ان شاء الله ؟

ولا فيه حد تاني قوليلي علشان لو في حد تاني اعرف اتصرف

والله ابدا يا بابا ولا تاني ولا تالت

بابا : اومال في ايه ماله محمد ؟

انا : يا بابا محمد اخويا الكبير ما بفكرش فيه ابدا كزوج

وانت عارف الحاجات دي بتلهي وانا لسه قدامي كمان 3 سنين

عايزه اركز فيهم كويس وبعد ما اتخرج يحلها بقى الف حلال

بابا : هوا محمد هيطير يعني ؟

هتتخطبوا والراجل كويس وابن ناس وانا بحبه جدا

واقل ما فيها تبقي محجوزاله

محجوزاله ايه يا بابا هوا انا عربيه ؟

انا مش عايزه حاجه تشغلني دلوقتي انا عايزه اتخرج واركز في مستقبلي

واتوه في بابا اجيبه يمين اجيبه شمال ابدا

وفي الآخر وافق يأجل الموضوع شويه افكر فيه

وقررت اننا مش عايزه ارتبط بحد كلهم جنس واحد

نمرود وكداب وغشاش بما فيهم محمد

حتى كمان لو عرفت انه بيحبني بس زي ما دقت من العذاب الوان

لازم اعذب كل حد بيحب ولو كان هو

بكلم نفسي : ده انتي شيطانه ولا تستحقي تكوني انسانه اساسا

وتعملي كده ليه في خلق الله تطلعي عليهم عقدك السوده

لالا والله انا ما شيطانه انا مش عايزه احب تاني بس

ويوم ما اتجوز لازم اتجوز بالطريقة التقليديه حد لا عمري شفته

ولا اعرفه ولا بيني وبينه اي مشاعر

ومر يوم واتنين وكأن عمتي عرفت اننا عايزه فرصه افكر

او حتى الغي الموضوع وساعتها قطعت رجلها من بيتنا

وما بقتش تزورنا الا كل فين وفين

واما اسلم عليها وكأنها غضبانه عليا بتسلم كده عليا بقرف ومن طرف ايديها

انتي حسه بالذنب ليه ؟

هوا الجواز بالعافيه ايه الناس دي انا مش عايزه اتجوز دلوقتي

هما مالهمش دعوه بقى فيا هما هيمشوني على مزاجهم كده كتير

ده ظلم انا لو زاد الموضوع عن كده هخرج وهقول لعمتي في وشها

اننا مش عايزه ابنها ده خالص ومش عايزه اتجوزه

بس يالهوي على اللي هيحصلي من بابا ده يموتني فيها اساسا

حطي لسانك جوه بقك وهششش واهو موضوع يفوت ولا حد يموت

ومر اسبوع واتنين وشهر ومحمد جه عندنا البيت مع عمو عثمان

وبعد ما عمتي رفضت انها تيجي وقعدوا مع بابا

وفوجئت انهم بيطلبوني تاني من بابا بس المره دي من غير عمتي

علشان ما يتسببلوهاش في احراج

وجات ماما تسالني لتاني مره وانا رأيي كان نفس الرأي

هما بيمسكوني من ايدي اللي بتوجعني انا مش عايزاه بقى

ومش عايزه اتجوز اساسا عجبكوا ولا لاء

ولو خايفه تقولي لبابا كده انا اخرج اقوله

اخرسي بقى هتفضحينا قدام جوز عمتك وابن عمتك

انتي بقيتي بجحه قوي وشكلي ما عرفتش اربيكي

بس ملحوقه صبرك عليا اما يخرجوا

اووووووووووووف بقى ايه العيله دي !!

وطبعا فوجئت بأن بابا بيندهلي خرجت الصاله

قالي ادخلي محمد عايزك جوه

قلتله عايزني انا ليه ؟ هوا في ايه ؟

قال بقولك ادخلي عايز يكلمك جوه

وانا اهو في الصاله مع عمك عثمان

قلتله طيب

ودخلت رحتله

طبعا سمعت كلام بابا ودخلت سلمت عليه وبكل ثقه وقعدنا

محمد : ازيك

انا : الحمد لله انت عامل ايه ؟

محمد : مش كويس

انا : ليه ؟

محمد : بيقولي كنت مستني تفكريني بالحاجه اللي كنت عايزه اقولهالك

اما وصلتك زمااااااااان البيت فاكره ؟

وانتي ولا فكرتيني ولا بتاع نسيتي اساسا

قلتله اسفه نسيت طيب احنا اهو فيها قولي كنت عايز تقولي ايه ؟

محمد : انا بكرهك
.
.
.

حصل ايه بعد كده مع غرام ؟

ويا تري محمد ليه قالها بكرهك ؟

وكان ايه رد فعل غرام ؟؟
كل ده ان شاء الله هتعرفوه في الحلقه الجايه قصة ( بحبك يا غرام ) 710150

المرة الجاية هاتبقي الحلقه الاخيره من يوميات غرام

الحلقه الثالثه والعشرين والأخيرة
قصة ( بحبك يا غرام ) T_3_daj56_L

طبعا سمعت كلام بابا ودخلت سلمت عليه وبكل ثقه وقعدنا

محمد : ازيك

انا : الحمد لله انت عامل ايه ؟

محمد : مش كويس

انا : ليه ؟

محمد : بيقولي كنت مستني تفكريني بالحاجه اللي كنت عايزه اقولهالك

وانتي ولا فكرتيني ولا بتاع نسيتي اساسا

قلتله اسفه نسيت طيب احنا اهو فيها قولي كنت عايز تقولي ايه ؟

انا بكرهك

ضحكت اوي وقلتله بتكرهني ليه ؟؟

محمد : معذباني ومطلعه عيني ده غير بقى انك كرهاني انتي كمان فأنا بكرهك

غرام : والله ابدا انت عارف انك زي اخويا الكبير

امممممم بقى كده ؟ طيب قولي بقى لأخوكي الكبير انت رفضاه ليه ؟ وبتوهي فيه يمين وشمال

غرام : انا ؟؟
محمد : بت انتي لؤم البنات ده مش عليا انا بقولك اهو

غرام : ضحكت اوي علي كلمة لؤم البنات دي
وبعد ثانيه سكت مش عارفه محمد انت تستاهل حد احسن مني بكتير انت كويس جدا وانا ما استهلكش

محمد : وانتي ايه عرف سيادتك بقى انك ما تستاهلنيش ؟

انا مبتسمه ايه سياتدك انت بتكلم كونداليزا رايس ؟ ضحك قلتله بص والله يا محمد ...

وما كملتش قاطعني محمد في النص قوليلي بقى هوا معاكي في الجامعه ؟ قومت وقفت هوا مين ؟

محمد : اللي بتحبيه ؟

انا ما بحبش حد
محمد : لاء بتحبي

غرام : هوا ضروري علشان ارفض حد يكون في بديل ؟

لاء مش انا اللي ارفض لسبب زي ده ولو فعلا كنت هاجي واقولك ( وانا محموقه )

ولقيت اسألته بأسلوب فظيع لقيته بيستفزني وبيطلع كل اللي في قلبي
محمد : انتي تستاهلي احسن الناس

غرام : يا محمد انا ما استاهلش حد يا محمد انا بجد ما انفعكش وما انفعش اي حد

محمد : طيب قوليلي السبب وانا اوعدك والله

ما هفتح معاكي الموضوع ده تاني بس قوليلي حاجه تقنعني

غرام : يا محمد انا ما ينفعش اقولك انا نفسي في ايه ؟ او بفكر ازاي ؟ او كنت بعمل ايه ؟

وانا اصغر من كده ولحد اشهر فاتت
محمد : لاء ينفع اعتبريني اختك الكبيره بلاش يا ستي صحبتك

قوليلي ريحيني طمنيني سكوتك مخليني اقلق
غرام : لاء ما يروحش مخك لبعيد بس انا كان نفسي اعيش تجربة حب واحده في حياتي
وكنت دايما بسعى ليها برجليا وديما كان الموضوع بينتهي نهايه غريبه

مش مجرد اننا عايزه ارتبط بحد واتخطبله واخرج معاه انا كنت فكره

مجرد كلمة الحب حاجه رومانسيه جدا وخياليه جدا صاحبها او صاحبتها ناس ملايكه

ما بيغلطوش وما بيكدبوش والحقيقه مش كده مش كل الحب رومانسيه ولا كل الحب صادق ولا كل الحبيبه روميو وجولييت لاء انا كنت غلطانه

انا اما بقولك اننا ما انفعكش لأني فكرت في يوم ادي الحب ده لحد تاني غيرك ومش واحد ولا اتنين دول كتير جدا

محمد : ازاي مش فاهم ؟ ازاي كتير ؟

غرام : انا ما كنتش بكلمهم بس كنت بحبهم في خيالي وبس
محمد : بيضحك انتي مجنونة ؟
يابنتي طيب وده يبقي حب اصلا ؟

غرام : آخر حد مكنش مجرد خيال وهوا اللي خلاني اقول اننا ما استهلكش ولا استاهل حد

محمد : وعرفتيه ازاي كان معاكي في الجامعه ؟

غرام : لاء
محمد : اومال ؟
غرام : لقيت نفسي بقوله على كل الأسرار القديمه والجديده

وكل موقف مريت بيه وكل حاجه حصلتلي وفكرت فيها علشان يعرف حقيقتي

واننا ما استهلوش وعلى محمد كمان ولقيته بيسمع لكلامي واسراري بمنتهى الأهتمام

وبدون ما يكون متعصب ! ولا متنرفز ! ولا يسيبلي المكان ويمشي وخلصت كل حواديتي لقيته سكت

غرام : ايه ساكت ليه ؟

محمد : لقيته بيبتسملي وساكت ولقيته مره واحده بيقولي

هاااااا مش ناوية بقى تفكريني بالحاجه اللي كنت ناوي اقولهالك ؟

يوم ما وصلتك بالليل يوم ما كنتي عندنا ؟
غرام : ها ؟

محمد : بحبك يا مجنونة

لقيت نفسي بأبكي وبقوله بعد كل ده بعد كل الأعترافات دي كلها ؟

محمد : هوا ايه كل ده انتي ما عملتيش حاجه خارجه عن فطرتك و لا عن طبيعتك وكمان ما اتعديتيش حدودك

هوا انتي بكل ما فيكي من براءه لسه قاعده قدامي
وانا حبيتك لكل ده قصة ( بحبك يا غرام ) 246908

اقولك على اعتراف بقى ؟ ببتسم وانا بعيط ( قول )

فاكره الورد اللي كنتي بتلاقيه مكان ما بتقعدي كل يوم ده ؟

بتاعي انا بقى مش بتاع سي الأفندي اياه

ضحكت لاء بتهزر

محمد : والله بتاعي وانا اللي كنت هاريكي رنات صبح وليل على البيت اقولك كمان اعتراف

ها ؟
انا كشفتك يوم ما شفتي الصوره وكنت ناوي اقولك بس خفت احرجك
ياخببببببببر لاء يالهوي
محمد : ها قولتي ايه ؟

غرام : ايه ؟

لاقيته مسك ايدي .. وطلع علبه حمره علي شكل ورده شكلها حلو اوي وفيها دبلتين واحده ليا وواحده ليه ومسك ايديا

ولبسني دبلتي وفيها اسمه ( محمد )

محمد : بحبك تتجوزيني بقى انا تعبت معاكي ؟

ضحكت لاء بتهزر

محمد : والله بتاعي وانا اللي كنت هاريكي رنات صبح وليل على البيت اقولك كمان اعتراف

ها ؟
انا كشفتك يوم ما شفتي الصوره وكنت ناوي اقولك بس خفت احرجك
ياخببببببببر لاء يالهوي
محمد : ها قولتي ايه ؟

غرام : ايه ؟

لاقيته مسك ايدي .. وطلع علبه حمره علي شكل ورده شكلها حلو اوي وفيها دبلتين واحده ليا وواحده ليه ومسك ايديا

ولبسني دبلتي وفيها اسمه ( محمد )

محمد : بحبك تتجوزيني بقى انا تعبت معاكي ؟

حسيت بالحب كله في نظرة عنيه و حسيت حنانه اوي ورومانسيته ومن غير اي كلمه اقولها ابتسمت

ومسكت ايديه وخرجت بره عند ماما وبابا وعمو عثمان

وقلتلهم اننا موافقه ارتبط بمحمد

وخلصت حواديتك يا غرام وخلص معاها كل سعيك انتي للحب

و الحب كان قدامك طول الوقت وانتي مش واخده بالك منه

من هنا للمره الجيه مش هقلوكوا حصل ايه مع غرام

لأنها خلاص لقت الحب الحقيقي بجد وكل اللي حلمت بيه من حب ورومانسيه وغرام

وعقبال يارب كل البنات تلاقي نصها التاني زي غرام وكل الشباب كمان
وكلمة شكر لكل ال تابعونى وكل ال هايشوفوها لسة قصة ( بحبك يا غرام ) 710150

انتظرونى قريبا بقصة جديدة

شكراااا يا بوووووودي

دي اجمل قصة اريتها

جميييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييل اوى اوى اوى يا بودى
قصة بجد جميلة اوى

merci

» أغنية بسكال مشعلاني و احمد السقا :: بحبك أنا بحبك أنا :: ماستر :: CD.Q @ 192Kbps
» اللى بينا مكنش غرام كلام كله اوهام
» بحبك وبغار عليك
» حصريا وبانفراد تام شيرين - بحبك يا امي Cd q
» كلمه بحبك بجميع اللغات......